المساعد الشخصي الرقمي

مشاهدة النسخة كاملة : ** ورطة حـقـيـقـيـة 2 ** ((أسوأ من اللي قبلها))


الصحاري-KING
22/08/2005, 01:18 AM
بسم الله الرحمن الرحيم

ذهبت مع اخوانك وافراد من العائلة في كشتة برية لمكان بعيد جداً عن المكان الذي تسكنون فيه... توقفتم في احد الأمكنة للنزول وبعد تجهيز المخيم والانتهاء من الاشغال أوكلت اليك انت مهمة اعداد الغداء او بمعنى آخر ((الـــطــبــخ)) بدأت بتجهيز القدر وتنظيفه،،تفويح الماء....الخ
،وكانت المنطقة التي تخيمون فيها يتواجد فيها الذباب بأعداد كبيرة جداً وعلى شكل جماعات كثيرة وكلما اردت ان تضع اي شئ في القدر يدخل فيه ذباب... توك فاتح الغطاء تبي تحط اللحم يدخل ذباب ...تحط المويه يدخل ذباب ........وعلى هالحالة وربعك يستعجلونك-حنا منا في مدينة يالله اخلص علينا-وش تسوي ((مع الذباب مو مع ربعك))؟؟؟؟؟؟

ملاحظة: مستحي اقولها لكن يالله،،، مافيه حريم يطبخون عنك الكشتة ((شــبــابــــية))


للمشاركة: ارجو من الاخوان المشاركين ان يكتب اول ردة فعل تجي على بالك

وانتظروا الموقف القادم صدقني بعده ما عاد تقبل على البر ولا تجيب سيرته واذكركم ;) ;) ;) .......
اسيزو 4x4
22/08/2005, 01:25 AM
والله ورطة

ولكن بقولهم اللي يصير يبون الغدا بالذباب أكرمكم الله أو يجون يهشون الذباب عني


ومشكور أخوي الغالي كنق الصحاري وهذي المواقف كثيرة الحصول ....


.
الصحاري-KING
22/08/2005, 01:29 AM
والله سريع ردك اخوي ويسكتهم بعد وللتذكير الموقف حصل مع ناس انا اعرفهم ولكن اللي صار انهم ........ والذكي يفهمها ومشكور اخوي اسيزو
الصحاري-KING
22/08/2005, 02:13 AM
لا ازال بانتظاركم........وينك يا ايمن(المشرف في الطبخات البرية)
AL-OTAIBI
22/08/2005, 09:39 PM
لو اني من اللي يطبخ كان قدمته لهم بالذبان يستاهلون عشان مره ثانيه يقدرون طبخي و صبري>>>>>>>>>> بعدين عادي وش فيها ذبان بر يعني نظيف.
الصحاري-KING
23/08/2005, 12:05 AM
شكلك انت ناويهم على الغداء مشكور اخوي وما قصرت
**القنيص**
23/08/2005, 12:25 AM
أبقولهم أذا مأعجبكم أطبوخ عني
هههههههههههههههههههه
الصحاري-KING
23/08/2005, 12:31 AM
اشكرك اخوي على المشاركة والحمد لله على السلامة
SilverSniper
23/08/2005, 10:51 AM
آخذ منديل.. واغطسه في مرقة اللحم وارش عليه شوي سكر.. وأجدعه بعيد عن القدر... يروح له الذباب ويفكني من شره.. وأكمل طبخ الغدا وأنا مرتاح.. ( طريقة مجربة )..:)... أما اللي يشب علي.. هاه وين الغدا.. اخلص بالغدا.. عجل.. هذا دواه خيزرانة منقوعة في ملح وخل... ولا يذوق الغدا لو يطير..:)
تقبل تحياتي..
صوعان
23/08/2005, 11:11 AM
اطبخ مع الغداء فليت عشان يموت الذباب
الصحاري-KING
24/08/2005, 01:14 AM
مشكورين على الرد لكن احب اقول لاخوي silver sniper ان اللي حصل معهم الموقف جربوا اكثر من طريقة مثل الدخان او يمسكون عظم ويرمونه لكن ما فيه فايدة ويمكن لو جربوا طريقتك يمكن تنفع لكن حتى لو راح الذباب مو كله بعضة بس ومشكور على الرد ولا انسى اخوي صوعان
الصحاري-KING
25/08/2005, 11:48 AM
نحن بانتظار ردودكم ونامل ان يكون الرد على مشكلة الذباب وليس مع ربعك وشكراً
مقمع بنللي
25/08/2005, 02:28 PM
اشنق لي ذباب واعلقه عبره لمن يعتبر

ولا انفض الفراش اللي تحتهم واتغطى به انا والقدر
الصحاري-KING
26/08/2005, 01:04 AM
مشكور اخوي على المرور
بدر الرياض
26/08/2005, 01:16 AM
اقووول تعالوا ساعدوني ولا تراكم تبي تغدون غدا صايد ههههههههههه

ان تساان تبي الصدز وانا اخووك ان كان فيه مكان بالخيمه والغدا ممكن انه ينحط بوسطه احطه وان ماكان فيه مكان الشكوى لله اقعد اهش بيد واحط بيد لين ينجز الغدا
أبو يوسف
26/08/2005, 01:55 PM
والله الوضع صعب

والنجاة منه تبي تضحية

الحل أنك تقل شماغك وتخليه فوقك انت والقدر وتحط اللحم والكشنة ثم تغطي القدر

وكل ما بغيت تفتح الغطا تكبع الشماغ بعد ما تفله ولو احتاج الامر انك تطفي القز
انا قلت الموضوع يحتاج تضحية حتى لو انشوى وهك من الحرارة

ومشكور على الموضوع اللي حرك ادمغتنا


مع التحية
المربد
26/08/2005, 09:42 PM
ما شاء الله عليك ، من وين تجيب هالورطات..‍‍‍‍!!!!
اظن الحل انك تدخل تطبخ بداخل خيمة وتزيد الماء وتزيد الدخان والبخار وعسى ينفع
خيال الغلبا
26/08/2005, 10:00 PM
اذا اشغلوك
قلهم انطقوا الى الليل اذا نامت الذبان قمت وصلحت لكم
الصحاري-KING
27/08/2005, 02:28 AM
والله مشكورين على الردود وكل واحد اروع من الثاني ونا عارف ان الموضوع ما يزيد المعرفة عند الواحد بالحيل لكن مواضيعي هذي للتسلية وعلى جواب اخوي المربد الورطات هذي كلها اجيبها من الواقع مع اللي انا اعرفهم او بتناقل الاخبار الا الموضوع القادم فهو من نسج الخيال لان فيه شي لايمكن ان يفعله احد لكن اعتبروه صار ومشطورين وما قصرتوا لكن اخوي خيال ارجوا ان ردك يكون شوي هادي (لاتعصب علينا بس) ولا انسى اخوي ابو هديل ما قصرت الله يسلمك ولو ان المواضيع متواضعة وبسيطة لكن *(وما اوتيتم من العلم الا قليلا)* وشكراً.......
عاشق الشوكي
28/08/2005, 02:22 AM
بسم الله الرحمن الرحيم
انا لو كنت الطباخ اعطي اخوياي بنادق صيد (خرازه) حتى يلقطون الذبان
تحياتي اخوك (عاشق الشوكي)
الصحاري-KING
28/08/2005, 02:36 PM
ماقصرت اخوي عاشق الشوكي ولو ان الحل مبالغ فيه شوي
ابونهار
28/08/2005, 03:23 PM
السلام عليكم ورحمة الله وبركاته

انا عندي حل بدون ريد او بف باف ؟؟؟؟؟؟؟؟؟؟؟؟؟

جب كرتون تفاح وتحصله في اخر الكرتون ورق كرتوني لونه ازرق ولع في طرف الكرتون تحصله ما يطفي ابد بحيث يكون دخان بس فهو يطرد الناموس وا لذباب بس الذباب الزرق مدري عنه شكله قوي


مع تحياتي للجميع في الصبر و الشجاعه
الصحاري-KING
01/09/2005, 12:22 AM
ما قصرت اخوي ابو نهار على اعطائنا شئ من خبرتك وشكراً على المرور
الصحاري-KING
02/09/2005, 01:34 PM
اين سريعوا البديهه؟؟؟
ع.ف.الدرويش
04/09/2005, 10:34 AM
الظاهر يا اني استنذل واياهم شوي واخليهم ياكلون الغداء بـ..........!
أو الاصرف اعتذر عن الطبخ واترك المجال لهم..

اعرف ناس بكشتة لهم كلوا اشد من كذا..!

أبو فهــد
الصحاري-KING
04/09/2005, 03:33 PM
والله حلو التصرف اذا صار بطنك فاضي وما قدامك الا هالحل يمكن وشكراً على مرورك اخوي ع.ف.الدرويش
الوسم
04/09/2005, 04:36 PM
اههههههههه اهههههههههههه اههههههههههه
والله مدري وش أسوي لكن جنبي واحد قال :
هي تضيع الا على الرخوم : إطبخ في ناموسيه
واحتففظ برأيي الين أشوف وش تقول
ملاحظه تراي ما شفت الردود الأخرى
الصحاري-KING
04/09/2005, 04:43 PM
والله حل زين بس انت بتاكل معهم ولو على غير كذا كان كل الناس جربوا طريقتك ومشكور على ابداء رايك
البريمي
21/11/2005, 07:45 PM
شكراً لك أخي الكريم على هذا المقال
لكن شبت النار اذا كانت مدخنة تبعد الذباب خاصة مع العود الاخضر