تكفون يالربع .. سؤال للصقارين

[جندي صياد]

يا أخوان السلام عليكم ..
أنا في الجنوب وبالتحديد في أبها ... نزلت أتمشى ناحية تهامة محايل عسير ووجدت في وادي إسمه وادي حلي من أكبر الأوديه في تهامة عسير .. المهم وجدت صقور لا تقل عن 30 صقر على الغيل تشرب وتقعد على الأشجار وباين إنها مهاجره لإنها ليست دائماً هناك .. الصقور هذي كبيرة الحجم ومقاربه جداً إلى طير إسمه الحديا ... والكل يعرفها .
السؤال .. كيف نوعية الصقور هذي ولو مسكت منها واحد أو إثنين كم تجيب لي وفين أبيعها ... ؟؟؟ وسلامة الجميع ....تكفون اجيبوني لأن وجودها مغري بشكل ماتخيلونه ..

[بو غازي]

هلا بالجندي ومرحبا بك طال عمرك
بالنسبه للحديا ماحد يشتريها ولاحد يبيها من الصقاقير وهي وانا اخوك لو فيها خير كان مالقيتها بكثره
وعسى الله يرزقك الحر النادر ولا الشاهين التام
اسمح لي شكلي ضيقت صدرك لكن هذا الواقع الحديه حديه والصقر صقر
والطيور الي شفتها اعتقد واالله العالم انها عقبان
وعقبال ماتطرح النادر:)

[alharthy]

وعليكم السلام
اخوي لاتتعب نفسك اللى شفتها عقبان مالها قيمه
والله يرزقك بالطير الطيب

[العاتق]

هذه الطيور ما تسوى شي ولو كان عددها الف طير ولا أحد يشتريها ولو بهلله والحمام اللي بتخسره عليها اغلى منها... الطيور اللي انت شفتها يمكن تكون مهاجره مثل الحقبي والعقبان... او تكون مستوطنه مثل الحديا... تحياتي لك

[ياس البوادي]

السلام عليكم

لا توجد صقور مع بعضها البعض في مكان واحد وهذا يدل على ان الذي شاهدته ليس بالصقر

[جندي صياد]

هلا بالجندي ومرحبا بك طال عمرك

بالنسبه للحديا ماحد يشتريها ولاحد يبيها من الصقاقير وهي وانا اخوك لو فيها خير كان مالقيتها بكثره
وعسى الله يرزقك الحر النادر ولا الشاهين التام
اسمح لي شكلي ضيقت صدرك لكن هذا الواقع الحديه حديه والصقر صقر
والطيور الي شفتها اعتقد واالله العالم انها عقبان

وعقبال ماتطرح النادر:)

هلا وغلا يالغالي ..
ياعزيزي لا والله ماضيقت خلقي ولا شي بالعكس كلامك على العين والراس أنا عارف الحديا وماهقرني أصيدها واعرفها زين ولا لي في أمور الصقور ولا شي .. لإن كل رحلات الصيد إلي أروحها كلها بالسلاح .. ماعندنا صحاري ولا أرض فسحه .. ولكن كلها ديارنا جبال ..
وما طرحت السؤال إلا لجهلي بالطيور وأظن أنه ليس بعيب أن أعترف إني ما أعرف شي عن الصقور ... وما قد أحتجتها في أي رحلة صيد لي نهائياً .. لجغرافية منطقتنا ولا أنكر أنني أتمنى أن أتعلمها ولكن لن أستفيد منها بالأخص في منطقتنا ... جبال عسير ..
تحياتي لك وتقبل أجزل الشكر والإمتنان لشخصك الكريم ..

[جندي صياد]

وعليكم السلام
اخوي لاتتعب نفسك اللى شفتها عقبان مالها قيمه
والله يرزقك بالطير الطيب
مرحباً ملايين أخي الحبيب الحارثي ..
إلي يشاور أمثالكم من الرجال ما هو بخسران .. أنا جاهل في أمور الصقور ولم أطرح سؤالي إلا لأجد الرجال أمثالك يجيبوني على تسائلي فيض الله وجيهكم الجميع ..
أما الصقور ففي منطقتنا لا نحتاجها في جبال عسير لأنها جبال ولا تنفع عندنا .. ولكل أرض لها رجالها .. تقبل إحترامي وتقديري لشخصك الكريم ..

[جندي صياد]

هذه الطيور ما تسوى شي ولو كان عددها الف طير ولا أحد يشتريها ولو بهلله والحمام اللي بتخسره عليها اغلى منها... الطيور اللي انت شفتها يمكن تكون مهاجره مثل الحقبي والعقبان... او تكون مستوطنه مثل الحديا... تحياتي لك
تسلم يالغالي ...
بيض الله وجهك كويس إنك وفرت علي على الأقل الحمام ... ههههههههههههههه ..
أجزل الشكر والإمتنان لشخصك الكريم ..تقبل تحياتي

[جندي صياد]

السلام عليكم

لا توجد صقور مع بعضها البعض في مكان واحد وهذا يدل على ان الذي شاهدته ليس بالصقر
هههههههههههههههههههههههه .. :D
مرحباً ملايين يا ياس البوادي ..
تسلم وهذا والله من الجهل ... أصلن عرفت من يوم شفت قومته تقول أنه بومه ...
تقبل أوفر التحايا أخي الحبيب ..