نبي شوركم .. باثفندر 2009 ولا فورتشنر 2009 ؟!

[ولد التواجر]

مساكم / صبحكم الله بالخير يالربع ..


يا جماعة باختصار شديد .. أنا ناوي لي على موتر و صراحة محتار بين باثفندر 2009 ولا فورتشنر 2009

طبعا كل موتر و فيه ميزات تخليك تفضله على الآخر ..

يعني ما يعجبني في الباثفندر أولا مكينته الجبارة و قيره ( تبترونك ) و تقنياته ممتازة بشكل عام ( أتكلم عن فئة SE1 ) و بصراحة الموتر سمعته جيدة و لكن علته في وكيله السيء و هذا ما يخليني أخاف منه ( مع حبي الشديد لنيسان << جعل عمرها يطول


أما الفورتشنر يعجبني فيه أنه تويوتا يعني قطعه تلقاه في محطة البطيحانية لو تبي :D و أيضا وجود الدفلووك و يعجبني فيه خزان البنزين البطراااااان اللي يمشيك 650 كيلو ب30 ريال << ان صدق الراوي .. و من ميزاته الشكل الخارجي و ايضا التصميم الداخلي ما قصروا فيه .. ( أتكلم عن فئة VX1 )

و ما يُرغب فيه وكيله الممتاز من ان الناس مشرشحينه لكنه أفضل الموجود ..


بالاخير حبيت اذكر ان نيتي على موتر مستعمل يعني ماشي 50 الف و حولها مع شرط عدم وجود اي رش او سمكرة إضافة الى الفحص ..


نبي نسمع راي أهل الخبرة ..


علما ان الميزانية من 95 الف و فيها

[Dr.drb]

وجهة نظري :
الباث مريح في المشي و احلى في الشكل

[عاشق الحيسية]

من وجهة نظري:
خذ فورتشنر 6 سلندر..

[غازي 2]

فورتشنر 6 سلندر

[العنابي 616]

السلام عليكم
ميزات الباث راسي و هادي ما فيه تنسيم أوسع من الفورتشنر
عيوبه واطي و أثقل من الفورتشنر و كراسيه مهي مريحة

مميزات الفورتشنر إرتفاعه ممتاز صرفيته ممتازة خفيف و وذف و شبابي
عيوبه أضيق و أقل رساوة وهدوء من الباث

كلها سيارات زينة لكن إذا كنت راعي بر الفورتشنر أفضل لك
و إذا كنت راعي ديرة و عندك عائلة كبيرة الباثفايندر أفضل لك

[برهان1]

انا رأيي ان الباث ممتاز لان ربعي 2 منهم معهم باث والله موتر حلو وقوي وموتر بر انا معي برادو وياصلون مواصلي والباث احسه فئة البرادو والفورشنر فئة الاكستيرا الباث عائلي موتر بر شكله حلو وافضل صناعه من الفورشنر واريح
افضله بكل شي والفور شنر ماهو شين بس ظيق ويقولون عزله للهوا لك عليه لكن يمسك سعره احسن من الباث
اهم شي استخر

[uaest]

السلام عليكم

تجربتي مع الباث

استخدمته من سنة 2007 الين 2010 و مشيت فيه 250000 كم

ما خليت طعس ولا جبل الا طلعته

قطعت فيه الربع الخالي من شرقه الين غربه ( في حدود الامارات )

سافرت فيه سوريا و الاردن مرة

صلالة 3 مرات

السعودية ( من الامارات الى مكة ) ما اعرف من عدد سفراتي

اسبوعيا في الشتا اطلع رحلة تخييم و طلعت فيه رحلات سفاري اكثر من 20 مرة

الحمدلله ولا مرة احتجت احد يسحب لي سيارتي في البر بالعكس كنت انا اسحب سيارات الناس

و الخ........................

كل هذا ولا عمري صلحت فيه حاجة ولا لجئت لا لوكيل ولا ورشة

فقطت تغيير زيت كل 10000 كيلو و زيت القير كل 100000 كيلو و الفرامل مرة واحدة و البواجي مرة واحدة

و مكيفه ثلاجة

تحياتي

[ولد وايل]

النيسان مريـــــــــــــــــح

والتويوتا تحمل واقل سعر قطع غيار


انصحك بالفور اقل خرابات

[ب ر ق]

افاادوك الاخوان

[ابوسلطان سمري]

انحش عن ابو بندر وعن فورجحش وخذلك لاندكروزر نظيف ب90 وما تندم ان شاء الله

[قناص سدير 20]

الباث مريح وأفضل مواصفات من فورتشنر
لكن وكل الباث فاشل وقطع غاليه
أنصحك بالفورتشنر

[hally]

أنا أنصحك بالفورتشنر 6 سلندر والأمر راجعلك

[غواص وقناص]

الفورتشنر دفع رباعي مستمر +دف لوك +نظاف مانع الأنزلاق هذا في vx2
مكينة سعة 4000 v6 خفيفه وقويه واقل صرفية بنزين
طبعا 2008 كان التانكي يستوعب 70لتر وتحسن الوضع في 2009 الى 80لتر
الظاهر على الشاشه 550ك الى 570ك وعلى حسب دعستك على البنزين
نفس ماكينة اللاند كروزر 2010المفخره +الشاص +الربع التويوتا
واخف وزن وقوة غير طبيعيه ما شاء الله لو تحاول تجربه يكون افضل.

سلبيات
غير مريح في البطناج مثل الباث طبعا النيسان تفوق على التويوتا ب1000 مره
في الراحه لاكن المشكله القطع نيسان نار قطعها
يعني فلتر زيت ددسن 91 موديل 4سرندل 29ريال
مكينة فورتشنر 6سرندل 17ريال من الوكالة
صحن الكلتش ايذا كان عايدي وحاولت ترقى اماكن
وعره تطلع ريحته على طول اقصد القير العايدي
وفيه ملاحظه بما اني مقتنيه ولله الحمد
اتوقع الماكينه اقوى من القير !!!
واتمنى من الشباب
يوضحون هل هو صحيح او لا
بعد اذن صاحب الموضوع

والباث والله موتر ولا يعيبه شي


لاكن اريد لك كما اريد لنفسي الفورتشنر 6سرندل

وأستخير اولاٌ واخيراُ

المعذره على الأطاله
صارت سوالف مهي مشوره ههههههههههههههههه

[عربوطة]

انا مجرب كلا الموترين الصراحة الفورتشينر أفضل بكثيير من الباث من جميع النواحي الإ الحجم

[.أبوعبدالرحمن]

الموضوع قديم له أكثر من سنة

يغلق