رساله الي اخواي الطواريح

[q8ty]

السلام عليكم ورحمة الله وبركاتة

اخواني الطواريح واللي له بال طويل بطرح الصقور خصوصا بمنطقه الخليج او اخوانا العرب مثل لبيا والجزائر وسوريه عندي اساله وانا اخوكم جديد بالطرح ولكن لاحظت السنة اللي فاتت الله رزقنا بطير وجانا رجال ووقف جنبنا وقال تراني شريك معكم وحنا لاحقين الطير من الساعه 6 الصباح لين جت الساعه 9 وجانا بكل هدوء وقال انا شريك معكم ولا ترا بسوي نقل ل طيري وافك عليه وصراحه متنا قهر وقنا ياخوي مايصير هالكلام حنا نتعب وانت تجي بارده مبرده وتقول شريك والمصيبه الاكبر جانا رجال ثاني معه يمكن 3 رياجيل بالسياره وقالو حنا شراكه معكم وانا صراحه انقهرت وطلعت الشوزن ورحت للطير مسرع وطيرته ورميت فوقه لين طار وارتفع وراح ل حال سبيله

فا يالربع ابغي ناس فاهمين بالطرح واصول الطرح هل يجوز هذا الشي وارجو من الكل يتكلم بصراحه واخص الاخ ذراع الذيب بالذات ولا قصور بالربع هل اذ تعبت التعب هذا كله ويجيني واحد ويقول انا شريك غصب عنك وشكرا علي الاطاله

[سندباد البري]

يالحبيب النوعيات هذي قله ابشر وبعد ماتطرح طيرك شفط على خشمه .. اما اذا استعنت فيه واخذت شبكه او فريسه فهو شريك معك
وسلامتك

[صقار مبتدئ]

هذا الفعل لا يجوز في مجتمع الطواريح الشريك معروف هو اللي انت وياه متشاركين في النيه من اول المقناص او اللي يفزع لك يحذفلك حمامه و الا يحوله بطراده ومن هذا القبيل
اما يجيك واحد عيني عينك شريك هذي قويه
اشبك طيرك و امهدة و اللي فيه خير يقرب من الطير
عالم غريبه صدق

[برق شمالي]

هذي فعايل ردي الاصل
القاسم الله والحاسد هالرديين
قله بنطرح الطير اول لاطرحت الطير قله وجه للديره لا وجهت للديره دق على 999 وقلهم السالفه واشتك عليه وتوجه للقسم على طول

[q8ty]

الله يجزاكم خير علي الردود الي تثلج الصدر والله يالربع هذا اللي صار معي وماطيرت الطير اللي يموت مت من القهر انا كنت بشوف الوضع زي عندنا بالكويت ولالا يعني نبي نسمع من الطواريح كلهم بالخليج والدول العربيه هذي العاده جديده عندنا بالكويت بالذات وابي اخواني طواريح الكويت يتكلمون بكل صدق وامانه

[المارونـــي]

الطير انت عينته ومحد حوله فيعتبر من نصيبك اذا الله راد وطرحته والمفروض لو على كلامهم انهم موجودين من الساعه 6 حتى الساعه 9 وينهم عنك يوم جيت للطير ودام هم معينين الطير قبلك ليه ماجاو وخبروك انه في طير احنى نحاول نطرحه على االاقل بتكون على بينه من الامر اما بعدها يجونك ويقولون احنى شراكه فهي سوات شين وقوات عين
ومشكلت هالايام في البعض الجشع والحسد

[سندباد البري]

اخوي الناس هاذي بكل مجتمع مو بس بالكويت وعسى الله يكفينا شرهم

[وادي العرج]

عاد يوم طلعت الشوزن قلت بترمي اللي

ضايقكم على طيركم ماهوترمي الطير وتقطع رزقكم

الله يعطيك على قد نيتك

[مقناص_111]

في ذا الزمن خويك الروح بالروح ما تامنه .؟!

والله مشكله ياخي سرقه عيني عينك ..؟!

الله يعوضك باحسن من الي طيرته ..َ

[q8ty]

الله يجزاكم خير علي الردود ووالله ياخوي وادي العرج جتني عصبيه ماشفتها بحياتي وقلت خلني ارمي فوق الطير واطيره وحنا مانبي المشاكل طيرته قدام عينهم ورميت حوله لين ارتفع

[جغرافي2000]

تبي الصراحه والله أنا طقيت من القهر من هالبشر ... أجل بارده مبرده تجيه ...
لا و يا قو عينه بعد .... ( تراني شريك ) .... !!
زين ما ثورت بهم ... أو حصل ما لا يحمد عقباه ... ( الجمله الاخيره .. تعب )

[صقار محترف]

ماله اي حق
والمفروض تتوطى في بطنه وتطرده
دام الطير عندك قبله ومولع نور سيارتك خلاص الطير طيرك غصب عن اطلق شنب

[مكرم الضيف]

ياخوان العصبيه والزعل ماهي زينه خاصة بالمقناص الاسلحة موجودة والشيطان يحضر معها. انت قول له خير ان شاالله وبعدين خذ طيرك وروح. وماحد ياخذ رزق احد.

انا شفتهم مرة عندنا طير موكدينه وندربل عليه اطلقوا الفري(السمان) من عند هوايات الجيوب القديمة حقتهم حتى يطير الطير.

لانهم بزارين ماهي عاقلة

وش اسوي ارميه.

لجل هذا الموضوع ترى الخوة والجمعة زينه شروى الوجيه

[falcon 1]

طال عمرك الي يكون شريك معك هو الي يكوون معك من اول المقناص وانت تعرفه وهو يعرفك ...او اذا احد عطاك حمامه او شبكة فهذا ايضا يصير شريك ..امن الي يجيك ويقول انا شريك ..معليك منهم ..لا طرحت الطير خذ الطير وتوكل على الله .

[MAGNUM]

طال عمرك انت من الساعه 6 الصبح ليا 9 وحاولت معاه لكن ما هد وماكتبلك الله فيه نصيب
ليه ما خليت غيرك يترزق ودخلت معه شريك كان خليت الناس تجرب
بطير يمكن يهد على نقلهم وانت الله يهداك رميت عند الطير

انت افلست منه وخليت غيرك يدعي عليك

[Bo-Rakan KWT]

و الله انا شفت فيديو في يوتيوب فيه نفس هالسالفه !!
زين انك طرحتها لانه معناته هالشي ماهو أول مره يحصل ،، وزين نبهتني عشان اذا جيت اطرح ادربل بني آدمين حولي غير الطيور لا يطلعلي شريك و انا ما أدري هاهاهاها
حقيقة قله حيا و قلة مرجله

[ابو قنص]

هاذي عادات ضعاف النفوس الي ما فيه خير والا الطير لك والمفترض انه يطلب منكم السماح له بالدخول معكم ان قبلتو والا يتوكل على الله اما انمه يقول ابي افك نقل واخرب عليكم يدل على انه حسود ولا هوب رجال كل شغله فيها من هالجنس القذر

[q8ty]

الله يجزاكم خير علي الردود الطيبه وبالنسبه ل اخوي مقنم والله ياخوي لو انهم رجال لا اعطيهم مجال وبالعكس اتشرف فيهم ولكن للاسف اللي سوه تقول داخلين معك غصب طيب ولو جاين بمرجله وعلوم رجال والله لا اهديهم الطير واقول هذا غداكم ولكن جوني بطريقه بشعه وسخيفه

[ابو قنص]

طال عمرك انت من الساعه 6 الصبح ليا 9 وحاولت معاه لكن ما هد وماكتبلك الله فيه نصيب

ليه ما خليت غيرك يترزق ودخلت معه شريك كان خليت الناس تجرب
بطير يمكن يهد على نقلهم وانت الله يهداك رميت عند الطير


انت افلست منه وخليت غيرك يدعي عليك



يالطيب فيه فرق لما يجي واحد ويقولك ابي ادخل معكم بالطير او واحد يقول دخلوني معكم والا ابي اخرب؟

[سعد الكبيسي]

صحيح زي ماقال اخي ابوقنص

نفس الحركة اللي صارت معي ماقول الاالله المستعان
هاذي عادات ضعاف النفوس الي ما فيه خير يدل على انه حسود ولا هوب رجال كل شغله فيها من هالجنس القذر

[q8ty]

بيض الله وجيهكم علي الردود وعزالله انكم صادقين انهم حسودين ولا هم ارجال

[MAGNUM]

عسى الله يلوم اللي يلومك دام السالفه فيها غصب وتخريب لا والله لا اسوي نفس ماتسوي

وهذي الناس فاهمه الشراكه غلط

تحياتي لك

[أبوفرحان]

ياخي والله في ناس مااتستحي يجيك باردة مبرده يقول شريك

[ابو جنى حمد]

لو قلتله نصيد الطير وبعدين يصير خير وبعد ما تصيد طيرك تقله اقلب وجهك لا تشوف شي ما يصرك يا حرامي وعطه العين الحمرا

[q8ty]

اسمعو المقطع هذا يالربع وللأسف وكل للأسف انه فالموضوع نصب وانا ماقول كل الطواريح لاوالله ونعم ولكن البعض من الطواريح الي انا اسميهم مرتزقه وماعندهم من علوم المرجله شي ويدخل نفسه بكل شي هذا مقطع لقيته باليتيوب واحكمو عليه انتم يا اهل مكشات

http://www.youtube.com/watch?v=osO6NQpdzLc&feature=related

[q8ty]

ذراع الذيب مشغول بالطرح الله يرزقه ولا كان ودنا يشاركنا الموضوع :)