ترميل القزاز...................... وش الـــــــــــــــــ؟؟؟؟؟

[البدوي الفاهم]

السلام عليكم ورحمة الله وبركاتة
شكر للعضاء منتدى مكشات

عندي قزاز الامامي مرمل
رحت لحقين التلميع قالو مايرووح
رحة جبت جميع المنظفات وماراح
جبت زيت الفرامل وقعة المع فية ولا فية امل يروووووووح
حتى معجوون الاسنان لمعة فية ولا راااح

احد حل مشكلة الترميل

تحياتي

[العنيد952]

وعليكم السلام ورحمة الله وبركاته
مافيه حل الا تغيير القزاز واذا الترميل خفيف ما له داعي تغير القزاز

[ن م ر]

انا عندي نفس المشكله وتزداد اذا انت ماسك خط وناطحتك الشمس

بس مالها حل الا تغيير الزجاج

مو مثل الشمعات الأماميه البلاستيكيه القابله للتلميع

[ولد وايل..]

لالالالالالالالا

ووش انت وياه تغيير .صاحين ..<<< جاي جميع هع...


يا حبيبي أنا خابر فيه محلات تسوي جلي للزجاج الأمامي ترجع وكاااله...

مثل ما ينظفون الإسطبات القزاز ينظفونها ..

اسأل وتلقاه انا والله اخبر واحد من العيال قد سواها على موتره وانبسط عليها...

بس ما ادري وش المحل إن كاني عرفت بأعطيك خبر

[قرم العيال]

سمعت عن محل ببريده بشارع الشاحنات يصلحه

بس مدري وش اسمه .. ولازم يشوف القزاز اول ,, يصلح ولا لا

[دحيم الفزعة]

السلام عليكم
اهاااااا فايده جديده علي ان ترميل القزاز ينظف
شكرا لكم لكن ننتظر منكم اسم المحل لعموم الفائده


تحياتي ====

[اسدهم]

اخوي شف محل اسمة كاركيت ممكن شفة في الرياض قبل مخرج7ممكن المهم تحصلة بعد قصر الاواني هو الي يفيدك اكثر واحد من اشباب يمدحة بس ماجربنا القزازة الامامي انا جربت تلميع شمعات وشغل علا كيف كيفك والعمالة ابو فلب>>>فلبيني

[dhym]

كانك من حقين بريدة ،، فيه واحد بالخبي اسمه دكتور الزجاج <<تبع صفة الزينة الي بالخبيب ،، شغل مرتب ومحترم

[تريل بلدوزر]

كانك من حقين بريدة ،، فيه واحد بالخبي اسمه دكتور الزجاج <<تبع صفة الزينة الي بالخبيب ،، شغل مرتب ومحترم


ياسلام عليك .. سبقتني فيها :good2:
الله يعطيك العافية :)

[البدوي الفاهم]

مشكوووووووووووووورين الاخوان الاعضاء

انا بالشرقية
رحة لحقين التلميع الي على شارع الملك سعود بالدمام
وقااالو مايروووح
ورحة لـ ارمز للتلميع قااالو بعد مايرووح
والله يعين

[قناص من حرب]

السلام عليكم ابدا والله العالم ماله حل
بدل الخساير وشراء المنضفات وخساير المشاوير من بنزين وغيره
انصحك بالشراء تراها اسعارها ماهي غاليه
انا مشتري قزاز مكسيما 150 ريال

[عوام 5]

الى اعرفه ليس له حل الا التغير

[عشقي الباترول]

وعليكم السلام

من يقول انها تطلع انا كاان معي كابريس ورحت للامارات ومع طريق حرض صادفت عجة


ورمل القزاز والانوار والوجهية كلها رحت للحقين القزاز وقالو مافية ورحت لمحل متخصص في الترميل بالرياااض وقال لازم تغير القزاز لاان قزاز الوكااالة يجي اثنين ويبنها طبقة البلاستيكية اللي تمسك القزاز اذا تكسر

وهم يستخدمون موااد خااصة وتتسبب في تااثير البلاستيك الي بين االقزاز


يعني اغير قزاز افضل

[البدوي الفاهم]

هلا فيكم
اغيير ماعندي مااانع
بس بعد التغيير انواع التنسيم والوشوشة
وماتجي مثل قبل
تحياتي

[باترول 82]

هلا فيكم
اغيير ماعندي مااانع
بس بعد التغيير انواع التنسيم والوشوشة
وماتجي مثل قبل
تحياتي

في هذي صدقت وكلامك 100%

[المستعين بالله]

السلام عليكم
وانا اخوك انا مغير القزاز الامامي مرتين الأول كان مرمل منعدم مرة خصوصا اذا واجهت الشمس ما عاد اقوى اشوف
والثانية غيرتها لانها انكسرت علشان الفحص
الشاهد اني في الحالتين ما عانيت لا من تنسيم هوا ولا تسريب موية ولله الحمد والقزازة قيمتها 300 ريال مع الضمان سنة ان كاني مانيب واهم

[ALAHEEEL]

بالنسبة للقزاز بشكل عام على حد علمي
ما يقدرون يلمعونه عندنا بالسعوديه يقولون برا يقدرون لكن ما ادري كيف

اما الشمعات ان كانت بلاستيك
فأنشدني عنها انا رايح جاي مع طريق الساحل الغربي كله عجاج وسافي الله لا يبلانا

دلني واحد على معجون اسمه جي ثري وأنتبه :looney: لا تقول جثري :director: لا اسمه جي هم ثري تاخذه بعشرين ريال

ودورلك قطن واقعد ادهك بالشمعات اللين تونس حراره الملمع بيدك وكل ما طولت ترى يضبط شغلك وشوفني على هالحال كل ما كن النور مهوب بالحيل دهكت الشمعات بالجي ثري وتطلع كنك ما خذها وكااااله
هذا اسمه بالانقلش
G3
هذا اللي حبيت افيدك وافيد الاخوان فيه وسلامتك

[ابو محمد سوبر]

ياحبيبي انت واياه من اللي يقول يقدرون يلمعون القزازه اللي قدام صارت معي قبل ولا احد قدر كلهم يقولون ما يروح الترميل الا اذا غيرت القزازه يعني ما فيه حل واللي يذكر حل يعلمنا وشو المحل وكم رقمه لكي نتأكد من صحت المعلومه وشكرا :confused:

[ابو محمد سوبر]

اللي عنده حل يعلمنا ونجرب يمكن اكون غلطان

[العبيااني]

نصيحتيا اخوي لاتستعجل وفية محلات تسوى تنظيف لزجاج بدون تغيير

[HAS5SAN]

ما اتوقع يروح ابد
وياشباب فيه فرق بين الزجاج والانوار

[ابو محمد سوبر]

طيب اللي يقول فيه حل وش الحل

[YUKON_GMC]

الزجاج الامامي ثلاث طبقات
والماده التي تستخدم حاره وتسبب اذابة الماده الشمعيه بين الطبقين وبالتالي لا احد يقدر يستخدمها لازالة الترميل للزجاج الامامي

[فارس7]

اخوي عندي فورد نفس المشكلة قزاز مرمل لفيت محلات القزاز والتلميع كلها في جدة وتبوك كلهم قالوا لازم تغير القزاز