رجه بالباترول 2002 فتك رصصت ويقولون يمكن عمود كردان وش الحل؟

[تورا بورا]

في سيارتي
جيب باترول فتك
2002
فيه رجة عند الثمانين والتسعين نفض قوي بكل السيارة
رحت لميزان العضيب رصصوها
بس ما راحت الرجة
قال المهندس المكانيكي
تحتاج عمود كردان جديد لأن الباترول ما يصلح
فهل مر بأحدكم مثل هالتجربة
وهل فعلاً ما يصلح
وبكم الجديد
وماهي الورشة المجربة والمعقولة
وهل ممكن يكون فيه سبب آخر أخف
أنا في الرياض

[منافس]

السلام عليكم
اخوي كل شي له حل اذا قالك المهندس الكردان هو المشكله تأكد قبل لاتغيره وشلون تتاكد
اذا قيه يوم من الايام طبيت في حفره او حصاة ضربة الكردان راح يتضرر وتشوف اذا طالعت فيه
طعجه في اي مكان من قدام او خلف والحل رصص الكردان وين ترصص اشارة السالم وانت وجهك
شمال يصير السالم على يمينك بعده ب250 متر يجيك بنك الراجحي بعد البنك دخله يمين ادخل على طول يجيك مخرطه على اليسار فيها شايب سوري واذا محصلته عنده عماله ممتازة يفك الكردان واذا فيه مشكله يعلمك مع التكلفه

[ولدالديره009]

:good:

جرب ترصيص ارضي اكتروني اتمنى لك التوفيق

[تورا بورا]

:good:

جرب ترصيص ارضي اكتروني اتمنى لك التوفيق
ترصيص العضيب ارضي ا لكتروني ولم ينفع

[المغيليث]

اخوي انا صارت معي في الشاص وفكس ار وعرفت السبب صارت من الا اذرعه وغيرتها اذرعه صغيرة زي المسمار متحرك انا كانت تطلع الرجه عند 80 واذا دعست مره راحت الرجه واذا كان من العامود سوله ترصيص عمود كردان واحب ازودك من الشعر بيت شيك على مساعد الدركسون تلقاه في مقدمه السياره تحت

[owwn]

ركب فرارات وان شاء الله تنتهي المشكله
لان اذا كان فيها تغيير عمود سعره غالي فوق الافين

[برايدوي عنيد]

هلابك اخووي .....

عندك اشياء ممكن تسبب الرجه :

مساعد دركسون , فضاوه الاذرعه , جلد عمود التوازن وكذلك مسامير التوازن .

فضاوه الرمانات ممكن تبي شد , الصلبان ,تاكد من وضع الكفرات لايصير بهن تحبيل(صعرور ) .

طبعا الصلبان ممكن تسبب ونه او رجه بالموتر تاكد من صلبان عمود كردان وكذلك عمود الدبل لانك اذا كنت ماركبت فرار فهو زي عمود كردان يدور جرب فك عمود الدبل وشف تروح الرجه والا لا ؟.

هذا مالدي وتقبل مروري.........

[شامان]

السلام عليكم
هاذي اخوي والله أعلم انها من مساعد الدركسون

[astra]

السلام عليكم

غير عمود دركسون جديد واصلي والنفضة اللي في موترك تحس ان الكبوت بيطير مع الرفارف والدركسون ما تقدر تمسكه

[الظافر]

اخوي انا صارت معي ونفس سيارتك طبعا حاولت ترصيص ونفس المشكلة وبعدين رحت للورشة قال غير عمود التوازن مع مساعد الدركسون وبعدها زبط الموتر ولله الحمد

[المغيليث]

لقيتلك الحل وانا اتصفح في الشات مكشات رح لي خيمه السيارات والتجهزاتها صفحه رقم 2 الموضوع مطروح من الا اخ البدراني مكتوب اسمه بل نجليزي اتمنالك التوفيق

[عين حصنان]

ياخوي صارت معي بالباترول

رصصت ارضي و لا نفع

غيرت كفرات جديده ... وانتهت المعاناة ولله الحمد

الله يوفقك

[بارق تبوك]

انا اتوق ان المشكله من الكفرات وخصوصا إذا كان فيها مسحيه لانه تسبب رجه خفيفه
وخصوصا بين 90 /100

[تورا بورا]

كفراتي جديدة

[على كف القدر]

أذا تقصد النفضه اللي تنفض المووتر تحس انه يبي يتفلش كله
هذي احتمال انه تكون رباطات وربلات الأذرعه اللي قدام والمقصات .. قد صارت معي على باتروول 99 صالون ونفضة اللي قدام والحمدالله تمام التمام .... وتقبل مرووري

[تورا بورا]

ابي وصف لورش مميزة اضافة للشايب السوري بالصناعية وهل يوجد بصناعية ام الحمام او العروبة احد مميز؟

[سالم11]

هذا خلل في الصناعه في الباترول وجميع الموديلات

[4*4]

اخي الكريم كل ماذكرو الشباب قد تكون احد الاسباب
انا جت معي ومابقى شي ماغيرته مابقى الا اجدع الدفرس واركب جديد
رحت لميزان الباديه وقال اصلحها ب 500 ريال وفعلا صلحها وظبطت
الشغله كلها بسيطه ولاتستاهل هالقيمه بس هو يتضرب لان على كلامه مافيه احد يسويها غيره لكن انا اعلمك وش تسوي
اذا فكيت الكفر الامامي ناظر ورا الهوب بتشوف اربع صواميل ,, وتلقى نفسها ايضا من تحت الدفرنس في نفس الجهه ,, هذي هي الرمانات حقت البطيخات واذا فكيتها تشوف شكلها مثل بيالة الشاهي
ميزان الباديه يقوم بارسالها الى المخرطه ومسح مامقداره 2 ملي او اقل ويركبها وتروح الرجه .. انا سوبتها ولاطولت حوالي 6 شهور ورجعت فرحت لشخص اعرفه قال جب لي رمانات نفسها حقت شاص تايوتا ,, ويوم ركب حقة الشاص الله وكيلك كمل اربع سنوات وبعت الموتر وراعية يغني ماشكى من رجه ولاغيره
وان كان تبي افيدك زود راسلني على الخاص وابشر بعزك

[التميمي 20]

صارت معي قبل في ال 99 ومع 6 من ربعي ...

الحل أي ميزان يسوي لك كبس للعمود + ترصيص وهذا كله فقط 250 ريال خاصة (اليرموك - الدرع ) .

بالتوفيق .

[راعي طويلات]

الشباب كفو ووفو طبق الي قال لك التميمي وبيضبط وان مازان انتقل للي قال لك أخونا 4*4

[pato]

انا معي باثفندر الرجه قويه جتني من عمود الدبل وفكيته

وعمي معه باترول 99 تجي رجه فجأه وتروح على طول تقعد 10 ثواني الى 20 ثانيه بس تلعب بالموتر من قدام بس والدركتسون يروح ويرجع هو ويا القير صار من المساعد مدري العمود الي قدام اذا صاير نفس المشكله الي عندك قلي واكلمه واقولك كل شي

[pato]

انا معي باثفندر الرجه قويه جتني من عمود الدبل وفكيته

وعمي معه باترول 99 تجي رجه فجأه وتروح على طول تقعد 10 ثواني الى 20 ثانيه بس تلعب بالموتر من قدام بس والدركتسون يروح ويرجع هو ويا القير صار من المساعد مدري العمود الي قدام اذا صاير نفس المشكله الي عندك قلي واكلمه واقولك كل شي

[بيتر بن عدوان]

سلام عليكم اخوي كد صارت معي بباترول فيه بعنيزه عندنا سوري ممتاز وسوا لي كبس اذرعه من الاطراف فكهم وكبسهم والحمدلله لحد مابعت السياره مافيه اي حاجه

[بيتر بن عدوان]

سلام عليكم اخوي كد صارت معي بباترول فيه بعنيزه عندنا سوري ممتاز وسوا لي كبس اذرعه من الاطراف فكهم وكبسهم والحمدلله لحد مابعت السياره مافيه اي حاجه

[4*4]

http://mekshat.com/vb/showthread.php?t=251739
راجع هالرابط وشف الصوره بتوضح لك
انصحك مره ثانيه لاتروح لميزان الباديه فقط ركب حقات تايوتا وان شاء الله تسلك