راح اهدي ومحتاااره ؟؟

[_لينا_]

السلام عليكم

ياهلا والله بالمكشاتين

احسن اني داخله غلط بينكم:p

يأ اخوان ابي فزعتكم ..لا هنتم ..:)

ناوية انشالله اهدي شخص راعي بران ومحتاره وش اهدية

وبما انه راعي بران اكيد عنده عزبه;)

فكرت بشيء ثاني بس للأسف اختكم في الله

ان تحمست وكشتنا .. كشتنا بحديقة:D <<يعني مهنا ذاك الخبره:(

انا ميزانتي ماتتعدى 150 ريال

ياليت تكون محلات بشرق وشمال الرياض

وجزاكم الله خير .. والله يسعد ويوفق اللي راح يرد علي

[_لينا_]

برايفت للمشرفين :
لو كان الموضوع مخالف ونقلتوه ياليت تعطوني خبر
وجزاكم الله خير

[راكان 11]

150 ريال
مالك الا تشرين ( دله ) من محلات قصر الاواني والا السيف
وعندك انواع مهيب مثل اللي ببيوتنا
نوع اسألي عنه ( بغدادي )
وخوذي لون ذهبي
والله يوفقك

[ابوغيلان صالح]

اشتري له دله او اي كشاف يدوي وتلقينه في اي محل الكترونيات

[لاتكب البيالة]

3 كيلو لحم نعيمي
واطبخيهن
واكبسي عليهن الرز
وكثري علوب الحبحر
وفصوص الثوم
والقرع
واعزميه
هذي احسن هدية

[فهدالغيهب]

وعليكم السلام

خذي له كشاف زين من الكشافات التي تشحن في المنزل والسيارة

أو دربيل أو موقد من المواقد العنكبوتية وأرشح اكسبدشن من كوفيا وإن كانه يحب الصيد فاشتري له ساكتون لكنه غالي من الألف وفوق
وبالنسبة للمحلات في الشرق ( أغلب محلات الرحلات في الرياض هي في الشرق )

عندك السنيدي للرحلات على الدائري الشرقي في مبنى السيف جلري للأواني

وعندك برق الحيا وعندك البرية وعندك الكشاتة وعندك رحلتي ومحلات الرماية ولعل الأخوان عندهم زود .

أبد أنتي روحي للمحلات هذي أوبعضها وبتحتارين وش بتهدين له من كثر الأغراض والعدد البرية
والله يوفقك

[مكسر الشوك]

اشتري له حزمة حطب والبرد على الأبواب

[a7md07]

وش رايـس في بطاقة مستلزمات للطواريء بحجم بطاقة الصراف !
البطاقة بحجم بطاقة الصراف صناعة سويسرية بجودة عالية
تستطيع حملها في كل وقت مع بطاقات الصراف خاصتك في محفظتك الشخصية
تأتي في علبة فاخرة تدل على جودة المنتج وترشيحه كأفضل هديه
متوفر بداخل البطاقة وبشكل احترافي هذه الأدوات :
1-مقص
2-سكين
3ملقط
4-دبوس صغير
5-قلم !
6-مفك بأربعة رؤوس ( 3ملم - 5 ملم )
7-عدسة مكبرة
8-كشاف يعمل بالبطارية
10-مسطرة مرقمة

http://www.m5zn.com/uploads/2010/10/2/photo/100210211010eso38dpxbz3l9sn9hu3q.jpg (http://games.m5zn.com/cooking_games.html)

http://www.m5zn.com/uploads/2010/10/2/photo/1002102110108y97027i6v72qw0i.jpg (http://games.m5zn.com/cooking_games.html)

<< لاعمرك تفكر تهدي ..

[رسمال]

لم تخل اجوبة البعض من الاستهتار!!! هداهم الله
يا اختي العزيزة اتمنى لو تجنبتي كلمة (شخص) لأنها تشير لمجهول .... وتستبدليها بكلمة لأخي او لإبن اختي .... لعمي _ فهذا افضل

افضل هدية ان تعطيه نقدا وهو يشتري ما يشاء او تاخذية للسنيدي مثلا وتدفعين الفاتورة وبالتوفيق

[_لينا_]

يفيدونس الاخوااااااان
الله يجزاك خير ماقصرت ..:)


***

راكان 11




150 ريال مالك الا تشرين ( دله ) من محلات قصر الاواني والا السيف
وعندك انواع مهيب مثل اللي ببيوتنا
نوع اسألي عنه ( بغدادي )
وخوذي لون ذهبي
والله يوفقك
ابو راكان وراك ياكافي حاقرن الـ 150 جزان الله خير ان اهديته :mad:<<تقل قلبت على الرجل خخخخ
والله مهيب شينه فكرة الدله
جاري التدوين ..
ابوركان يملا العافيه:) ..


**

ابوغيلان صالح


اشتري له دله او اي كشاف يدوي وتلقينه في اي محل الكترونيات
حلوه فكرة الكشاف
ابو غيلان الله يسعدك ماقصرت:) ..

**
لاتكب البيالة

3 كيلو لحم نعيمي
واطبخيهن
واكبسي عليهن الرز
وكثري علوب الحبحر
وفصوص الثوم
والقرع
واعزميه
هذي احسن هدية
:D:D ياشين اللي يرد وهو جوعان
لا تكب شرهتك على اللي يعرف يصلح شكشوكه:(
مير لاعمرك ترد الا وانت متعشي:p
يملا العافيه ..


***
فهدالغيهب


وعليكم السلام

خذي له كشاف زين من الكشافات التي تشحن في المنزل والسيارة

أو دربيل أو موقد من المواقد العنكبوتية وأرشح اكسبدشن من كوفيا وإن كانه يحب الصيد فاشتري له ساكتون لكنه غالي من الألف وفوق
وبالنسبة للمحلات في الشرق ( أغلب محلات الرحلات في الرياض هي في الشرق )

عندك السنيدي للرحلات على الدائري الشرقي في مبنى السيف جلري للأواني

وعندك برق الحيا وعندك البرية وعندك الكشاتة وعندك رحلتي ومحلات الرماية ولعل الأخوان عندهم زود .

أبد أنتي روحي للمحلات هذي أوبعضها وبتحتارين وش بتهدين له من كثر الأغراض والعدد البرية
والله يوفقك
ايه هذا الرد اللي يبرد الكبــد:good2::good2:
جازت لي فكرة الكشاف وخاصة ان سعره مره حلو
بس ما ذكرت لي المواقد العنكبوتيه
وشو ميزته عن غيره وكم سعره
وش المحلات الرخيصه والزينه بشرق الرياض
والله يسعد قلبك ويعطيييك العااااافيه:)

***
مكسر الشوك

اشتري له حزمة حطب والبرد على الأبواب
اتقي الله:D
اتخيل الحطب وانا مغلفته وحاطه فوقه فيونكه خخخخخخخخخخخ
مسكر يملا العااافيه:)

**
a7md07

<<خشت مزاجي افكر اشترية لنفسي:p
احمد .. هالحين هذا بكم وين تلقى
ولو مسكوه شرطه ولا بلا شيء
ماتعتبر اداة جريمه ( ياي :p)؟؟
الحين يمسكون اللي ادنى الدون:(
انتظر رد بأحر من الجمر
ويملا العافيه:)

[محآآآآآآآآآآر]

أنا من رأيي إنك تاخذيله كشاف بريت لايت
قوي وممتاز وينفع للكشتات وينشحن في البيت ويجي معه ضمان
وفي حدود ميزانيتك
أخوك،،،،،،،،،،،،،،،،
محآآآآآآآآآآآآآآآآآآآآآر

[MNH]

اشتري له فروه او بشت البرد جاي وشكلها اكبر من قيمتها

[فارس ولدي]

150 ريال


فــــروه


تفضلوا هالموضوع


http://www.mekshat.com/vb/showthread.php?t=245712 (http://www.mekshat.com/vb/showthread.php?t=245712)



او صديرية
ادخاوا هالموضوع لعله يفيدكم بشيء


http://web1.mekshat.com/vb/showthread.php?t=97029 (http://web1.mekshat.com/vb/showthread.php?t=97029)



او جزمة ( اكرمكم الله ) تكون مناسبة للمشي


http://www.mekshat.com/pix/upload04/images163/mk38363_cecdb658-d26f-47da-902f-9fc4dd91e59f.jpg



http://www.mekshat.com/pix/upload04/images163/mk38363_josh_barrett_hiking_canyon1.jpg

بس ما ادري وين راح تلقونها فيه :) <== ليش تحطها اجل



او كشاف راس ( LTD )

http://seerb.com/up/uploads/31085d024e.jpg


ادخلوا هالرابط اقروا عن هالكشاف


http://www.mekshat.com/vb/showthread.php?t=285363 (http://www.mekshat.com/vb/showthread.php?t=285363)

[_لينا_]

محآآآآآآآآآآر

أنا من رأيي إنك تاخذيله كشاف بريت لايت
قوي وممتاز وينفع للكشتات وينشحن في البيت ويجي معه ضمان
وفي حدود ميزانيتك
أخوك،،،،،،،،،،،،،،،،
محآآآآآآآآآآآآآآآآآآآآآر

بريت لايت تو قريت عن الالماني ان ماكنت واهمـه ويمدحونه

محار يعطيك الف عافيه ماقصرت:)

**


اشتري له فروه او بشت البرد جاي وشكلها اكبر من قيمتها

ام ان اتش
صادق فوق الميزانية:p
وما اظن احد راعي بران ولاعنده ;)

الله يعطيك الف عافيه ماقصررررت:)

[هواوي صيد]

مثل ماقال محااار

اهدي له كشاف بريت لايت صيني طبعا لكن جوده عاليه

معاي له ثلاث سنوات تقريبا واستخدمه بصفة اسبوعية

وممتاز جدا.

القيمة ما تعدى 160 ريال اذا كان على خبري

[NissaN 1990]

أشتر له كشاف من Maglite في نوع صغير يجي طوله مابين ال 15 إلى ال 20 سم عملي وممتاز وصناعته أمريكي ضد الماء وضد النار
أخبر أن قيمته 120 ريال قبل كم سنه
وتلقاه عند محلات الصيد مثل شركة صاب ومثل الرمايه ومثل الرميح بس أحرص على الأصلي ،،،

أسمه Maglite Xl 100

http://www.maglite.com/productline.asp

[سرهيد]

السلام عليكم

حي الله اختنا بنت الرجال

انا من رأي تشتري له درزن بيزة :):) تراه مناسبة وكلنا يحتاجها وما عنها غناة

هذي مزحة

اشتري له موقد الكوفيا عنكبوت تراه سعره تفصال على دراهمتس

http://www.mekshat.com/pix/upload04/images181/mk40450_nki45474.jpg

والا اقول الاكسبديشن ازين وازين ،بس يبي لتس تتسلفين زودن على الـ 150 خمسطعشريال :)

http://www.mekshat.com/pix/upload04/images181/mk40450_mk75648_--2.jpg

واذا تبين رخيص وزين ناظري لتوقيعي قز سعره حلوووووة وبتكملين الـ 150 بدبات غاز للقز نفسه .

بكتب عنه خلال الأيام الجاية

اخوكم

ابو عبدالله



وهذي صورتن له

[عون الخوي]

أشور عليك بالسكين السويسريه الفاخره وأسعارها معقوله وهدية رائعه ..
لكن أبحثي عن الاصلي
http://www.l22l.com/uploads/d30fdd13d5.bmp (http://www.l22l.com)

[العاذر]

فيه بساط فاخر حول القيمه هذي شكله مثل الزوليه معروف

[_لينا_]

خنقتني العبره:( اشكرك من قلب على اقتراحاتكم ..


نجي للردود ..


فارس ولدي
يملا العافيه ردك يبررررررد الكبد
جازلي مره سالفة الصدرية بس وش يودين للبطحاء:(
وخوينا وصفه مدري وش يبي رح عن الكبري ادخل تحت دوير
عورني راسي الله يهديه:eek:

اما وانت بكرامه الجزمات
شكلي بقلب الهدية لنفسي واهدي روحي اياهن <<انفصام
خطيرات:good2:
ماتدري وين يباعون ؟
فارس ولدي يملا العافيه الله يرضى عليك يارب


***
هواوي صيد
هاوي الآن بريت لايت
سويت بحث عنه لقيت في الاول الماني تجميع ايمراتي
والثاني حقك صيني
فأيهم ازين وارخص;)
والله يعطيك الف عافيه


***


NissaN 1990

نيسان والله اني احترت:(
كل واحد يقولي ماركه
شكل انت عندك خبره مهيب هينه
ايهم ازين ماركتك ولا ماركة بريت لايت ؟
وبالنسبه للسعر من ارخص;)
ويملا العافيه:)

***
سرهيد:D
هلا براعي اليبوز




اشتري له موقد الكوفيا عنكبوت تراه سعره تفصال على دراهمتس
والله ياشكله تحفه تقل حق مختبر العلوم:p


سرهيد يملا العافيه ..الله يجزاك خير
من جد استفدت من ردك:good:

**
عون الخوي

أشور عليك بالسكين السويسريه الفاخره وأسعارها معقوله وهدية رائعه ..
لكن أبحثي عن الاصلي
شكله حلو ويواجهه
ماتدري وين تباع؟؟ وبكم تقريبا
والله يرضى عليك:)



**

العاذر
الله يرضى عليك ممكن صورة لو سمحت
وين يباع
ومررره شكرا:)

[_لينا_]

vtccc (http://www.mekshat.com/vb/member.php?u=127807)

بالنسبة لرسالتك اللي على الخاص
ما اقدر ارد عليك مشاركاتي تحت50
:)
اقتراح البخور ممتاز
بس للأسف تحت ميزانتي بكثير
اذا كان البخور اللي عند الماجد بعد الخصم الاوقيه حقته بـ 100 ريال
كم راح يجيب لي
وقوية اني اعطية شيء قليل احس مابه قدر
الف شكر على اقتراحك
ويملا العاافيه:)

[من متى]

اشتري له كريك ههههههه

يمكن يغرس او يضرب فيه احد

[برق السيل]

الله يوفقك في اختيار الهدية
ومن راي الشخصي دلة مع فناجيلها
وكشاف خرجات بريه يشبك على السيارة
وكلها ما تتجاوز 130 ريال

[أحب القمرا]

صفحتين في خمس ساعات ؟؟؟؟؟ قوية

[خشم العرمة]

انا من رأيي وانا اخوك تاخذين له ( دافور بريموس مع راس اصلي حجم 5 رطل )
او بريقين غضار ابو وردة وارد حباب الجبر واحد كبير وواحد وسط

وبالنسبة لمحلات في شرق الرياض عندك برق الحياء طريق المية مخرج 15 وانتي داخل من عند مسجد الراجحي ومتجهه شرق قبل يجيك الهرم على اليمين شوفي برق الحياء على اليسار
او تستمرين وبعد اشارتين بيجك محل ( الكشاتة )
او عندك مخرج 14 تخلين الهدوج على يديك اليسار واذا جتك الاشارة تروحين يمين محل ( البرية )

[هواوي صيد]

البرايت لايت صناعة صينية جودة عالية
يمكن تكون الشركة الأم المانية ماني متأكد
لكن الكشاف ماعليه كلام ابد

وفيه تقارير كثيره عنه

شوفي هالموضوع يمكن يفيدك

http://www.mekshat.com/vb/showthread.php?t=110796 (http://www.mekshat.com/vb/showthread.php?t=110796)


بالتوفيق

[أبوباسم455]

أخــتــي أنـا بالـنـسبه لـي أقـتـرح عـلـيـك مـثـل الأغـلـبيه وهــو كـشاف يـنـشـحـن بـطـفاية السياره لأنـهـا مـهـمـه ومــايـستــغـنـي عـنـهـا أي راعــي بــر !!


http://dc03.arabsh.com/i/00113/5cvbd8pn7ipm.gif



http://dc03.arabsh.com/i/00099/fz6vdqqe8do9.gif

[مشعل العيسى]

اشتري له كريك ههههههه

يمكن يغرس او يضرب فيه احد

حلوه حلوه حلوه .... الله يوفقك يالغالي ..


والله الأخوان ما قصرو ماشاء الله عليهم ...

وانا اقترح

1 - ماطور هواء .
2 - كتاب خاص بالرحلات البرية .

والله يوفقنا واياك وجميع الأعضاء لكل خير

[امير الرمال]

اختي الكريمة

روحي للسنيدي والله انك تحتاري وش تاخذي

[ماعد بدري]

ماشاء الله تبارك الله احس الردود بتتجاوز العشر صفحات والله ياهي قضيه الله يكون بالعون

[google-999-]

اشري له خيشة رز
مع بهاراتها
لان الررز غالي وزبطيهن بكيسة ورق غار ودارسين

[بريدا]

عطيه الفلوس نقداً
عند قدومه من البر يتسبح في اي حمام مغربي (الساونا)....؟؟؟

[حلال المشاكل]

ماأكثر من يدخلون المنتديات باسماء بنات و هم شباب بقصد لفت الأنظار و الحصول الردود و التشجيعات لكن هذا الأسلوب قديم و مستهلك و طيبة نوايا الأعضاء لا ينبغي استغلالها بهذا الشكل

[فهدالغيهب]

ماأكثر من يدخلون المنتديات باسماء بنات و هم شباب بقصد لفت الأنظار و الحصول الردود و التشجيعات لكن هذا الأسلوب قديم و مستهلك و طيبة نوايا الأعضاء لا ينبغي استغلالها بهذا الشكل

السلام عليكم

أخي الكريم حياك الرحمن

بودي حفظك الرحمن أن تبين لي ماهو هذا الاستغلال هل طلبت منا مالاً أو طلبت أمراً سيئاً لاسمح الله ؟
غاية ماهنالك أنها طلبت مشورة بسيطة من الأخوان والكل يدلي بدلوه والظنون إذا لم تقم عليها بينات وأدلة فهي ظنون موهومة.
والحمد لله الاخوان في مكشات قروم ورجال ما تخدعهم المظاهر الزائفة
كما قال عمر - رضي الله عنه - لست بالغر ولا الغر يخدعني .

أسأل الله تعالى التوفيق للجميع

[أحب القمرا]

العجيب في الامر ان فيه بعض المواضيع في المنتدى صاحب الموضوع يطلب الفزعة تلقى عدد الردود ما يتعدى 8
والموضوع هذا ثلاث صفحات ما كمل عشر ساعات .
فيه راي عندي حلو وأنا اشور ولا ألزم . يكون للواحد معرفين واحد للمشاركات العامة باسم مذكر . والثاني معرف باسم مؤنث يكون لطلب الفزعات والأراء.

[سليمان 10]

اتمنى رفع المبلغ الى 300 وشراء فراش الفصول الاربعه من القاضي حتى تدوم الهديه ولاينسى راعي الهديه 000

[النوبل]

العجيب في الامر ان فيه بعض المواضيع في المنتدى صاحب الموضوع يطلب الفزعة تلقى عدد الردود ما يتعدى 8
والموضوع هذا ثلاث صفحات ما كمل عشر ساعات .




:eek: :eek: :eek: :eek:



فيه راي عندي حلو وأنا اشور ولا ألزم . يكون للواحد معرفين واحد للمشاركات العامة باسم مذكر . والثاني معرف باسم مؤنث يكون لطلب الفزعات والأراء.



:D :D :D :D

[a7md07]

a7md07

<<خشت مزاجي افكر اشترية لنفسي:p
احمد .. هالحين هذا بكم وين تلقى
ولو مسكوه شرطه ولا بلا شيء
ماتعتبر اداة جريمه ( ياي :p)؟؟
الحين يمسكون اللي ادنى الدون:(
انتظر رد بأحر من الجمر
ويملا العافيه:)


مكتوب عنوان الشركه على الصوره هذا الرابط الظاهر اذا انحذف للدعايه ترون ماقدر ارسل خاص
:p
http://www.shop4top.com/

[ابو خالد 8]

مالك الا الكشااااف

[_لينا_]

تقل تحول الموضوع هواش:eek:
يا اخ حلال مشاكل ( امحق حلال ;)) وين الاستغلال;)
باللهي عليك يبي يجيك ولد مايعرف لوزام البر ؟؟;)
هذا ان جاء وهو نادر,,, تلقى يستعين بأصدقاءه مهوب منتدى
وانا ودي اعرف وين الاستغلال بالزبط ؟؟;)
هل انا كاتبه بنهاية الموضوع اللي يشور علي وش اشتري لا ينسى يرسلي اللمبلغ على الخاص:Dخخخ
والحمد الله ان مشاركاتي قليله عشان ما اقدر ارد على الخاص وعلى قولتك يكون فيه استغلال(الله لا يبلانا بتفكيرك المتخلف)
ما اقول الا يا شبّـاب المشاكل ..والله من رداة العقل والتفكير اللي فيك
ولا يكثر جزاك الله خير .. ليتك ترقد اصرف لنا ولك ..

**
فيه ملاحظه ثانية على اللي متعجبين من كثرة الردود
احس مايبلغالها ذكاء
موضوع من اختصاص كل عضو هنــا
موضوع مايبله تفكير او أختراع
وش راح تكون النتيجه ؟؟؟;)

ياملح بس اللي مسوي فيها ذيب وهو من جنبهاhttp://www.mekshat.com/vb/images/icons/icon6.gif( صورة خشه تستفرغ )

[_لينا_]

من متى
شرهتك على اللي يعرف وشو كريك
سويت بحث بقوقل صور طلع هذاك اللي يحفرون به ؟؟
لايصير هو:D
ياخف طينتك خخخخخ
يعطيك الف عافيه:)

***
برق السيل
فكرة الدله مع الفناجيل خشت مزاجي
وراح انشالله تكون من ظمن الخيارات
الله يرضى عليك ويسعدك ماقصرت ..


***
أحب القمرا ..
راجع الرد اعلاه



**
خشم العرمه ..


انا من رأيي وانا اخوك تاخذين له ( دافور بريموس مع راس اصلي حجم 5 رطل )
او بريقين غضار ابو وردة وارد حباب الجبر واحد كبير وواحد وسط

وبالنسبة لمحلات في شرق الرياض عندك برق الحياء طريق المية مخرج 15 وانتي داخل من عند مسجد الراجحي ومتجهه شرق قبل يجيك الهرم على اليمين شوفي برق الحياء على اليسار
او تستمرين وبعد اشارتين بيجك محل ( الكشاتة )
او عندك مخرج 14 تخلين الهدوج على يديك اليسار واذا جتك الاشارة تروحين يمين محل ( البرية )



هذا الرد اللي يبرد الكبــــــــــد
نسخته وبرسله لجوالي
صراحه وصفك لا يعلى عليه:D
ياصف بعض الرجال يوجع الرساله
خلي وجهك شمال ( وشلون اعرف ان وجهي شمال :()
جزاك الله خير والله يوسع لك ويفرج لك من جد ردك استفدت منه بقوه بعد
يملا العافيه ..


***
هواوي صيد
اجل توكلنا على الله وبإذن الله جاري الشراء
يملا العاافيه:) اشكرك على التقعيب

***
أبوباسم455
اشكرك على ردك وفعلا شكلي انشالله راح احزم على الكشاف
يعطيك الف عافيه:)


***

مشعل العيسى

مشعل وشو ماطور هواء ؟؟ وبكم

والله يرضى عليك يارب:)



**

امير الرمال

هذا اللي انا خايفه منو اني اروح واحتار:p لاني خلقه محتاره

الله يعطيك العافيه


***

ماعد بدري
راجع الرد اعلاه

**
google-999-
ياشين اللي يرد وهو جوعان:p
قوقل جزاك الله خير على الاقتراح بس لو فكرت هذا مهيب هدية تقل قاعدة اتقضى لكشته:p

ويملا العافيه


***
بريدا

شكلك توك طايح بالسوانا:p
المشكله عنده اشتراك بنادي :(

ويملا العافيه ..


**
فهدالغيهب
ياجعل هالاصابع تحرم عن النار
مير هالاشكال مالهم الا الحقران;)
ودي احلف ان هو مسوي هالحركه ورغم كذا محد لقاه وجه خخخخخخخ

***
أحب القمرا <<ياكثرك عسى ما ادخل بعد المبطخ والقاك!!

رغم ان قلت اللي بخاطري بالرد الاول
بس للحين بي حب ما انطحن براسي
هالحين مثل ما اسلفت
الموضوع مايبله ذكاء ولا تفكير
تلقى هالفزعات جاي يسئل عن اشياء ماتقلى ولا صعبه .. ولا باللهي راعي كشتات وبران ويسأل عن اشياء تافه;)
اكيد خويك او ان كان اللي صار له هالموقف انت .. سأل عن شيء ماينلقى ولا صعب الواحد يلقاه
ولا عمرك تتذيب ;)

***

سليمان10

والله مهيب شينه الفكرة
بس وانا اختك ما اقدر ارفع الميزانية: )
والله يرضى عليك يارب ماقصرت

**
a7md07

اشكرك على التقعيب
بس بإي خيار مالقيته
والله يرضى عليك ...




***


ابو خالد 8

شكلي ان شالله بقرر اني اخاذه
يملا العافيه:)

[a7md07]

التكنولوجيا الحديثة

[حلال المشاكل]

أني أربا بنفسي أن أرد عليك
لكن أعلم ان كل أناء بما فيه ينضح

[a7md07]

http://www.m5zn.com/uploads/2010/10/3/photo/1003101310006ocqswsxbnk03hsw6c7.jpg (http://games.m5zn.com/cooking_games.html)

[icom1969]

مشاءالله تبارك الرحمن على التفاعل للموضوع )

[_لينا_]

أني أربا بنفسي أن أرد عليك
لكن أعلم ان كل أناء بما فيه ينضح
حلال اقطع ايدي من غلاغليها ان كنت تعرف وش معنى كلمة اربى:D
عموما ارب لمين تقول بس لاني لا اريد ان استغل طيبة قلبك وش بعد ؟؟؟( اصبر ارجع للرد حقك ) وتشجيعك ..الخ:p


**
a7md07
ابشرك لقيته
احمد اشكرك على التقيب
الله يسعدك يارب

[_لينا_]

اتمنى من المشرف اقفال الموضوع

لكي لا يربي علينا حلال المشاكل ونبلش فيه خخخخخخخخخخخخ:p



اشكركم يا أخوان من كل قلبي
الله يسعدك يارب
قررت انشالله على الكشاف
وافكر اذا رحت لم المحلات اخذ لي لفه لعلي ألقى شيء حلو وبسيط اضيفه مع الهدية

الله يرضى عليكم ويقضي حوائجكم يــارب :)