مساعده يا اخوان

[الملقوف2007]

السلام عليكم ورحمة الله وبركاته

اخواني انا حاب اشتري لي عدة سنوركل واتعلم عليه رغم اني اجيد السباحه واغوص بدون اي ادوات :D

انا من اهل تبوك ياليت الي عنده خبره باالاسعار بتبوك يفيدني
احتاج
انبوب تنفس
زعانف
الحزام عاد مايحتاج الحمدلله كلي وزني 48:D

اما بدلة غوص مدري هل لها فائده بسنوركل اما لا ارجو الافاده وان كان لابد منها اتمنى اعرف اسعارها


وشكرااااا

[ترهيم]

تحتاج إلى نظاره قيمتها مابين 100 ريال إلى 200 ريال على حسب الماركة .
السنوركل 75 إلى 150 ريال
الزعانف الي شفته انا من 200 وطالع مادري اذا فيه ارخص .
الجزمه الله يكرمك قيمتها 75 إلى 100 ريال الجزمه ضروريه لنزول من الكسارة عشان ماتتجرح رجولك .
بنسبه لي ارى ان البدله ضروريه لاني اشوف الاصابات من الشعب كثيره للي مايلبسون بدل والبدله بعد التوكل على الله تقى من الشعب .قيمتها من 200 وطالع .
ولاتروح اماكن للبيع غاليه لاني حصلة في ينبع في البنقله هوك الصيد ب40 ريال ولقيته في محل قريب منه ولكن يقاله ماركه ب120 والهوك نفسه يعني بالعربي يطلع اجار المحل منك.

[الملقوف2007]

مشكور اخوي على ردك ماقصرت
لكن اتمنى من اهل المنطقه يفيدوني اكثر لان الاسعار تختلف

[ابو مشك]

السلام عليكم

اخوي العده امرها بسيط

بعد اذنك لي سؤال واحد

عندك دوره غوص ؟ او دورة سنوركل ؟

الوضع يختلف كثير بين السباحه والسنوركل

لا تفهمني غلط اخوي وتقبل مداخلتي بسعة صدر

[الملقوف2007]

مشكور اخوي ابو مشك على ردك

بنسبه لدوره ولا غيره لا والله ماعندي

لكن ولله الحمد انا متمكن من السباحه وغوص بدون اي شئ بس نظاره ولله الحمد استطيع انزل الي 20 متر بدون شئ لان النفس عندي طويل الحمدلله واتحمل وقت طويل

انا كل الي ابيه اسعار المعدات بتبوك لان انا مو من اهلها بس قريب لها وابي اعرف اسعار المعدات حتى انزل ونا امجهز اموري كلها مو ينقص علي شئ

[الملقوف2007]

مافي احد رد ياشباب ابي احد يعطيني الخبر الاكيد من تبوك لاني بنزل بعد يومين

[صمت البحر]

انا من أهل تبوك وراح اعلمك على ارخص ثلاث محلات شفتها بتبوك



أول واحد بالعلياء مقابل مركز الكوخ الرياضي .. تبي اوضح لك أكثر ,, تعرف مطعم جمره تمشي من عنده مع طريق الخدمه لين يجيك قبل مركز العمودي للرياضه دخله على يدك اليمين خش معاها وامشي تقريبا 500 متر وتحصل المحل على يدك اليسار .


والمحل الثانــي هو مركز العمودي للرياضـة ..


والمحل الثالث بالجاده بجانب شركه نايك للرياضة وهو محل لوحه صغيره شوي يعني لازم تدقق شووي ..وتبي اوضح لك اكثر مقابل العربيه للعود تحصل محل شركه نايك وهو المحل الثاني بجانبه ,,


وغير هالمحلات ما اتوقع تحصل اقل سعر منهم


والله يوفقك لكـل خيـر

[الملقوف2007]

مشكور اخوي صمت البحر عز الله ماقصرت بيض الله وجهك انا بنزل بكره الصبح وامر عليهم واشتري كل الي يلزمني

[عقام البحر]

موفق اخوي وفادوك الشباب

ولا تنسا تشتري سكين لأنها ضروريه

وحاول لا تنزل لوحدك الأنسان ما يدري ايش يصير معاه

وذا تعرف ناس عندهم خبره حاول تنزل معاهم

انا كنت زيك احسب الموضوع بدله ومسدس ووينك يا بحر

ولكن اكتشفة اني اجهل اشياء كثيره

ولفضل يرجع لمنتدى مكشات قرية كثير وتعلمة منه

واي استفسار لا يردك غير لسانك

وموفق اخوي

[عقام البحر]

مكررررررررررر

[عقام البحر]

مكررررررررررر

[عقام البحر]

مكررررررررررر

[عقام البحر]

مكررررررررررر

[الملقوف2007]

مشكور اخوي عقام البحر على النصايح الحمدلله انا اشتريت العده ونزلت بها البحر بعد والحمدلله الامور كلها تمام
وبنسبه لنزله لحالي انا بدون ما انزل ننزل مجموعه دايم مع بعض وكلهم اخبر مني وبتعلم منهم مع الوقت