في أرنب بالكويت!!!!

[بن ضاري]

السلام عليكم,,,
يا جماعة الخير تصدقون إن فيه أرنب بالكويت!!! أنا مثلكم كنت مندهش وماني مصدق بس لمه شفت الصورة وخويي ماسكه.بس بعد ما أقدر أكذب عيني.قلتله يمكن منحاش من المحميه قالي لا أنا صايده شمال بعيد عن المحميه .
موضوع النقاش : شلون فيه أرانب في الكويت؟؟

[راعي شيشان]

الارنب واجد بس اكثرها في امن الحدود وقليل ماتطلع بس الاكثر في المنززوعه

بره صعبه بس تحصلها طالعه بالغلط وعسى ربي يوفقك في ارانب في الكويت وتصيدهم

تحياتي لكم

[دلوع الهوى]

نفس ما قال راعى الشيشان ربي يحفضة

[ALAMIR]

اخوووي بالشمااال هذا طااالع من الحدود وبالتحديد منطقه منزوعه السلاح

والارانب اهناااك واااجد والحباري واجد والقطا واجد

[falcon 1]

والله عجيبه هذي انا سمعت اتك تلقا ارانب لكن فقط بالمحميه..الله يجزاك خير على الخبر الطيب

[شاهين2]

فيه بالكويت لكن نادرررر جداااا
اذكر بسنه 97 قالنا واحد من الربع فيه ارانب بمحميه النفط وما صدقناه واتفقنا نروح نقنص عنده وبعدين كنسلنا الطلعه وكان وقتها مداوم هناك واتصل علينا وقال لقيت ارنب وصدتها!!!
قلنا تعال المخيم خل نشوفها وجابها لنا وكانت صغيره يعني اكيد فيه ارانب غيرها لكن قليل جداااا .

[Bo-Rakan KWT]

خوش خبر ،، الله يجزاك خير بس دامها نادره ان شاء الله نقدر نحافظ عليها و نترك الصغير يكبر و الحامل تضع و نصيد كفايتنا للهواية و نترك الصيد الجائر

[مكرم الضيف]

انتم ارانبكم بالمزارع ماهي وحش.لكن تعال عندنا السعودية مزارع وبرية بس البريه صعب صيدها وخرش وطعمها حلو اما المزارع بيض زي الثلج وماتحمل الحرارة غير تحت المكيف.


تحياتي

[skeet]

في سوق الجمعه واجد

[برق السيل]

الارانب تتواجد اكثر شي في الاماكن الي ما تطاها رجل مخلوق ( القناصه والبدو )
وكما قال الاخوان في المنطقه المحظورة يكون تواجدها اكثر