مشاهدة النسخة كاملة : افيدوني حفظكم الله عطل لاندكروزر ...
مجنون عسل
03/10/2010, 01:43 PM
السلام عليكم ورحمة الله وبركاته
أسعد الله مسائكم بالخير والنور والمسرات
اخواني عندي لاندكروزر gx-r 2006 الدبل الصغير
زر طبعا والقير عادي
نزلت امس بر مع العائله وطحت في غراز المهم لا
اخفيكم نقصت الهواء الى 20 وطلعت الحمدلله
بس المهم الموتر عندي ما تشتغل لمبة الدبل
س\ كيف اعرف ان الدبل سليم من الاعطال ؟
س\ كم سعر الحساس لمن لديه خبره ورقمه احيانا بعض الموظفين ما يعرفه هداهم الله ؟
ابي ورشة في الشرقية تصلح لي العطل
تقبلو فائق احترامي وتقديري
سالم العنزي
03/10/2010, 03:41 PM
زي اللي معي ما تشتغل اللمبة
الدبل الخفيل تسمع صوت ضربه خفيفة مرة اذا شغلت الزر
عرنكش
03/10/2010, 09:04 PM
اذا تبي تاكد ان الدبل شغال لف الكفرات الى اليمين او اليسار واترك البنزين لاتدوس للسياره اذا تحرك الموتر فالدبل منفصل واذا لم يتحرك يكون ثقيل فالدبل مشبوك هذي حصلت معي عده مرات وموتري 2003
محبكم
عرنكش
طير شلوى نجد
03/10/2010, 10:23 PM
يأخوي شغلته بسيطة انشاءالله شغلت تغير حساس مايكلف شي ولا بيأخذ منك وقت مر الوكالة ولا كهربائي فاهم بموقع الحساس طبعآ اخبرموقع الحساس تحت عند الدبل الله يكون بعونك
مجنون عسل
03/10/2010, 11:38 PM
الله لا يهينكم جميع
طيب سؤال لك اخي الغالي طير شلوى كم سعره وكم راح يكلف شغل اليد
ولكم فائق احترمي وسعة صدوركم لي
بدر الشويلعي
04/10/2010, 06:19 PM
اسمع اخوي مجنون عسل
سيارتك دفع رباعي على طول زي الثمانيه سرندر يعني الدبل مايفصل شابك معك ومع الخط يفصل هذا من الوكاله مافيه شي كل الموديلات الجديده بعد 2006 هذا وضعها
اما عن المبه فهي وحده من ثلاث امور
1/ ان اللمبه الي بالطبلون خربانه
2/ او ان الدبل معلق عندك ومفصول السلك الي بالدبل ولا تشتغل اللمبه < وهذي اعلمك كيف تعرف
3/ او ان الدنمو الكهربائي حق الدبل عطلان وتعرف انه عطلان اذا كبست الزر ماتسمع تكه او شي يشبك
اما عن ان السلك مفصول هذا الله يسلمك رح يم بنشري او ميزان ودور سلك الدبل تلقاه فيش وتراه ماهو باين دوره مضبوط فوق الدبل الين تلقاه ان كان مفصول اشبكه وتلقا اللمبه تشتغل ومعناه ان الدنمو خربان ومعلق ومفصول
عشان اللمبه تطفي طبعاعشان الغش يسويها الشريطيه هداهم الله
المهم بالامر ان الدبل لو كان شابك ترى مايضر السياره بشي لا تخاف لاكن الله يعينك تغير الدنمو من الوكاله او التشليح
انا صارت معي بلاند ثمانيه سرندر وغيرته من التشليح بــ 300 ريال ولافيه شي مشى معي سنتين تمام الين بعت السياره
ان شاء الله اكون افدك
مجنون عسل
04/10/2010, 09:46 PM
أخوي بدر الشويلعي بارك الله فيك ونفع الله بعلمك
افدتني واستفدت من كلامك وراح اشوف بإذن الله
والشريطيه هداهم الله يبيع ولا يهمه مخافة الله وهم قله نحسبهم والله حسيبهم
سعيد بتواجدك في متصفحي
ناصر97
04/10/2010, 11:31 PM
اخوي مجنون عسل ولا يهينون الشباب التكلفه قطعه +شغل يد مايتعدا 150 تقريباً
ابو سحمي
05/10/2010, 10:00 AM
اخواني انا عندي جكس آر تماتيك 2003 الدبل الثقيل لا يعمل وش الحل
باسم الرياض
05/10/2010, 02:57 PM
انا الان عندي االدبل عادي وليس زر
غسلت السياره المهم لمبه الدبل تولع من نفسها وامشي تشر وبعدين تطفي من حالها
واعشق الدبل ماتولع اللمبه
وقبل كذا كانت اللمبه ماتولع ورحت للصناعيه وصلحها لي واحد غير الحساس بـ 50ريال القطعه مع الشغل لان القطعه مستعمله من سياره ثانيه والحين خربت ثاني مره بس مادري عاد السبب منها او من غيرها
للي عنده علم بالسعر يقول لنا
وياصاحب الموضوع يعني المشكله قريبه من للي عندي اما معرفه السبب فهي اما فيه تهريب بالزيت او ناقص زيت الدبل
طير شلوى نجد
06/10/2010, 02:31 AM
المعذرة يأخوي مجنون العسل اخبر انه ما تعدت الميتين
المغيليث
06/10/2010, 01:25 PM
يمكنها اللمبه الي في الطبلون احترقت غيرها واذا تبغى تعرف ان الدبل مشبوك ولا الا عطه واحد وخله يفحط في الردميه اذا فحطه الخلفيه خلاص الدبل مفصول واذ الا اربعه حاول انك تفصل الدبل .. كان عندي ربع نفس المشكله وكنت اسوي كذ1 اذا خلاص ابمشي من البر وابشرك بعت الموتر على حالته ودبله ميه بل ميه ... بس انتبه تعطيه احد ما يعرفله ثم يمشي على الدبل الين تتكسر تروسه
المغيليث
06/10/2010, 01:27 PM
يمكنها اللمبه الي في الطبلون احترقت غيرها واذا تبغى تعرف ان الدبل مشبوك ولا الا عطه واحد وخله يفحط في الردميه اذا فحطه الخلفيه خلاص الدبل مفصول واذ الا اربعه حاول انك تفصل الدبل .. كان عندي ربع نفس المشكله وكنت اسوي كذ1 اذا خلاص ابمشي من البر وابشرك بعت الموتر على حالته ودبله ميه بل ميه ... بس انتبه تعطيه احد ما يعرفله ثم يمشي على الدبل الين تتكسر تروسه:D
مجنون عسل
20/10/2010, 11:03 PM
اخواني تم اصلاح الاعطال وهي كالتالي 1- دينمو دبل قيمتها 1320 بعد الخصم ووصلت مع ابو هنود حتى في حب الخشوم
2- حساس دبل وقيمته 270 بعد الخصم
وشغل اليد كلفني 150 ريال والله يعوضنا خير
اتمنى من المشرفين اغلاق الموضوع ولكم فائق احترامي
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir