ماسبب وضع هذه السيارة في القائمة السوداء ؟

[عاشق الجبل]

السلام عليكم ورحمة الله وبركاته


النيسان الــــ SKY LINE GT ممنوع دخولها السعودية منذ 1976 تقريبآ ‍‍‍!!!


لماذا ؟


لاندري !!!


وقت منعها كانت 6 سلندر كاربريتر والأن تم تطويرها لتصل الى 8 سلندر


ليس هناك مبرر مقنع لمنعها في ظل التعديلات الحالية التي في السوق


بالإمكان تركيب تيربو على ماكسيما أو كامري وتصبح قنبلة جبارة بذلك أحصل على قوة مقاربة


للــ SKY LINE GT .


كذلك الــ G M C الــ 454 الحوض ممنوع ‍‍‍‍!!!


طيب أقدر أركب مكينة G M C صالون 454 على حوض قطع 10 وأستطيع أعدل عليه ايضآ


وبذلك أتجاوز روتين النظام .



أترككم في هذه الصور الجميلة للسيارة المظلومة نظامآ



نبدأ بالنوع القديـــم ( المسماة بالحدباء ) موديل 77

http://picnic.ciao.com/de/225429.jpg




http://www.g-power.dk/images/nissan_skyline.jpg


http://www.auto.vl.ru/gt/pictures/skylinegtr18.jpg


....


http://www.g-power.dk/images/maxima1.jpg


http://www.g-power.dk/images/SKYLINENISMO.jpg

[عاشق الجبل]

http://www.spc.org.uk/nissan/i/skyline-gts-25t-005.jpg

http://www.spc.org.uk/nissan/i/skyline-gts-25t-010.jpg

http://www.importplaza.com.au/r34greymm5.jpg

http://www.importplaza.com.au/r34redmm5.jpg

http://mpg.cc/wenkang82/nissan-skyline-gtr34-2_large.jpg

http://www.lude4life.com/var/thef&thef2/2f2fskyline.jpg

[اسيزو 4x4]

والله العلم عند الله

كلامك منطقي جداا ولكن السبب مجهول !!!!!

مشكور يالغالي ...


.

[خطير]

ممكن لان المواصفات لاتطابق المواصفات السعوديه

اوووووه صح تذكرت لانه نيسان مافيه شي غريب ..

[عاشق الجبل]

شكرآ ياأسيزو على مرورك


هلا بالخطير :)

[عابد]

السلام عليكم ورحمة الله وبركاته

أظن والله أعلم ان الوكيل هو مايبغى يجيبها مثل المكسيما ماكان ينزل الوكيل ويوم نزلها وقف الألتيما بعد كذا رجع الألتيما ووقف المكسيما وترى فيه انواع كثيرة من السيارات ماتنزل عندنا بسبب الوكيل.

وسلامتك وتعيش

اخوك عابد

[عاشق الجبل]

هلا أخوي عابد

الصراحة حتي الأن لايوجد سبب مقنع

[path_poth]

عاشق الجبل:

بالعقل إنت عارف الروتين وعارف إن فيه أشياء كثيرة مفروض تتغير بالنسبة للمواصفات ولاتهون الأنظمة المرورية لأن الدول الثانية تطورت وحدثت أنظمتها وحنا للحين مكانك سر
للمعلومية من بعد حرب الخليج1990 صرت أشوف السكاي لاين أو الgt بمنطقة الحدود الشمالية بس موديلات قديمة (80-92) إستعمال كويتي

كمثال على الروتين وأهمية تحديث الأنظمة:: طريق الملك عبدالله بالرياض وإنت جاي من جهة الدائري لو تتعدى 70 كم بالساعة طقوك بمخالفة مع إنك تمشي مالايقل عن5كم على بال ماتاصل إشارة الملك عبدالعزيز((سوق صحارى))

مثال 2: الهيدرز ممنوع بالسعودية ولو يدري بك الشرطي صادر الموتر((بالإمارات سوبر تشارج وبلاور وتيربوات وغاز))


__________ ممكن يقول احد الأعضاء وش دخل السرعه والهيدرز والغاز والتيربو بالموضوع
والجواب هو: كل هالأشياء لها دخل بالمرور وهو اللي منعها

[صالح المطيري]

فعلاً يا path path اذكر في التسعينات الميلادية كنت اركب أكباس على الهايلوكس اللي كانت معاي وكم مرة وقفوني الشرطة وأضطريت افكها مع اني محتاج إنارة اضافية لأني اطلع فيها البر دايم وللحين ماني عارف سبب منع وضع اكباس على سيارتي؟؟ وقبل كم سنة كانت معاي هوندا اكورد وركبت مصابيح للضباب ووقفوني الشرطة بعد واجبروني اشيلها؟؟؟ ليش ممنوع؟ ما ادري!!! .

[صوعان]

المفروض اسمك عاشق النيسان مو عاشق الجبل
وتبي الجد ما الومك لو حطيت عاشق النيسان لاني انا مانيب بعيد عنك ...حاولت من كم سنه اني اجيب السكي لاين جتي من الكويت بس قالو لي ماراح يدخلونها الا اذا عندك واسطه قويه
الله لايحرمنا من مواضعيك ياعاشق النيسان
وانشالله يجي التيتان ويبيض الوجه

[عاشق الجبل]

الأخ : path_poth لكل نظام ثغرة يمكن عن طريقها الوصول الى المطلوب

مثال ذلك :

قطع التعديل بجميع صناعاتها ممنوعة من مقام أمارة منطقة الرياض وذلك حسب التعاميم الصادرة منها الى جميع المنافذ

الثغرة هنا عن طريق الواسطة عن طريق منفذ البطحاء المؤدي الى الأمارات العربية .

طيب لنفرض فيه شخص ماعنده واسطه أو تم تطبيق النظام بشدة على عدم دخول هذه القطع فمن الممكن أن أعدل سيارتي

في أحد الكراجات في الأمارات وأجي عليها وكأن شيئآ لم يكن .

واحد من الشباب عدل جيب باترول ولكن دخوله السعودية صعب بسبب قوة الصوت فأضطر الى أيهام الجمرك أن السيارة

عطلانه وقام بدفها مع بقية ربعه ودخلت بسلام :)



الأخ : صالح المشكلة يبيعون الإكسسوارات ويصادرونها في نفس الوقت !!!





الأخ : صوعان ( سبقني بها عكاشة ) الأسم مستخدم من قبل

وإن شاء الله تفرح بسيارتك المفضلة :)

[بو خليفه]

كان عندي sky line جيتي سبورت موديل 1987م و كنت أحس أثناء القيادة أنه ليس ياباني بل أوروبي سريع واقتصادي في البنزين و برودة تكييف و ثبات في الطريق مثل الألماني و قليل الصيانة0
و شكراُ لكم

[عاشق الجبل]

شكرآ على مداخلتك بوخليفة

ونتظر دخولها أسواق المملكة كما دخلت سيارت فورد سابقآ .

[غيّام]

عزي لحالكم ياراعين النيسان بس

[عاشق الجبل]

هلا بغيوم ( عزيز وغالي ) طال عمرك :)

[لعاب المنية]

يمكن عشان اول سيارة ارادت الدخول للمملكة كان لونها اسود والاسود ما يصلح بالسعودية لذا وضعوها في القائمة السوداء :D :p

[عاشق الجبل]

ياليت هذا السبب .... كان نطلب لون أبيض :)

[رسلان]

عافاك الله أخي على الموضوع والصور ....
وهل بلإمكان وصف لإمكانيات السيارة ؟
( مانعرف السيارة :) )
السرعة ... القوة ... وغيرها من المواصفات ...

وشكرا لكم ...

[القناص]

والله العالم
ان الوكيل هو سبب عدم وجود هالسياره عندنا
وكيل نيسان كسلالالالالالالالالالالالالالالالالالالالالالالالا لالالالالالالالالالالالالالالان
ولا عنده سياسه تسويقيه ناجحه
الله يصلح حالنا وحاله
مفوت على نفسه سوق رهيب

[عـبـود 911]

شايفها قبل حوالي شهر ونص بالشرقية بالتحديد عند مواقف جيان على طريق الهافمون



وهي فعلا قوية وشكلها حلو

[KEA2003]

تذكرون الموستنق 87 اول ما جت كشف كنت اذا مريت من عند دوريه يوقفونك ويجبرونك سكر الكشف ولا يعطيك مخالفه
النيسان zx من 78 حتى قبل ست سنوات كانت ما تمر من عند دوريه او نقطة تفتيش الا يوقف ويفتش والي يشريها غير محترم ولا عرفو اهله يربونه
والي يشري GMC حوض راعي حبوب راعي تهريب بياع وخذ من انعدام الحريات

[مايغرز]

عانكم الله يا شباب السعودية بس يمكن وراها حكمة افتكر الحوادث عندنا بالكويت وعندكم مافي مثلها بالعالم يا اخوان والله شباب مثل الزهور راحو سبة السيارة ماخذين الامور بعضهم الله يهديهم تحدي انا عندي السيارة القديمة وان كانت سريعة منظرها والله احلى من الجديدة!!! والحين ابسألكم يا المسؤولين ايه اسرع جيتي 77 والا اعوذ بالله منها اس اس الهولدن الاسترالي؟ والا المسكين المتهم 454 السبعاوي والا ال اش دي الصاروخ الجمس ماكينه ثمانية الاف ومئة حصان اللي السكود اللي فجر طاش ماطاش مايلحقة000000

[salehhd]

السلام عليكم

حسب علمي ان السيارة كانت موجودة في السعودية تصدير من دول الخليج ولاكن الوكيل المحلي لم يكن يجلبها او يوفر لها قطع غيار وهذا الكلام لوديلات 89 وتحت

بالنسبة لموديل 90 وفوق فان السيارة كانت تصنع لليابان فقط ولم تكن تباع في دولة اخرى في العالم حتى فترة قريبة وتأتي بدركسون يمين فقط
والموجود حالياً كلو معدل دركسونه

ولو قلنا ان السبب هو السرعة فهناك الكثر من السيارات التي هي اسرع منها وموجودة في الخليج مثل الفراري والبورش واللمبرجيني والاسوستن مارت ولا ننسا الدوج فايبر

وحسب علمي ان محركها 6 سلندر بسعة 2.6 لتر وبالامكان تزويدها حتى تصل الى 1000 حصان

[نمر بن حثلين]

الله يذكر ايام الكروان رويال صالون
لو تولع الانوار الصفرا الي جايه معها شد بلد وقفوك الدوريات !
تفكير عجيب ولقافه زايدة

اما بخصوص السكاي لاين اتوقع مثل ما ذكر الاخ صالح المنع لان الي يجي للخليج استمعال ياباني والدركسون يمين ومعدل
وعلى فكره حتى في الامارات المرور ما يرضى يسجل السكايلاين المعدل دركسونه الا في بعض الامارات الصغيره وبالواسطه بعد

وماظن تمنع عشان السرعه ولا كان منعو بيع اللمبرجيني ومنعو الدبابات الي يطبق طبلونه 300 ومستحيل احد يلحقه

[الضاري]

الله يخلف

كان معي Gtx 87

أيام العربجة وأذا مريت من عند الدورية وقفن

ليش مركب لمبات صفر

يضنون أنهن تركيب

وأجلس اشرح لهم نصف ساعة على ما يفهم أنها تجي من الوكاله كذا ويتركني بدون مخالفة

[الذئب العربي]

الضاري: على طاري الجي تي اكس: واحد من الشباب معه وحده و قزازها ملون من المصنع تلوين خفيف. العسكري راسه والف تيس الا مظلل ويحوس ويدوس ومشى خوينا ولازال مو مقتنع

[داب الرمث]

السلام عليكم ياذيب كيف حالك .................... صدفني مامنعو السكاي لاين ولقبها الوحش الياباني عبث لانها سيارة مجنونة وهي ستاندر بدون تعديل كيف اذاطاحو فيها ربعنا وعدلوها غير انها ماتحتاج صيانة تصير الدنيا فوضى وعندنا سواقين مجانين خلقة بدون سبب كيف لو اتحدت الجريمة مع هذه السيارة يعني تخيل مجرم معه سكاي لاين او مهرب مخدرات هارب ......... اترك الجمس 454 ........ السكاي ماتسخن ..... راسية .... بدون عيوب مصنع ..... اقتصادية بنزين ... فراملها متطور .... تلف لفات مايلفها غير المورسيدس ....... تسارعها مجنون من الصفر بدون ماتباوش لان تجي دفع رباعي وقيرها قوي مثل الباترول نادر العطل جدا الا مع الحادث لاسمح الله ................ واسف على الاطاله

[عاشق القنص]

اوووف دوم تقولو ممنوع لاممنوع ولاشي انا املك واحد ولوحات سعوديه

[أبوأسامة]

يابيي لو بيدي خليته تدخل عشانك:d