لمن يكشت في الثمامه او يمر بالثمامه

[ABU FASIL]

السلام عليكم ورحمة الله وبركاته وصبحكم الله بالخير جميعا
بعد تجربتي الشاقه موسم شتاء العام في بيع الحطب وبعض اللوازم البسيطه
التي يحتاجها الكشات في الثمامه رغبت في تكرار التجربه لهذا العام
ومما لاحظته طلبات النا س المختلفه ممن يرغب حبال للخيام ومن يرغب في اسطوانات غاز ومن يرغب قدور او صحون او او
ارجوا منكم بارك الله فيكم ان تفيدوني بالادوات التي ترغبون في تواجدها متى تواجدتم
ومن لديه الخبره ارجو منه مشكورا افادتي وله ولكم مني الدعاء
مع العلم ان راس المال بسيط
مثلا ادوات الطبخ
لوازم شب الحطب
الانواع الاخرى من لمبات او زل ومراكي
انواع اكياس النوم

[قرنديزر]

السلام عليكم ورحمة الله وبركاته وصبحكم الله بالخير جميعا
بعد تجربتي الشاقه موسم شتاء العام في بيع الحطب وبعض اللوازم البسيطه
التي يحتاجها الكشات في الثمامه رغبت في تكرار التجربه لهذا العام
ومما لاحظته طلبات النا س المختلفه ممن يرغب حبال للخيام ومن يرغب في اسطوانات غاز ومن يرغب قدور او صحون او او
ارجوا منكم بارك الله فيكم ان تفيدوني بالادوات التي ترغبون في تواجدها متى تواجدتم
ومن لديه الخبره ارجو منه مشكورا افادتي وله ولكم مني الدعاء
مع العلم ان راس المال بسيط
مثلا ادوات الطبخ
لوازم شب الحطب
الانواع الاخرى من لمبات او زل ومراكي
انواع اكياس النوم


السلام عليكم ..

عن نفسي انا اشتغلت بالثمامه ثلاث سنوات في موسم الشتاء .. بداية الموسم عندي . يبدأ من اول مطره .. وينتهي مع اول عجه >> اول عاصفه رمليه

مسألة انك تبيع اكياس نوم ولمبات .. وتأجر زلول ومراكي .. في نفس الموقع .. ما اعتقد انها فكره سديده

لسبب محطه خزام موجوده وفيها كل شيء .. وخصوصا من اللي ذكرته ..

وادوات الطبخ من الملعقة الى استطوانة الغاز ما اعتقد احد بيطلع وهي ليست موجوده معه ..


خلال الثلاث سنوات هذي انا اشتغلت بالحطب على الخفيف وشغلي كان معتمد على مواطير الهواء ..

املك ماطور هواء واعبي لشباب اللي يطعسون :D

يطلبون مني أبر للكفر .. ويطلبون مني ولاعه حقة الدخان .. ويطلبون مني حبل سحب ويطلبون مني الفحم الابيض اللي يولع النار وبعضهم يطلب بنزين :D واقوم اسحب له من السياره .. ;)


بصراحه هذا كل اللي كان يمر علي ..

مع ملاحظة ان شغلي كله معتمد على ماطور الهواء يعني اذا ما شافوني جايبن حطب .. ما حد يجي يدور ولاعه ولا فحم ابيض .:mad:


موفق خير .. اخوي

[MjNo0oN]

عن نفسي اهم الاحتياجات الي تحتاج توفيرها وممكن اني امر واشتريها منك

(( فحم - حطب - شباب ابيض - ولاعه و كبريت - زنجبيل - ابو فروه ))

طبعاً الزنجبيل و ابو فروه لازم تعلق لوحه تبين انك تبيعها واذا كانت النوعيه طيبه يمكن يرجعون ياخذون منك

الفحم جب نوعيه طيبهويفضل قريض المدينه وخل سعرك منافس والناس بتشيل منك << لاكن لاتكثر منه لانه قلييييل من يطلبه وتكفيك 5 خياش كبيره (حقة الرز) وتوزعها على اكياس صغيره و الحبه بـ 5 او 10 ريال على حسب النوعيه وجب معك 10 خياش فيها ربع بالطول و الخيشه على 15 او 20 ريال على حسب النوعيه << طبعاً كسرات صغار

والحطب يفضل حوض كامل مرصوص لانه يروح بسرعه << بس خل نوعيتك ممتازه وقطعها كبار (لاني اذا شفتها صغار ما اخذها ابداً امشي واخليها

طبعاً انا اكلمك عن احتياجاتي الي ممكن اني اخذها منك او من اي واحد القاه واقف على جنب يترزق الله

واهم شي الزنجبيل و اللوحه << اذا لقيته ولوه معي اوقف واخذ منه

[تناهيت]

سجل عندك تعبئة دبات الغاز حجم 1 رطل فما فوق مع وجود لوحة تفيد بوجود ذلك

رأس مالها دبتين غاز حجم كبير ولي سرهيد المطور وعب بعشره لجميع الأحجام

الشتا اللي راح طلعت البر بدون ما شيك غاز الدبه وما ذكرت الا في نص الخط اضطريت استخدم حطب ليل نهار للطبخ واعداد الشاهي وكلش صح له طعم لاكن الوقت موب ملكك دائما

تحياتي

[أبو براك]

وعليكم السلام ورحمة الله وبركاته

حياك الله اخي الكريم

واسأل الله جل وعلا أن يسهل أمورك

ويرزقك من واسع فضله ويكفيك بحلاله عن حرامه

وبالتوفيق فيما تسعى اليه

[راعي اللبرق]

أخوي اول شئ الله يوفقك ويرزقنا وياك
رايي لك رح لم محل للكشاته واسئله وشو
اكثر الحجات اللي تمشي عندك وهو يعلمك
وشكرا

[وادي الصحراء]

اذا انت مانت متعدي الثمامة الحطب والفحم اللي يصلح للشوي
واذا تبي تضيف العب الاطفال مثل الطيارات وغيره

[رواق]

مؤيد لتناهيت بقوة

تعبئة الدوافير فكرة ممتازة جدا وبتفك أزمة عالم

بس انتبه من الدفاع المدني ( اييييه مرررة الدفاع المدني عندنا مرابطين في الميدان ههه )

[مكشاتي النماص]

اقترح عليك مايلي :
ماطور هواء مع مستلزماته من ابر البلف او الاغطية والعيار وغيرها
كذالك الفرشات الصغيرة والمتوسطة
والحطب والفحم وشبك الشواء والفحم الابيض اللي يشب النار وقاعدتين لتعبئة الدوافير تفصلها في الحداد وكذالك فصفص الغروي وشاي عالجمر ومن هالاشياء وربي بيرزقك

[-MOHAMMAD-]

كل الشباب ما قصروا بس فيه ملاحظة بسيطة اهم شئ الاعلان يكون واضح جدا جدا او طرية معينة تعلم الناس انه عندك الشئ الفلاني

والشئ الثاني انا مثلا نسيت غرض او محتاج غرض ومتأكد اني ابلقاه في المحطه ولقيتك انت واقف ابوقف عندك لانه المفروض تكون اسعارك اقل من المحطه وهنا النقطة انك تخدم الناس وتترزق الله


والله يوفقك

[ابو ســــاره]

اشتر لك برقان نحاس كبيرة وعبي واحد شاهي تلقيمة والثاني موية حارة وحطها على حطب وعلق لوحة شاهي على النار
وتبي تدعيلي ربعنا حبيبين ويطيرون بالعجة

[بليزر616]

حياك الله اخي الكريم

واسأل الله جل وعلا أن يسهل أمورك

ويرزقك من واسع فضله ويكفيك بحلاله عن حرامه

وبالتوفيق فيما تسعى اليه

[ABU FASIL]

الله لا يهينكم ويبارك فيكم جميعا من رد على ماكتبت
قرنديزر, MjNoOoN, تناهيت, ابو براك مشرفنا, راعي اللبرق, وادي الصحراء, رواق, SA2009 , MOHAMMAD, ابو ساره, بليزر616
ومن قراء ونوى الخير لي
انشالله بوافيكم بما يعرض ولكم مني كل الشكر
لانشغالي في الجامعه وترتيب الجدول لم استطع الرد اولا باول
ولكن اوعدكم خيرا انشاءالله

[عتيق]

الله يوفقك من واسع فضله

كفو يالذيب

والله اني انبسطت بمشاركتك

وانبسطت حيييل لتفاعل الاعضاء معك

بالتوفيق

[ابوصالح77]

الله يرزقك من واسع فضله

[ابوعزام]

الله يرزقنا واياك اخوي من صالح فضله

ما قصروا الشباب علموك بالاشياء اللي تصلح تنباع في الثمامة

وانا ازيد عليهم الفاكهة " برتقال ــ موز ــ تفاح ... الخ "


والله يوفق الجميع

[هويدي]

الله يرزقنا وياك ويوفقك

اذا تخبرلك فريزر خربان اجدعه بالمكان اللي تبسطبه
ونت جاي جب لك كم صندوق ببسي وما وثلج واجدعهن بالفريزر ( بحيث يستقر الفريزر بالموقع )

وذا موترك يشيل مايمنع تجرب قوارير الماء البيضا ام خمسه ريال مع بزبوز خزق

ولو تحط احداثيتك او الموقع اللي تبيع بوه علشان نتعامل معك :)

[سيف الظفير]

الله يرزقك

[هوايتي مكشات]

الله يرزقك ياغااااالي

[ALBDRANE]

الله يوفقك

[الكـاسـر]

بع طيارات هوائية وحاول تشتريها جملة بسعر رخيص لأنها ما تخرب عندك تبيعها بأي وقت صيف وشتاء

[مهاجر161]

الله يرزقك ويوفقك
تحياتي للجميع
مهاجر

[humaidi]

فيه تجربة في غلب محلات بيع الطيور في بريدة شاهتها
وفكرت فيها في الرياض ولكن لم ترى النور

التجربة هي : بيع اغراض الكبسة بسعر ريال واحد والانواع هي :
بصله مقطعه في كيس صغير
طماطه مقطعه في كيس صغير
فلفل حار في كيس صغير
فص ثوم في كيس صغير
شرائح بطاطس في كيس صغير
شرائح قرع امريكي في كيس صغير
كوسه في كيس صغير
اكياس صغيره : بهرات ، ملح ، زيت ، زبيب ، قرفه ، هيل ، ثوم مطحون .... الخ
طبعاً الكيس بحجم كيس الفصفص تقريباً

اسأل الله لك التوفيق والرزق

[فيصل التميمي]

الشباب ماقصرو ومنها تعبيت هواء للكفرات
ومنها تعبيت الدوافير
بيع الكبريت الابيض والفحم والحطب ويكون السعر معقول
بيع البصل والزنجبيل وعلب الصلصة
بيع الفرشات الخفيفة الي سعرها 20 ريال
اختر المكان المناسب ويستحسن انك تحط لك لوحة توضح لهم الموجود لديك

[عبدالرحمن السالم]

الله يوفقك ويرزقك
اهم شى عاد الاسعار ترا الناس تدور إلى اسعاره زينه وسمح بالبيع
اخبر إلى بأول طريق الثمامة الشباب إلى يجلسون عند سياراتهم يبيع لك حزمه الحطب بـ10 بينما البقالات ومحلات بيع الحطب بـ15 او حتى بـ20ريال وتلقى لهم زباين كثار
موفق خير يالغالي

[عزالصديق]

عليك في الثلج كثره