تكفون تكفون موتري يطفي فجأه

[مريديم]

السلام عليكم
ياجماعه موتري قراند ماركيز 2006 لاحظة عليه يطفي فجأه بدون مقدمات وانا امشي وبمجرد اني اوقف وارد القير لل b واشغل يشتغل ويمشي عادي وش السالفه تكفون

[مراقب الصيد]

اتوقع انه من قاعدة البخاخ تحتاج تنظيــــف

[asdas-15]

هلا اخوي مالك الا تفحص كمبيوتر وتشوف وش العلم
يمكن انه حساس والا شي

[فارس شمال]

كانت موجوده عندي بمرسيدس ... واكتشفت بعد معاناه ان العطل اخر شي بكمبيوتر مضخه البنزين يوم فكيت البوورد الاخضر لقيت سلك واحد لحامه موسع ضبطه بالكاويه حقت اللحام ومشت معي تمام التمام الى ان بعتها ..

[فارس شمال]

كانت موجوده عندي بمرسيدس ... واكتشفت بعد معاناه ان العطل اخر شي بكمبيوتر مضخه البنزين يوم فكيت البوورد الاخضر لقيت سلك واحد لحامه موسع ضبطه بالكاويه حقت اللحام ومشت معي تمام التمام الى ان بعتها ..

[رفيع المقام]

س/ هل لمبة الفحص شغالة أم لا.؟

مشكلتك أخوي لها عدة مبررات منها مثل كلام الأخوان اللس قبلي.

ويوجد مشكلة ثانية وهي اللي حصلت لي شخصياً في الماركيز ..
اللي هي تعطل أحد الكويلات ؟

كل اللي عليك شراء كويل أصلي بـ 95 ريال ومن ثم تركيبه؟

[رفيع المقام]

تم الحذف لتكرار الرد

[abu yaser]

عندي الحل انا نفس المشكله كل مكان يطفي وخسرت عليه اكثلر من 5000 ريال بدون فائده
حتى نصحني واحد من الاخوه بمركز المشعل الي في طريق المطار القديم والان انتقلو الي الصناعيه القديمه كشفو عليه با الكمبيوتر وطلع المشكله من السلك الموصل بين الديلكو والكويل وطوله تقريبا عشرين سم نضفوه با البنزين وبعده 3 سنوات ما طفى

[مريديم]

الله يعطيكم العافيه جميعا
واللي يسأل عن اللمبه ابد ما ولع شي لاكن الكويل هذا وين مكانه
وبالنسبه لمركز المشعل تكفون كم رقمه ياخوي

[abu yaser]

الله يعطيكم العافيه جميعا

واللي يسأل عن اللمبه ابد ما ولع شي لاكن الكويل هذا وين مكانه

وبالنسبه لمركز المشعل تكفون كم رقمه ياخوي


الكويل في اعلى المكينه بس با الظبط لا اعرف لاني في السيارات اشغل واطفي بس
اما المشعل اي محل في الصناعيه اسئله لانهم مشهورين جدا اخر مره جيتهم كانو في المطار القديم وكان عندهم فرع با الصناعيه وانتقلو هناك

[كياف]

نصيحتي باختصار :
افحص بالكمبيوتر وإن شاء الله تبين المشكلة حتى تكون على يقين .
بدل ما تغير وتبدل ويمكن تستمر المشكلة .
احيانا تكون مشكلة حساسات , ولكل سيارة أحواله ..
والله ييسر أمرك.