مشكله في البندق

[عشقت البر]

السلام عليكم ورحمه الله وبركاتة

معاكم اخوكم ابو سعود من الكويت ...

طبعا هذي اول مشاركه لي وارجو انكم تقبلوني معاكم

شباب الكل عارف في وقت تخزين البندق من موسم الى موسم

البندق تتعرض الى عوامل التجويه الي هي الرطوب الغبار .... الخ

المشكله عندي بندق هوائيه ساكتون نوعها قامو شادو بروفيشنال

بدا يطلع عليها صدى بسيط جدا تحت الدربين واعتقد والله اعلم من الرطوبه ..

مع انه البندق مخزنه بجفير وبكبت خاص .

المهم استفساري يالربع بغيت اسويلها صيانه زيوت لازالت الصدء وتلميع وتنظيف

السبطانه ....... الخ احد منكم يدلني على محلات في الكويت تادي المطلوب

وكم بتكلفني ...

مع جزيل الشكر

[هاب 506 ريح]

أنا سعيد جداً أن أكون أو من يرحب بك في هذا المنتدي الشامخ وأقولك ياااااااااااا ألف مرحبا ومليوووووون مسهلا.

وكان بودي أني أفيدك لاكن أنا ماني من أهل الكويت لأكن أن شاء الله يفيدونك الأخوان.

[ملك التواضع]

اهلاً وسهلاً بك

يالغالي التنظيف عادي جداً

وهو انك تنظفها بقاز(بترول)

والتنظيفة الثانية بزيت مكائن الخياطه المعروف

والله يوفقك

[ماجد عوض]

هههههههه والله حسبت أنها خرازه ولا قناصه ولا سوجن
مافي داعي تتعب نفسك المسأله هي ساكتون هوووواى اما عن طريقة التنظيف الاخوان أفادوك

[ابو سفيان]

ياخوي الصداء مو شرط يكون من التخزين يمكن وانت تصيد لحقتها رطوبه كيف هذي لها عدة امور

مثل كان صيك جهة الساحل والجو رطوبف فعلقت في جسم السلاح وهذي كثييييييييييييييييييييييييييره يغفلون عنها القناصه

وش يسوي خوينا القناص ان انتها من المقناص وهو في نفس المنطقه الي فيها رطوبه حط السلاح في الشنطه او الجراب المخصص لحفض السلاح

ولا يعلم انه ارتكب خطء كبير
حيث انه يكتم الرطوبه المتعلقه في نفس السلاح في الجراب وهنا تسبب الصداء

هذي احد العوامل

لكن التضيف استخدم زيت المكاين او مزيل الصداء مع فركها بفرشة اسنان ناعمه كي لا تخدش بوية السلاح وسلامتك

[عشقت البر]

تسلمون على الردود...

ولاهنتو لكن استفساري !! انا اقدر انظفها بزيت مكينه خياطه والسلام حالها حال اي بندق عندي

لاكن البندق عزيزه علي وبدا ياكل عليها الدهرويشرب فحبيت اسويلها صيانه شامله ومحترمه ..

اما اخوي العزيز ماجد العوضي

يمكن انت منت راعي قنص ولا منت راعي سلاح بشكل عام

لكن الاخوان جزاهم الله خير يمكن يايدوني يمكن من 40 سلاح عندك في قطعه لها ذكريات

ولها موقف ماتخليك تهملها فهمت المقصد يالعوضي...

ولا الخير والحمدالله واجد يابن الحلال

مافرقت على خرازه ولا ساكتون هوائي ولا رشاش .

ياما راح وخرب الاغلى لكن الشيء الي يرتبط معاك

بموقف معين تحبه ...

وجزاكم الله خير يا اخواني على الردود والمساعده

كفيتو وفيتو

[أبوباسم455]

أخــوي حـطـهــا بـجــراب ومــاعـلـيها من أي شــيء يارجــل !!
http://dc03.arabsh.com/i/00113/5cvbd8pn7ipm.gif

http://dc03.arabsh.com/i/00099/fz6vdqqe8do9.gif