ملاك الباث ... لدي مشكله .. للأهميه

[جاكم لفاكم]

بسم الله الرحمن الرحيم
السلام عليكم

أحبائي ادارة ومشرفي واعضاء مكشات

أرحب بكم

وأنا مكشاتي قديم ... لكن متصفح لهذا الموقع العملاق .. والآن عضو مشارك

________

معي باث فندر موديل2000 قير عادي

ماشي قريب من300ألف كليو

لكن لدي مشكله

أتمنى حلها


1: رائحة زيت قير عنيفه لاتأتي إلا إذا فتحت القزاز .. ودامه مسكر ماأشم شي

غيرت جميع الجلدالتي فوق عصى القير .. ورب الديكور ... ماش فائده

عايرت زيت القير .. اشوف شكله مثل الحليب بالشاي .. هل لهذا دور في الرائحه الكريهه

آمل ممن لديه الحل أن يفيدني

2: بنفسي أغير جميع سوائل التروس ((قير ..دبل .. دفرنس ))
ماهو أفضل زيت مع االعلم أن أكثر من ميكانيكي نصحني
بزيت تروس بالبيد 140


فما نصيحة أحبتي الكرام


3: غيرت الكفرات بهانكوك 255/70/16

فصرت أسمع صوت مع المشي أشبه بصوت الونه .. أو صوت الرمان الصوت مصدره قدام

مع العلم أني ماسمعته إلا بعد تغيير الكفر لحجم أكبر

هل الكفر له دور بهالصوت



وفق الله الجميع لمايحب ويرضى

[الصيادالمليح]

تأكد إن زيت القير ما ينخلط بالماء .. لأن زيت القير عادة يجي لونه أحمر

و خلط الزيت بالماء ناتج عن تلف و تسرب حاصل بين القير و ماء تبريد زيت القير ويأثر مباشرة على تروس القير ويؤدي للتلف السريع للقير ويحتاج توضيب

تغيير الكفر لحجم أكبر عادة ما يصدر صوت إلا إذا كان نوع الكفر جامد وليس طري وليّن .. وجرب تمشي على رمل و شوف إذا يصدر نفس الصوت

[جاكم لفاكم]

تأكد إن زيت القير ما ينخلط بالماء .. لأن زيت القير عادة يجي لونه أحمر

و خلط الزيت بالماء ناتج عن تلف و تسرب حاصل بين القير و ماء تبريد زيت القير ويأثر مباشرة على تروس القير ويؤدي للتلف السريع للقير ويحتاج توضيب

تغيير الكفر لحجم أكبر عادة ما يصدر صوت إلا إذا كان نوع الكفر جامد وليس طري وليّن .. وجرب تمشي على رمل و شوف إذا يصدر نفس الصوت

--------------------
اللي فهمته من كلامك أنك تتكلم عن القير الاوتو

وأنا سيارتي قير عادي

فهل ينطبق هذا الامر حتى على القير العادي

شاكر ومقدر لك مرورك وماسطرته يمينك دمت بحفظ الله

[جاكم لفاكم]

لازلت بانتظاركم

[جاكم لفاكم]

الله يسعد مساء كل مكشاتي

بانتطار ردودكم

[جاكم لفاكم]

الله يسعد مساء كل مكشاتي

بانتطار ردودكم

[عبدالرحمن السالم]

وعليكم السلام والرحمه حي الله جاكم لفاكم
اولاً شرفنا على رابطة ملاك الباثفندر الجيل القديم
http://www.mekshat.com/vb/showthread.php?t=156827 (http://www.mekshat.com/vb/showthread.php?t=156827)

بالنسبة للأسئلة


1: رائحة زيت قير عنيفه لاتأتي إلا إذا فتحت القزاز .. ودامه مسكر ماأشم شي

شف ياطويل العمر اول ماتفتح الديكور حق القير تبي تلقى جلبه بآخر عصى القير ، هذي بتلقاه مقطوعه وهي إلى تطلع الريح ، انا صارت معي وغيرته والحمد الله ماشي تمام ولا تشمه الا اذا فتحت قزاز السواق.

2: بنفسي أغير جميع سوائل التروس ((قير ..دبل .. دفرنس ))
والله شف انت شيك على الزيوت اذا ناقصه زودها واذا تشم بها ريحه حراق غير ، وبالبيد زين والافضل 90 ، 140 احسه ثقيل شوي ، لو تكلم المهندس ابو ابراهيم ويشور عليك بالشى الزين لانه فاهم بالباثفندر


3: غيرت الكفرات بهانكوك 255/70/16
والله شف كل ماكبر المقاس يخرب الموتر واولها الثقل بالمشى ، عموماً اخاف الهوب عندك داخله غبار او الرمان يبي له شد تأكد منه انت ، ولو تمر ورشة الثنيان ابوابراهيم ويشوفه لك ، بس هل انت مركب يايات استراليـة اماميه؟!

[جاكم لفاكم]

وعليكم السلام والرحمه حي الله جاكم لفاكم

اولاً شرفنا على رابطة ملاك الباثفندر الجيل القديم
http://www.mekshat.com/vb/showthread.php?t=156827 (http://www.mekshat.com/vb/showthread.php?t=156827)





اخي عبدالرحمن
شرفك الله بالتقوى والعمل الصالح وبارك فيك ولك
-----------





بالنسبة للأسئلة


شف ياطويل العمر اول ماتفتح الديكور حق القير تبي تلقى جلبه بآخر عصى القير ، هذي بتلقاه مقطوعه وهي إلى تطلع الريح ، انا صارت معي وغيرته والحمد الله ماشي تمام ولا تشمه الا اذا فتحت قزاز السواق.




اخوي عبدالرحمن
كل جلب القير غيرتها وفعلا مثل ماتفضلت كانت مقطوعه

حتى الجلبه اللي انت ذكرت مغيره وكاله

------------

أنا جيت قبل يومين ميكانيكي شيك تحت قال مافيه تهريب بس فيه عمود الدبل له مشحمه وفيه جلبه للعمود لازم تغيرها يطلع منها الشحم مع الحراره ويرشح على الكنداسه وتفوح ريحة زيت
والله مادري عنه عنده سالفه والا لا

-----------------







والله شف انت شيك على الزيوت اذا ناقصه زودها واذا تشم بها ريحه حراق غير ، وبالبيد زين والافضل 90 ، 140 احسه ثقيل شوي ، لو تكلم المهندس ابو ابراهيم ويشور عليك بالشى الزين لانه فاهم بالباثفندر




اخوي عبدالرحمن

شيكت على جميع السوائل ..القير .. الدبل .. الدفرنس ,,, كلها تمام

المهندس ابو ابراهيم

ممكن له رقم أو وسيلة للاتصال به لو تكرمت

----------------







والله شف كل ماكبر المقاس يخرب الموتر واولها الثقل بالمشى ، عموماً اخاف الهوب عندك داخله غبار او الرمان يبي له شد تأكد منه انت ، ولو تمر ورشة الثنيان ابوابراهيم ويشوفه لك ، بس هل انت مركب يايات استراليـة اماميه؟!



مشكور اخوي

بالنسبه للرمان فطنتن له ...... والهوب والله ماتنبهت له .. بس احس الصوت قداام


ياي استرالي لم اركب ....


ممكن وسيلة اتصال بابوابراهيم

لأني لست من القصيم


وأخيرا

اسأل الله لك التوفيق والسداد وبركة العمر

[ملك الغضى]

0554889337 ورشة الثنيان الرياض

[سليمان العمر]

السلام عليكم
يقول المثل إسأل مجرب ولا تسأل طبيب
جرب ربلة قير للباترول تركب واقوى وافضل اخوك مجربها وخل عنك كلام الورش

[عبدالرحمن السالم]

هلابك اخوي جاكم لفاكم ، آمين يالغالي ومن قال
اعتقد افادك اخوي ملك الغضى برقم ابو ابراهيم ممكن تتصل عليه
ورشته بالرياض صناعية الدائري ، اول ماتعدى مخرج 17 ادخل مع الخدمة ابتل ، تبي تجيك المراعي على يمينك تعداه طبعاً اللفه جايه على شكل قوس ، اول ماتلف تبي تشوف الصناعية ، تجيك لوحه مكتوب تقدير الحوادث الله يكفينا ويكفيكم شرهه ، ادخل من عند اللوحه ، بيجيك تقاطع تعداه وابتل ، لين يجيك مسجد على يدك يسارك ، ديور وادخل من بعد المسجد يصير المسجد يمينك ابد شف الورشه قبالك ، ورشة الثنيان


وعسى الله يوفقك ويسهل آمرك