" الله على عويرض وروس الشواميخ "

[خالد الوقيت]

.
الله على عويرض وروس الشواميخ= من حدّ جرف الشيح لين اللّضوحي
مدهال طلقين الرجال المطانيخ= اللّي بخوّتهم تطايب جروحي
رفيقــهم مايلحقه نوع توبيخ= مافيهم الاّ كل قرمٍ سموحي
كم عطلةٍ فيها الجماعه مناويخ= ينصونها بالقيظ نصو الشفوحي
لادوختهم غبر الايام تدويخ= قالوا ورا الحرّه شقانا يروحي
مجلاسنا فيها مثل مجلس الشيخ= سوالفٍ تحكى وكيفٍ يفوحي
في خايعٍ ماصابه اليوم توسيخ= قفرٍ عن اوباش الخلايق نزوحي
به جرةٍ لمعافر الضبع والذيخ= وتصبيحة اللي دحلها بالسفوحي
أرضٍ هواها فاق لندن وزوريخ= عندي لو انّه بالعصاري لفوحي
تطري عليّه ماضيات التواريخ= معهم واكايز كل دمعٍ سفوحي
يوم انّنا نسهر الى رقّد التيخ= نطرد بها هاك الخيال اللّموحي
كن الفشق ورا الجفايل صواريخ= لاصرّدنْ والارض غبراً كلوحي
معها تجي للربع لجّة وتصريخ= تحميس للرامي وفترة مزوحي
هوايةٍ لو عذربوها الكرانيخ= مانيب اطنّف للملامه ولا اوحي
ذكرى تنوّخ بين الأضلاع تنويخ= قلبي عليها كل وقتٍ ينوحي
ماظن تنسخها الهموم النواسيخ= اللي اسكنت في تالي الوقت روحي
.

[فهد الهلالي]

هلا وغلا ياخوي خالد الوقيت
صح السانك ملاييين
قصيده جزله من جزل
الله يعطيك العافيه
مبدع يامبدع
انا شخصيا من المتذوقين لقصايدك
يابو الوليد
تحياتي لك

[اميرة الظلام]

أرضٍ هواها فاق لندن وزوريخ
عندي لو انّه بالعصاري لفوحي
خالد الوقيت


يبدو اننا اشتقنا الى اجواء لندن


سلمت وهلا بك وصح السانك
تقديري وودي ...........,,

[خالد الوقيت]

هلا وغلا ياخوي خالد الوقيت

صح السانك ملاييين
قصيده جزله من جزل
الله يعطيك العافيه
مبدع يامبدع
انا شخصيا من المتذوقين لقصايدك
يابو الوليد

تحياتي لك



فهد الهلالي

هلابك يالغالي

ورايك وسام

دمت بألف خير

[خالد الوقيت]

أرضٍ هواها فاق لندن وزوريخ

عندي لو انّه بالعصاري لفوحي
خالد الوقيت


يبدو اننا اشتقنا الى اجواء لندن


سلمت وهلا بك وصح السانك

تقديري وودي ...........,,



أميرة الظلام

تحية لك ولتواجدك هنا

دمت في افضل حال

.

[بن بليهد]

الله يحقق مرادك ويرزقنا بالخير العميم

صح لسانك ولاهنت

[مكرم الضيف]

شكرا لك على القصيدة وانا من المتابعين بقوة لقصائدك ياخالد


مصافحة اخرى للقصيدة وراعيها

[جرير]

صج لسانك
ابيات راقيه وذكريات جميله لعلها تعود
منطقه تستحق التوجد والشوق لمن يعرفها.
...
مشكور

[معدي المرقاب]

صحح لسانك وارجعتنا للوراء لعويرض ويامه وخوه النشاما شرواك وشرواء من يسمع
تطري عليّه ماضيات التواريخ معهم واكايز كل دمعٍ سفوحييوم انّنا نسهر الى رقّد التيخ نطرد بها هاك الخيال اللّموحيكن الفشق ورا الجفايل صواريخ لاصرّدنْ والارض غبراً كلوحيمعها تجي للربع لجّة وتصريخ تحميس للرامي وفترة مزوحيهوايةٍ لو عذربوها الكرانيخ مانيب اطنّف للملامه ولا اوحي
والله اتحفتنا وعدت قرائتها عشرات المرات لجمالها..

[دغيم1]

السلام عليكم ورحمة الله وبركاته
يعطيك العافية أخو
يخالد الوقيت
وصح لسانك
قصيدة رائعة كروعة أخواتها
جديدك درر ومعانيها صفاء
سلمت أساريك ومشاعرك
تحياتي

[غيمة جنوبية]

صح لسانك ويعطيك العاافية
شاعر متميز ومبدع

[خالد الوقيت]

الله يحقق مرادك ويرزقنا بالخير العميم




صح لسانك ولاهنت



ابن بليهد

شرفت يالغالي

والله يسمع منك

[سنا البررق]

يعطيك العافيه وصح لسانك

[أبوعبدالرحمن0]

صــح لسانك

قصيدة جزله

بالتوفيق،،

[وضاح 2009]

صح لسانك
لا هنت

[خالد الوقيت]

مكرم الضيف
انت بحق مكرم الكل
دائما ماتجمّل المواضيع
بمرورك الرائع
ورد الاروع
دمت بود

[aldebas]

صح لسانك....:good:

[وارث الصيد]

ابك ابك ابك ابك


ماااشاااء الله والله كنك من ربعنا القريبين يابن وقيت وصح الله لسااانك ملاييييييين


وهاك الديار كل حياتنا نقنصها وبيض الله وجهك ياراع الرس وبعض الابيات اضيع بجوها هههههههه


به جرتن لمعافر الضبع والذيخ=وتصبيحة اللي دحلها بالسفوحي


ايوالله كلهها جرة ضباع وذيابه الله من الوناسه ودحولة ارانب اوووووه بس





كن الفشق ورا الجفايل صورايخ=لاصردن والارض غبرا كلوحي


يازين ضربهن بالحصا الياجفلن يصير لي رجفه يابن وقيت


وآآه يازين شوفت ابو قرون احطها مع مرد كوعه ,, صح لسااااااااااااااااااااانك

[مقرنس الشيهان]

اخوي خالد صح لسانك
وبيض الله وجهك
بوجودك نمتلك
الابداع
قصائدك درر صور مليئه بالحركه
نتعايشها على ارض الواقع
بكل ماتعنيه من كلمه
فشكرا جزيلا لك
يا ابا الوليد

[مرقاب الوله]

خالد الوقيت ابدعت بما يكفي للتلذذ بهذه العذبه
وأقل مانقوله ..صح لسانك حتى ترضى

[الحضري]

الله عليك

شاعر جزل ياخالد وقدرة كبيرة في السبك والنففس الطويل على القوافي الصعبة


لاهنت وصح لسانك