تكفون ياجماعة اللي عنده علم لا يبخل علينا

[السيف الحدب]

السلام عليكم
يالربع انا عندي قعود سنه لقي وصابه ورم في يديه من فوق الخف
وكأن خفه يبي ينعفص ( ينعفط ) ويضلع منه لكن على خفيف
شرحت حالته للدكتور وعطاني كبسولات لونها اخضر وابره للاعصاب وابره وللالتهاب
وله اسبوع من خلص العلاج وحالته مثل ماهي اللي عنده خبره عن هذا المرض يفيدني وشكرا للجميع

[عواد الشمري2]

السلام عليك
على حد علمي شف خفه هو به شي مسمار او شي مثل ذالك
لن المسار يسوي كذا

[السيف الحدب]

هلا اخوي عواد وشكرا على مرورك
لكن اخوي انا شفت الخف ما فيه مسمار لكن في ورم الخف والمفصل اللي فوق الخف
وبيديه الثنتين والصبي اللي عندي يقول هذا مرمض يعني من الرمضا يوم يطا على الارض
وناس يقولون عين والله ما ادري ياخوي كثرت الاراء

[رويسان]

السلام عليك

على حد علمي شف خفه هو به شي مسمار او شي مثل ذالك
لن المسار يسوي كذا

أذا مافية مسمار يمكن تكون سلاة نخل وتأكد من ذالك

[كتام]

اكشف على خفه ...يمكن ضاربه شي ....او تكون جلدة الخف من الاسفل منزلغه ...وياطى عليها وتوجعه.

فيه طريقه بس لا تجربها إلا بعد السؤااااال الله يرحم والديك
قد مره جت عندي ناقه تضلع من يدها....وابطت على هالحال...وانتفخ نفس المكان اللي تقول
وجاني واحد من الشيبان و كوى الناقه داااار ما داااار الخف تحت المفصل بالضبط....وسلمت الحمدلله.....ناسي اسم المرض بس يقولون ما يجي إلا قليل
الوكاد إسال الناس العارفه....هل هو نفس المرض و شف.

[طالب المعرفه]

اخوي الغالي


هل القعود مربوط


او يسرح


اذا مربوط احسن شي خله يسرح من اماته

ويكن يبي له كوي من المفصل

[السيف الحدب]

هلا اخوي كتام
خف القعود تقريباً سليم ومثل ما قلت لي قالو لي بعض الربع
احتمال يكون من حرارة الارض والكوي والله اني فكرت فيه اكثر من مرة
وبتركه اخر شي وشكرك على مرورك طرح رايك

[السيف الحدب]

هلا اخوي طالب
القعود مو مربوط ويسرح مع امهاته
لكن بعد ما شفت الورم عزلته في شبك لحاله
لاني خفت عليه من البل وشكراً على مرورك

[عواد الشمري2]

الله يعينك
شف ها المرض ذا مامر علي بس الورم ذا زي المي اذا انه زي المي شقه لك شق واعصر الي جواه واكوه اذا قضيت ولو تسال الشيبان الي بالحراج يكون كويس ..والله يعين الجميع

[ابو ركاد]

السيف الحدب
صبحك الله بالخير
اول شين
نصيحه لاتكويه لان الكوي بالمكان هذا خطر
ممكن يحوش العصب وتعيب يده
ثانى شين
به دهون( ابوعضلات) تجده بالصيدليه استعمله على مكان النفخ
ثالث شين
حصل عندى نفس اللى بالقعود واغلب اهل الابل يقول يروح مع الوقت
رابع شين
اتمنى ان يكون علاجه الدهون ويطيب القعود

[السيف الحدب]

هلا فيك اخوي ابو ركاد
الله يعطيك العافية ويجمل حالك
والله ياخوك ما ودي اكوي القعود لكن قلت ابتركه الحل الاخير
واشكرك على جميع الحلول اللي طرحتها علي
تقبل تحياتي

[عشنا و شفنا]

وش تطعمه ؟
اذا فيها نخالة اقطعها عنه .
وجرب المرهم حق العضلات اللي بالصيدليات .تراه زييين

[446688]

احتمال والله اعلم

يمكن مكانك بالنفود والبعير سمين