كفرات اف جي كروزر [الأرشيف]

العاتق

03/10/2010, 02:20 PM

السلام عليكم ورحمة الله وبركاته...

يا اخوان ويا أهل الخبره... ابي اغير كفرات سيارتي اف جي كروزر ايش افضل انواع الكفرات من حيث القوة والمتانه واستخدامها على الطرق الجبليه والرمليه...؟؟ بكون حريص على شراء ما توصوني عليه مع خالص التقدير والاحترام

MjNo0oN

03/10/2010, 02:52 PM

عن نفسي برجستون ممتاز بس قاسي بس يعييييييييييش ونقشته صعبه انها تنمسح بسرعه ويمكن تغيره وهو باقي فيه عمر ((سبق تجربته على فورنتشر مديل 2008 والين يومك موجوده وماشي عليها بالتمام 90 الف كيلو وحالياً هي موجوده معي على موتري الحالي فورنتشر 2010 وما اتوقع اني بغيرها قريب وفي نفس الوقت مجربه على باث فندر مديله 2003 وتامه الحين ال3 سنوات وماشيه تمام وللعلم مقاسها نفس الوكاله))

واذا تبي شي لين خذ دلوب نوعيتها ممتازه ومطلبه النفود بس يبيله في الشوارع سواقه راكده لانك اذا كنت من النوع الي يفز بالموتر اوياكل اللفات بسرعه بتتأكل اطراف النقشه وفي نفس الوقت مايتحمل الجبال و الحصى مثل البروجستن

وانت خذ الي تطيب به نفسك

وهاذي تجربتي مع البروجستن خير برهان وانا في الفتره الحاليه اعتبرها من افضل الكفرات الموجوده في السوق بس يعيبها سعرها اخر مره سألت عنها قبل حول ال6 اشهر قالو على 630 للفورنتشر وتم شراء دنلوب بـ450 او 540 ما اذكر بالضبط وخليته استبنه

عموماً قبل ما تغير شي تأكد من صناعة الكفرات انها يابانيه وانها في نفس سنة الصنع + الاسبوع < لان فيه ناس ماتخاف ربها تعطيك مخزن كم شهر وهاذا ماينفع لانها تيبس الكفرات ومع الاستعمال يصير فيها زي التشققات الصغيره او التشعرات

وحاول انك تاخذ شي نتاجه قبل شهر او شهرين بالكثير يعيش معك اطول انشاء الله