فن التصوير بكاميرا الفيدو

[اسير الغضا]

السلام عليكم ورحمة الله وبركاته

اخواني الكرام من منا لايحتاج الفديو
الجميع يحتاج تصوير الفديو للذكريات العائليه او تصوير المناسبات وغيره

لو رجعت الى افلامك السابقه لوجدت بعض الملل في التصوير والسبب انك لم تراعي بعض القواعد
والتي قد تعرف بعضها من خلال التجربه والممارسه

فلو تعاون كلو احد منا :good: واتى بعلومه لاصبحنا مصوري فديو محترفين
وانا بدوري سوف اضع بعض القواعد التي ارا انها ضروريه جدا جدا

حاول تجنب الاهتزاز باكبر قدر ممكن ولو حصل حامل ثلاثي ازين:good2:

دايم خل تصويرك باتجاه واحد
مثلا تبي تصور منظر او ناس قاعده وغيره ابد من اليمين الى اليسار بحركه بطيئه ولاتقعد
تلفلف على غشامه كذا المشاهد يمل

خل لقطاتك معقوله وسريعه نوعا ما لاتقعد تعلق الكاميرا على شخص واحد لاكثر من خمس ثواني كحد اعلى واعلم ان الحد المعقول ثانيتين للتصوير العام اما تصوير الوجه والمشاركه والكلام للذكرى هذا كلام اخر

اذا كنت تصور لغير العائله مب تقعد تقرق لي عند الكام وتسجل صوتك كذا يصير به نوع من الملاغه وان كنت تبي تعرض المقطع الله يعينك على التعليقات عظ على شحمه وانت تصور
الا اذا كنت تشرح شي او تذكر التاريخ اما تقعد تسولف اعرف ان المشاهد يبي يرتفع ظغطه



فيه حركه حلوه اذا كنت تبي تصور بمتحف او مخيمكم وانتم كاشتين اول لقطه خله المخيم
من الخارج وابد من جهة اليمين مثلا والزوم يكون قريب قبل ماتسجل واظغط على زر التسجيل ثمن
حرك الكام لجهة اليسار على خفيف مع ارجاع الزوم ويطلع التصوير :good2:

وحبه حبه تعلموا واسف اذا كان الاسلوب ممل ومسترسل اكثر من الازم