الكبسة بالكاتم بدون ..... يا الله حرق [الأرشيف]

القصيعة

23/08/2005, 07:01 AM

السلام عليكم ورحمة الله وبركاته.
حيا الله جماعة الربع وش أخبارك وأحوالكم طيبين .. الحمدلله طيب نرجع لمحور حديثنا ألى وهو ( وشلون نتجنب أحتراق الأكل بالكاتم ) وهذا بمناسبة قرب أو بداية موسم الصيد.

لا ضبطت الكبسة وكبيت الرز وصكيت الكاتم وبغيت تعرف الماء قضاء والا لا رش ماء على جنب القدر من برا على مستوى الرز (يعنى على الربع التحتي من القدر) , والرش ماهب تغرق القدر , تبلل أيدك وترش عليه.
فهنالك حالتنا:
1. أذا سال الماء فلسه أصبر عليه أشوي.
2. أذا تش الماء بسرعة فعليك بالعــــافية.
[صورة للتوضيح].
http://www.mekshat.com/pix/upload/images10/mk6355_image(108).jpg

أنا كل عمري أستخدم الطريقة هذي ولا عمره أحترق الأكل ولا فكيت القدر و لقيت به ماء بس على شرط النار خفيفه أو متوسطه لأني ما عمري جربت على نار قوية.
ويعتبر هذا الأكتشاف العظيم من أهم أكتشفات طير البر أبو عبدالله حين ما رشق ماء على البريق الفواح وبداء الماء يسيل وحين رشقه على قدر عادي من دون ماء تش الماء. :good: :D

والسلام عليكم ورحمة الله وبركاته.
أبو عبد الله.

صقر

23/08/2005, 07:49 AM

من أهم أكتشفات طير البر أبو عبدالله

الحقيقة انا اول مرة اعرف هالطريقة الرائعة

تسلم اخوي القصيعة ... وعطنا من هالاكتشافات ... تراك خطير : :D

القصيعة

23/08/2005, 08:29 AM

مشكور يأخ صقر على مرورك على الموضوع وما قصرت

أخطار أكتشفات القرن الواحد والعاشرين قريباً بأذن الله . :D

أبوأحمد98

23/08/2005, 01:44 PM

مشاءالله عليك اخوي أبوعبدالله اكتشاف عظيم هائل ..ههههههههههههه
فعلا أخي أباعبدالله هذه الطريقه الاسهل لمعرفه وجود الماء بالكتاتم...وتقبل تحياتي أخي أبوعبدالله

القصيعة

23/08/2005, 05:16 PM

شكراً أخوي أبو أحمد على تقديرك للعلم والعلماء.

المترو

24/08/2005, 09:26 PM

السلام عليكم ورحمة الله وبركاته
شيء عجيب هالكلام اخي القصيعه وفعلا اكتشاف اعجب واغرب وصراحه شغله سهله جداً

لكن اخيرا اقول تسلم على هالموضوع وهذا الاكتشاف وانا الليله ابي اجرب هذه الطريقه بطلعة الخميس والجمعه وهاه ان صار بعشاء الربع شيء انت المسؤل ؟؟؟؟ وان ظبط فهم بيدعون لك

تقبل تحياتي وتشكراتي

الرحال2003

القصيعة

25/08/2005, 02:57 AM

حياك الله يا الرحال عندي لك فكرة أعزمن معك وأنشاء الله أوريك الطريقة عملي :good: :D

**القنيص**

25/08/2005, 03:12 AM

طريقة مذهلة ابجربها بأقرب وقت
وأنشأ الله في طريقة أبحطة وهي
كل طبخه ولها وقت أبحطه أنشأ الله عما قريب
أنشأ الله مأنسى شي

القصيعة

25/08/2005, 07:00 AM

حياك الله يا القنيص

اخو مناحي

25/08/2005, 10:33 AM

السلام عليكم ورحمة الله وبركاته

ابو عبدالله الفكرة رائعة جداً ما فيها كلام لكن كيف خطرت على بالك ، متى كانت البداية و كم عدد المحاولات حتى توصلت لهذه النتيجة و من اين لك بالدعم المادي و المعنوي و هل ساعدك احد في هذا البحث و هل لديك اقوال اخري .

للمرة الثانية يعطيك العافية و فكرة جديدة و رائعة

القصيعة

25/08/2005, 09:59 PM

حياك يأخو مناحي
بنسبة للتجربة هذي لما تأتي الأ بعد تجارب ودراسات طويل فيها الفشل والنجاح.

القصيعة

25/08/2005, 11:27 PM

ويا جماعة ترا الموضوع منزله قبل بشكل ثاني بس ما لقيته يليت أحد المشرفين يضع لنا الرابط الله يجزاكم خير. :good:

وعلى فكرة لي كم موضوع مادري وينهن. :no:

أخوكم طير البر أبو عبدالله.

لعاب المنية

25/08/2005, 11:45 PM

راح نجرب الله يعطيك العافية

القصيعة

26/08/2005, 10:20 AM

مرحب بك يا لعاب المنية.

**القنيص**

27/08/2005, 12:34 AM

اقول بعد ماتذكرت زين من تجاربي
الحمام من سبع إلى عشر دقايق بعد ما تسمع التنسيم يعني إذا بد الكاتم يطلع منه
البخار مع الفتحه السودا الضب و القعود عشرين دقيقة والتيس من عشر إلى
خمس تعش دقيقة بس هذا الي جربته
بس لاتنسون تسون طريقة أخونا القصيعة تراها http://www.asmilies.com/smiliespic/3dsmilies/36_1_11[1].gif (http://www.asmilies.com)

القصيعة

27/08/2005, 02:16 AM

حياك الله يا القنيص بس طريقة تربط الواحد وحساب ورياضيات .
ومشكور

المترو

31/08/2005, 01:05 AM

السلام عليكم
اخي القصيعه المحترم
والله يا انا صرت طنازه للربع بسبة اكتشافك ايها القصيعي
هذا الله يسلمك طلعنا لنا كشيتتن يوم الخميس اللي زل يم نفيد ماهي بعيدة عن الرياض من الغرب والوكاد اني تزهلت للربع انه انا الطباخ لهم بالكاتم وضبطت كل شيء
لحيمات حويشي يحبه قلبك توهم فاطميه من امه يحلف راعيه!!! ومير يوم حطيت الرز وانا اتولم بهاك الطاسه اللي فيها شلقه ماء وبعد ان بداء القدر يتشتش له عدة دقائق من الزمن وانا اقعد أرشش القدر بالماء على حد الرز وخذ يا ضحك على اخوك وكن يرمي له كلمه منا ومنا قلت هين اثبت لكم هالتجربه واجلس الله مير يسلمك حول 20 دقيقه وانا بس رشرش هالقدر الماخوذ ابيه يتبخر او يطيش الماء لكن كل الماء يسيل وانا اقول توه حسب التجربه العلميه واناخذ حوالي 30 دقيقه على هالحال قالو العيال هالحين انت كم جلست تطبخ لحمة الحاشي اللي توه مفطوم قلت 17 الى 20 منتس بس قالو رزك اجل هرش دامه يجلس ضعف لحمة الحاشي او ان التجربه غير صحيحه وطبعا لا تقول شيء لاني ما عزمتك وبهذه الحاله استاهل ذلك

لكن اخيراً لم تنجح التجربه الماء يا خوك على طول يسيل على جنب القدر لمدة 30 دقيقه اذا اين الخطاء واحترق اسفل العشاء وطلعت ريحة الحراق وحنا بليلنا سارين؟؟؟؟؟؟؟؟؟؟؟

مع العلم ان القدر نوع صيني 9 لتر والنار كانت هادئة الى متوسطة القوه

لك اجمل الاماني

القصيعة

31/08/2005, 04:15 AM

هلا بك أخوي الرحال والله أني مادري وش الخطاء عندك لكن أنا ما عمري أخطيت بالطريقة.
الطريقة: (شرح مفصل) :
وأنا أخوك أحط الرز وثم الماء وأشب عليه وأنا ما صكيت الغطاء لين يظهر لي الرز ثم أحط لي أربع قطع من الزبدة على كبر التمره أو أصغر أشوي ثم أقصر النار نمل خفيفة وأحسب لي ربع ساعة ثم أبداء أرش وشوف متاء يقضي.
بالنسبة للزبدة علشان ميحترك من تحت وتعطي طعم وريحة زينه وهي غير ضرورية.

وما لك الى اللي يعزمك أنت وأخوياك وأعذرن على عدم الشرح بأول شيء.
شكراً لك.

عاشق الزعيم

31/08/2005, 05:39 AM

لا اجل انا ارتبش منه ما يصلح واحطه في قدر ثاني نفس السالفه والوقت لانه احترق معي وقلت خلاص

شكرا على الموضوع

القصيعة

31/08/2005, 10:01 AM

والله يأخوي عاشق الزعيم ما فهمت وش مقصد كلامك لكن الواضح التجربة ما أنجحت.

nahham

31/08/2005, 08:56 PM

خوفتونا من الاختراع العظيم

لكن لابد من التجربه

مكـشات

01/09/2005, 01:03 AM

والتجربة خير برهان بس أخوي نفذ المشاركة رقم 18 وأنشاء الله بتشوف خير وأنا اليوم جربة الطبخة وضبطة.

القصيعة

01/09/2005, 05:15 PM

شكراً على مروركم ويا محمد نفس ما قال الأخ مكشات.

فلاجكو

07/10/2005, 05:18 PM

هذى الكتشفات ولا فلالالالالالالالالالا ......

غيّام

08/10/2005, 10:13 PM

يعطيك العافيه وماقصرت فكره ممتازه جدا تدل على طول الخبره

القصيعة

09/10/2005, 10:38 PM

حياك الله أخوي فلاجكو وأنشاء الله أنشوف أكتشفتك أنت يبعدي.

أبوعبدالله.

القصيعة

09/10/2005, 10:40 PM

أخوي غيّام حياك ومشكور على الشهدة التي أعتز به.

أبوعبدالله.

دله وفنجال

09/10/2005, 11:28 PM

السلام عليكم...
ابو عبدالله ما أقول الا حسبي الله على ابليسك البارح بزعت عند الشباب وقلتلهم وخرو أحلتو جميع الساعات الي بيديكم ولا تحسبون الوقت عندي طريقة أمجربة ومضمونة وعلمهم الطريقة المهم الشباب تفنجلو وقالو يلله ورنا يالفاهم المهم وعلى قولت الرحال الله يحفضة 20 دقيقة نص ساعة ازود ونا ارشرش على الكاتم بلأخير احترق السحور ويالله لحقنا على المطعم ولاكان اعلوم.
المراد صرت للشباب مضحاكة وكل مجمع الاستراحات الي حولنا درو بسالفة هلحين وين اودي وجهي من العربان قلي...

القصيعة

09/10/2005, 11:59 PM

والله يخوي مادري عنكم أنا من عرفت الكاتم وأنا أجربه وكل مجمع الأستراحات اللي حولنا يعرفون الطريقة هذي ومشطبين على شيء أسمه ساعة شكراً لك.

أبوعبدالله.

alyos13

10/10/2005, 12:52 AM

مضبوططططططططططططططططططططططططططططططططططططط

سواق الوايت

10/10/2005, 01:54 PM

تسلمون والله على هالإكتشاف اللي يسوى

القصيعة

10/10/2005, 02:53 PM

أخوي alyos13 مشكور على مرورك.

أبوعبدالله.

القصيعة

10/10/2005, 02:58 PM

سواق الوايت حياك ومشكور على المرور.

أبو عبدالله.

عويلمي

12/10/2005, 02:54 PM

الله يجزاك خير أخوي قصيعة ونبي نجرب ونشوف.

القصيعة

14/10/2005, 10:40 PM

أخوي عويلمي حياك الله وأنشاء الله تظبط التجربة ولا تخرب.

أبوعبدالله.

خالد20

19/10/2005, 10:38 PM

القصيعة
حيالله الجيران
شف وانا اخوك هاطريقه من زمان تصلح للقدر العادي
بس اتوقع انك صعبته شوي على الشباب((طاسه وماء ورشرشه))
شف ابقوله على بلاطه ولي يبي يعدل لا مشكله
شف اذا احريت انه له 10دقايق والبلف يدور
خذ من طرف لسانك :D
((ريق)) سعبول بأصبعك السبابه لا تربص اصبع بس خله يلمس لسانك
(( لا احد يقول وع :no: ))
ثم المس اخر الكاتم
تش ارفع البلف
قعد له شوي ثم تش اصبر شوي
ونصيحه للاخوان
اذا كبيت الرز وشديت الغطاء
لا تطول عليه بالحيل
خل النار وسط
وأذا تش البلف وبدا ((يتحرك))
احسب لك 11 دقيقه
او طريقة الاصبع

الرمح

20/10/2005, 10:05 PM

اخوي القصيعة
فكرة حلوة والله يجزي الي فكر فيها خيرا

القصيعة

26/10/2005, 11:43 PM

حياك الله أخوي خالد وأنشاء الله أوضحت للأخوان.

أبوعبدالله.

القصيعة

26/10/2005, 11:46 PM

الرمح حياك ومشكور على المرور.

أبو عبدالله.

الضاري

29/10/2005, 04:08 AM

مشكور على هذا الأختراع الخطير

القصيعة

29/10/2005, 04:14 AM

الضاري مشكور على مرورك بس وينك فاقدينك بخيمة الصيد ما عد شفنا أعلومك مع الدخل والقميري.

أبوعبدالله.

الضاري

29/10/2005, 02:23 PM

هلابك يابو عبدالله

ما تفقد غالي يالغالي وبهاليومين أن شاء الله أبنزل صور لبعض صيدنا في الموسم الماضي

مشكور ولا عدمناك يالغالي

القصيعة

29/10/2005, 08:24 PM

مشكور يالضاري على تجاوبك وأنشاء ننتظر موضوعك.

أبوعبدالله.

نيتروجين xp

16/11/2005, 09:50 PM

1000 مشكووووووووووور على الطريقة

وبنجرب ونشوف إن شاء الله تظبط ...

القصيعة

16/11/2005, 10:10 PM

أخوي المجتهد أن شاء الله.

أبوعبدالله.

fahd0099

25/11/2005, 07:39 PM

بسم الله الرحمن الرحيم

السلام عليكم ورحمة الله وبركاته

جزاك الله خير راح أنجرب الطريقة

ام دانة

26/11/2005, 11:21 AM

ابجربها وشكرا على الفكرة
الله يعطيك العافية

الـراشـد

11/12/2005, 11:41 PM

اشهد انك ذيب والله فكرة سهله ومفيدة.

القصيعة

17/01/2006, 01:03 AM

fahd0099 أن شاء الله تنجح معك يأخوي.
ام دانة أن شاء الله تنجح معك يأختي.
الـراشـد حياك الله يالذيب والله يسهله عليك.

يأشباب أشوف بعض الأخوان ما نجحت معهم الطريقة مع أنه لم تفشل أبد معي من عرفت الطريقة ولذلك حبي أذكركم بشئ مهم أنه يجب أن تكون النار هادئه (( خفيفة )) وبأذن الله تظبط.

LION HEART

18/01/2006, 09:54 AM

حلوه الطريقة بس حنا متعودين من عمي يوسف ههههههههههههاي شيء غير الي هي انك تحط (سعبول) على نفس المكان موب ماء احس انه ماتزبط الا كذا
اعتذر على الطريقة هذي لكن اول مره عرفتها كذا

وشكرا

لارسي

01/02/2006, 10:24 AM

معلومه تشكر عليها الله يعافبك

القصيعة

25/08/2007, 10:13 PM

أخوي LION HEART (http://www.mekshat.com/vb/member.php?u=13715)

نعم السعبول (( اللعاب )) يستخدم في حالات الضرورة القصوى.

أخوي لارسي (http://www.mekshat.com/vb/member.php?u=19287)

هلا بك

لو أني متأخر سنة ونص عن الموضوع بس حبيت أرفع الموضوع.

عراوي

25/08/2007, 10:22 PM

الصتس إنه اكتشاف خطير..
نجرب ونشوف,,
وان حصل شي أنت المسؤول!!:D :D
تسلم اخوي على هالطريقة.

تقبل مروري
عراوي

أخو تركي

25/08/2007, 10:37 PM

تقبل مروري على موضوعك أخي الفاظل
ولكن اعتقد من خلال خبرتي في العزوبية ومن خلال كبساتنا اللي نسويها إن مقدار الماء أهم شئ
وهذه المعلومة القيمة تنفع للي ما يعرف يضبط الكبسة بالكاتم

TURKI-HS

26/08/2007, 09:32 AM

الله يعطيك العافية هذي معلومة راح يستفيد منها الجميع

:good2: وتقبل مروري :good2:

واثق الخطوة

26/08/2007, 10:31 AM

ما قصرت الله يعطيك العافية

ابوعزيزm

26/08/2007, 10:43 AM

سلمت أخي العزيز القصيعة

هذه الطريقة من أفضل الطرق اللتي جربتها على الكاتم للحد من إحتراق الطبخ

جزيت خيرا على التنبيه

أبن حرب

26/08/2007, 05:04 PM

وينك من زمان يا رقل ...
طريقة محترمة زي صاحبها ...
كل الشباب وخلال تجربة ( سنتين )
يمدحون فيها ويأكدون على دقتها ...
أجل بجربها الليلة .... إن شاء الله ...
لك تحياتي ...
على الطريقة ... وعلى الرفع في هذا الوقت ...

باثفندر

26/08/2007, 10:04 PM

http://www.mekshat.com/pix/upload/sign/images/mk41765.gif

الاختراعات ماتطلع الى من اصحاب الافكار والتجربة والخطا

هل الطريقة هذه تظبط على كل المعايير اي القدور الكبيرة والصغيرة ؟؟؟؟

وعندي سؤال خارج عن النص عندي قدر ضغط ما عاد تدور فيه الصفيرة هي جيمت والا خراب بالقدر

والا وشو اغير الصفيرة وشكرا .

العاشق 2010

26/08/2007, 11:45 PM

ما شاء الله عليك طريقة حلوة

ومعلومة مفيدة نستفيد منها انشالله

الجندي2005

29/08/2007, 09:39 PM

يسلمووووووووووووووووووووووووا ما قصرت

ذرب المعاني

21/10/2007, 12:06 PM

تسلمممم

بس حلوه إذا تشششش

gusoon

21/10/2007, 12:15 PM

ابوعبدالله ! كل هالعالم ورا الرز . شوف كثر الردود

مغلي الوضح

30/11/2007, 05:23 AM

طريقه منتازه وطيبه بالحيل

الله يطيب ايامك

جعلك تسلم ياراعيها الله لايهينك

دمت بخير وستر

NuMaS

27/12/2007, 03:10 AM

يـعـطـــيـك العـافــيـة عـلى هـ المعـلـومة
بصراحة يااااااااامـــاااااااااااا:D عـانيت وهـ الطريقة شـكلها بـ تحل المشـكلة
بـــــــــــــــــــــــــارك الله فـــــــــــــــــــــيــك ،،،

لهيب الشوق

27/12/2007, 03:42 AM

يعطيك العافية على المعلومات
وجزيل الشكر لك

الطرفاوي@

27/12/2007, 11:44 AM

مشكور على الطريقة وابي اجربها الله يعطيك العافية

سيد النشاما..

27/12/2007, 11:59 AM

عافاك الله اخوي وأنا أفعلها منذ مبطي فكرة مظبوطة مية بالمية

راعي المدينه

27/12/2007, 12:05 PM

مشكور اخوي والله يعطيك العافيه

المهمري

29/12/2007, 12:54 PM

عشت يالقصيعة .......
عقبال اكتشاف الماء الثقيل حق اليورانيوم

zoom10

29/12/2007, 11:07 PM

الفكرة رائعة . ولكن عندي ملاحظة للأخوان المشاركين .

بارك الله فيكم ترى كلمة إنشاء الله تكتب كذا ( إن شاء الله ) ودمتم

الكهف1

29/12/2007, 11:51 PM

مشكور
بس احس ان كثر الانسان في الاشياء خربت الطبخ

الرووومنسي

01/01/2008, 05:34 AM

ما يحتاج كل هالحوسة شم ريحته وتدري هو احترق والا لا وريحته تبين من بعد نص كيلو ............. على العموم شكرا لك وننتظر منك المزيد

القصيعة

01/01/2008, 05:14 PM

ما يحتاج كل هالحوسة شم ريحته وتدري هو احترق والا لا وريحته تبين من بعد نص كيلو ............. على العموم شكرا لك وننتظر منك المزيد

.
.

حياكم الله جميعاً ؛؛ وأن شاء الله تظبط الطريقة مع الجميع

يأخوي الرووومنسي وش الفايدة بعد مايحترق ؛؛ الطريقة هذي تفيدك لتجنب أحتراق الأكل

.
.

اول 111

02/01/2008, 10:48 PM

فكره جديده

نمر 33

03/01/2008, 06:44 AM

الله يعطيك العافية

سيف الظفير

05/01/2008, 02:51 PM

بيض الله وجهك وماقصرت

كن كن

05/01/2008, 08:29 PM

مشكور اخوي على المعلومة

راعي ساموده

05/01/2008, 08:38 PM

استفدنا من هالمعلومه كثير جزاك الله خير

abofassel

05/01/2008, 08:45 PM

مشكور وما قصرت وإذا طلعت للبر انشالله راح أجربه

فكره روعه

الخيال الاسود

05/01/2008, 08:55 PM

الله يعطيك العافية علي المعلومه كم مرة احترق عندي ومنكم نستفيد

غاوي طرب

16/03/2008, 01:03 PM

بيض الله وجهك ولا هنت

ابو رياااض

16/03/2008, 02:33 PM

الله يعطيك العافيه على الفكره الجميله

waleed_458

17/03/2008, 06:02 AM

يعطيك العافية

راعي البرقا

17/03/2008, 10:58 PM

ماشاء الله عليك أخوي ( القصيعه ) ومشكوور

عبادي العامري

10/04/2008, 08:10 PM

اخوي القصيعه الله يرحم ايام الهك

القصيعة

12/04/2008, 02:01 AM

اخوي القصيعه الله يرحم ايام الهك

.
.

وش دعوى ياعبادي :(

والله لا هك ولا شيء

والله أن هذي الطريقة مازلت أستخدمها حتى الأن

.
.

جبل راف

13/04/2008, 03:11 AM

فيه طريقة شبيهة لها تبل اصبعك بفمك وتلمس القدر اذا مامسكها القدر يعني باقي عليه شوي يستوي واذا مسكها القدر عليك بالعافية وعالج اصبعك بعد الاكل ههههههههه مجرب الطريقة

ابن طيبة

14/04/2008, 05:19 PM

طريقة رائعه
جزاك الله خير

أبوالوليد2008

14/04/2008, 05:30 PM

ماشاء الله عليك

راس القطا

20/04/2008, 05:56 PM

اكتشاف عظيم وعقبال براءة الأختراع
اللي تحفظ حقوق العلماء امثالك والا
سيعفي عليك الزمن ويسجل الأختراع
باسم غيرك لأني اشوف بعض الأعضاء
اقتبس الفكره وحطه سعبول وانا اجل
ابقول حط سفن اب اوعصير الأقتباس
لايعني الأكتشاف ...
ودمت بصحه وعافيه