لو صادفت لك طير زين وانت مامعك زريق ولافيه ابراج اتصال وش تسوي

[مكرم الضيف]

ارجو المشاركة

[ساحووق]

الشكوى لله

ماسووووي شي

[التل الصامت]

فيه عندك الطرق القديمة في الصيد وانت اكيد تعرفها وزمنها لا فيه ابراج جوالك ولا جوالي والله يوفق الجميع

[مكرم الضيف]

راعي المصاغير

لابد نشوف له حل ولا على الاقل نصوره وش رايك

[مكرم الضيف]

التل الصامت

مشكور على المشاركة.
وارجو افادتنا بالطرق القديمة حتى يستفيد الجميع

[ALAMIR]

رزق وما هو مكتوب لي :)

وبقوول الحمدلله على كل حااال

[مكرم الضيف]

لو دورنا حول المنطقة يمكن نحصل جربوع ونحط الشبكة بظهره ماهي فكرة وش رايكم

[هواي داورد]

تجيب لك زرادية

وتمعص اظافيرك

[راعي جلمود]

بحط الشبكه على الجوال وبحط نغمه سمان وبقعد ادربل امتع ناظري مع قله الحيله وأدعي ان الله يطيحه بشباك ذابحه الفقر ويصير هالطير غناته وفرج حاله

[ابونايف العتيبي (511)]

مابليد حيله ،،،،،،

[مكرم الضيف]

الواحد لازم وقت المقناص يكون مجهز نفسه.

انا اعرف مدرسين مدارسهم قريبه من المقناص زريقهم معهم حتى بالمدرسة يحطونه على جنب وينتبهون له(والله عنا) الله يعينهم.

[الامبراطوري]

عندك حل واحد انك تمرح الطير وتعرف مكانه وترجعلة بالصبح وتحطله الزريق

[مكرم الضيف]

ياخواني

صحيح الحر يموت بالجرابيع

وان كان صحيح وين القا شبكة الجرابيع وكيف اشبكه

[ولدحضن]

صدقت ياالامبراطوري الله يعطيك العافية

[ابوعزيز2007]

لزه على حصاة وخدجه
ولاغمض وقل احقبي

[مكرم الضيف]

ابو عزيز

لا حلوة ذي غمض وقول حقبي

ههههههههههههههههههه

[ولدحضن]

ممكن تسويها انت وهي عبارة عن صيخين طول الواحد نصف متر وتكون نحاسية اما الشبكة على شكل باب ملعب كرةالقدم توجه فتحت الباب للصقر مع ربط الجربوع بوتد في منتصف الشبكة وتثبيت الشبكة بالاوتاد عادتا تكون صغيره الامر المهم تقوم بعمل ذلك والسيارة بينك وبين الصقر حتى لايلاحظ ذلك وتستخدم هذة الشبكة اذا كان الصقر
شبعان مايهد على الزريق

[برق شمالي]

بسيطه تقلد صوت الشيهانه
ههههه
هذا ماهو مقسوم والا المقسوم ماهو على الله عسير

[ولدحضن]

ماكتب تعليق الا يحذف وش السالفه

[القنــ أبو تركي ـــاص]

طيب انت تبي الجد ....

شف لو كان الوقت بدري (الصبح) تروح تدور اقرب قرية

وتاجذ منهم حمام وتدبر حالك

ولو ما حولك احد الله يعينك الحر ما يطول يدور الضل ....وتخدجة ..
..................
كمان لو كنت لاقية العصر

تحاول تمسية وتخدجة او تنزل البلد وتجهز حالك

............

تدري بالنسبة لي الشبكة حقت الحمامة ما تنزل من سيارتي طوال العام

هي والمخدجة

...........
وإن شاء الله انك تصادف الطير وانت جاهز

والارزاق بيد الله

تحياتي لك

[مكرم الضيف]

ولد حضن

وصل التعليق والرد

وهاذي طريقة ناجحة بس انك تبعد انت بالسيارة بمكان تشوف الطير وما يشوفك وتدربل عليه اذا امكن افضل.

مشكور مرة اخرى

[ابراهيم شمس]

والله لو صارت معي اسوي شبكة من خيوط الملابس الي لابسها وان كان طير طيب ممكن اني اربط نفسي مكان الحمامة بس على الله يجي والله لا يحط حد في هل الموقف

[ابوصالح بريده]

انسدح على ظهرك وقلد صوت الفري واذا جاء امسكه

[مكرم الضيف]

عني اخلي معي بالسيارة وحده مثل ذي ووراه وين يروح مني.

ههههههههههههه



w2mmx71DqfQ

[ابراهيم 4444]

احفظ المكان زين
وارجعله الصبح

[سندباد البري]

ماهي صعبه ولا شي .. قابله للمسى واحفظ احداثيات مكانك وروح جيب مالذ وطاب من الزريق الحمام والفري والقطا والجرابيع وألغم المنطقه حواليه اول الفجر واول مايشق النور خل عينك عليه وانت بعيد عنه

[عزوتي وايل]

أكحل عيوني فيه وانا أخوك

[ابوعزيز2007]

الشكوى لله يامكرم الضيف

[اجااا]

الحل عندي انك تسحب الشوزل
وتعطيه كم طلق إذا صوبته يعني طلع
صويب زين على زين ون مات رح وخله
(((مداعبه)))
تدري عاد وش تسوي رح وخله لأن ماحد قالك اطلع ومامعك زريق
وشكرااا

[ولد مساكن]

أعوذ بالله من الشيطان الرّجيم
بسم الله الرحمن الرّحيم
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً{12}
صدق الله العظيم

[العنزي VIP]

الله يرزقك بطيرر الطيب ومشبوك وجاهز تستاهل ياا مكرم الضيف
ام الطير الي لقياا مو من نصيبك ههههههههههه

[عتيج الصوف]

عندك حل واحد انك تمرح الطير وتعرف مكانه وترجعلة بالصبح وتحطله الزريق ... عين العقل

[راع الطيب]

اخواني اليوم انا صار معي الموقف هاذا

طالع على الدنه محمل علف للبل والبل عن الخط 60 كيلوا ويوم انتصفة المسافه الا ذاك الطير حر تام مسهم متعدي واخذ معه شوي اناظر فيه واخليه يروح غصب عني والله ياني انقهرت لاكن مهوب مكتوب لي لعل الله يرزق غيري ابه ويطرحه

[برق الشمال101]

ارسله كوووول مي
ولا عيط الين الصبح

[مكرم الضيف]

برق الشمال101

اما من ناحية العياط اذا الطير يستاهل ابعيط والطم بس الله يستر

[falcon 1]

والله وش اسوي ..هذا الي الله كاتبه ..اناظر الطير واقول ما شاء الله وامشي ..فكذا الواحد لابد ان يكون جاهز .

تقبل مروري اخوك فالكن 1

[مكرم الضيف]

شكرا للجميع كلا باسمه على ردكم وتفاعلكم مع الموضوع.

وصحيح لازم الواحد يكون جاهز