ما هــــوا رأيكم ؟؟؟؟؟

[Abunaif]

بسم الله الرحمن الرحيم
السلام عليكم ورحمة الله وبركاته

حبيت اشوف رايكم في وسم الطيور حيث هناك ما يضع وسم في الطير كقص (قرض) جزء من الريش في مكان معين علما بان هناك من يقوم بها إلى الان رغم وجود الشرائح الاكترونية وغيرها من التكنلوجيا ارجــــــو ان يدلي كلٌ منكم بدلوه في هذا الموضوع

[مخبط القشع]

السلام وعليكم ورحمة الله وبركاته

مادري اخوي ابو نايف بس سالفة وسم الطيور شي صار قديم وخصوصآ بعد الشرائح الالكترونية والحجل لكن الضاهر بعض الناس لحد الان في ناس ماعترفتبها

[أبو شعلان]

بسم الله الرحمن الرحيم
السلام عليكم ورحمة الله وبركاته

مشكور أخوي أبونايف على الموضوع الجميل
الصراحه أشوف بعض الناس ياسمون الطير مع المنسر من أول المنسر إلى آخره وفيه بعضهم مع الجنبين وألاحظ
بغض النظر عن الوسم في الريش إن هذا شي يخلي شوفة الطير كريه جداً جداً .

ـــــــــــــــــــــــ يوتقبل تحيات ــــــــــــــــــــــــ

[المري]

والله يالربع وسم الطير يخليه بين للخشيم من اهل الطيور وللمستعجل لان الوسم اللي في المناكب وفي السابعة وفي غيرها من الوسوم


الواضحة , زين لانك تقدر تشوفه وذيل الساعة تعرفه ..اما الشرايح الاكترونيه فهي صعبه اشوي...

وسلامتك

اخوك المري

[سرهيد1]

السلام عليكم

يقولون رجال شراله طير وجاه خويه يعلمه عن سالفة وسم الطيور وولد راعي الطير ( عليه من الله ضلال ) يسمعهم يسولفون عن وسم الطيور..... الوكاد أن الولد ذا قمز من مجلسة وقال يبوي والله غير أحطلك بطيرك وسم ما يجيبه أحد ....... راح الولد وخذا شوي والين صوت الطير يزعج بالصياح .......!!!!! فزعو الشيبان لا يصير الطير شابط الورع يوم وصلو الطير والين الورع قد نتف كل ريشه ...ههههههههههههههه .

الوكاد أنه فيه صبغات هالزمن تحطها على أي مكان تبيه ولا تروح غير يحول عليها حول.... والشريحة زينه كذلك ...

كما أن اللى يوسمون الطيور كما قال أخوي المري للغشمان فقط

والله تعالى أعلم

والسلام عليكم