راشد الشطيطي
05/10/2010, 10:43 PM
السلام عليكم
اخواني اعضاء منتديات مكشات اليو ابي انزل لكم قصة طريفة لواحد شايب يقول انه ركب طيارة وهو ماقد شافها الا يسمعبها يمكن وهذا الكلام زمان على ايام اول حكم الملك عبد العزيز وقاعد يسولف على ربعه ويعلمهم بقصة ركوبة الطائرة والشايب هذا تسذوب طبعا قال انه ركب الطيارة من الرياض لجدة على ماأضن عاد يقول /والله يوم جيت الطيارة ولاهي تبي تمشي ويوم حرك ولياني جاي اعدي ياسواق ياسواق والله ويوقف وافتح الباب الايمن واركب والله ويحرك ويطير ويوم الله العالم انها ماهي بعيد عن الشمس قلتله خلاص لاعاد ترتفع ولياهو مايعرف الدرب خواجة ولا يعرف الديرة !! والله ونمشي وانا اقوم ادله الدرب ونجي من فوق الفلانية والفلانية !!! المهم قال يوم جينا فرع المكان الفلاني والى السحابة تبرق وترعد وتمطر قلت للسواق حاسب حاسب (هد السرعة)والله ويحاسب قلت لف حولها ودي اشوف كيف تمطر وكيف تبرق !! والشيبان حوله متدودهين مع السالفة مصدقينه !!قال والله ونلف حولها وناخذ شوي نطالع فيها قالوا عاد الربع هه كيف تمطر قال السحابة عبارة عن ماء جامد (كتلة ثلج)والمطر يصب مع حيودهه(جوانبها) انتم شفتوا السيل مع الظلع (الجبل) قالو ايوالله !! قال مثلها بالظبط السيل تقدد من راس السحابة ويصب مع جنوبها !! لاازريت عنها !!قالوا عاد اللي عنده بصوت واحد /سبحان الله العظيم ومصدقينه !!قال والله ونمشي ويوم اخذنا شوي واليا السواق تعبان قالي انت ماتسوق عني ؟؟!! قلت والله ماتعلمت السواقة للحين !!لو قال سقت عنه عرفو انها مصلعة بس هو ذكي !!المهم قال ونوصل جدة وانزل والله ان السواق جازتله خوتي وانبسط !!
عاد يسأله واحد منهم يقول السواق كيف يسوق الطيارة ؟؟ وبلش مايعرف وده يقول مثل السيارة ولا هو مايدري السيارة بعد كيف يسوقها راعيها ويمكن ماركب سيارة قبل كذا وجاب الاجابة المسكتة قال الها رسن مثل رسن البعير يلفها يمين ويسار ويهدي بها ويسرعبها على كيفه! طبعا هذا الشئ الوحيد اللي يعرفه !! قالو طيب كيف ترتفع فوق ؟ والا بلش الرجال مايدري وش يقول !! وتجي على باله فكره على شان مايكذبونه قال /
قال تمشي وتنقز (تقفز) تنقز تنقز وتكفخ بجنحانها مثل الطير لان ترتفع ثم خلاص معاد تكفخ ولا شئ كنها نصر !! حلوة ذي !!والله وتصير سالفه ان فلان ركب الطيارة وسالفته في كل مجلس وقصة السحابة تتصدر عناوين الصحف !!!!!!! عند الشيبان
وهم على نياتهم وياحليلهم هم ونياتهم ،،
وسلامتكم
اخواني اعضاء منتديات مكشات اليو ابي انزل لكم قصة طريفة لواحد شايب يقول انه ركب طيارة وهو ماقد شافها الا يسمعبها يمكن وهذا الكلام زمان على ايام اول حكم الملك عبد العزيز وقاعد يسولف على ربعه ويعلمهم بقصة ركوبة الطائرة والشايب هذا تسذوب طبعا قال انه ركب الطيارة من الرياض لجدة على ماأضن عاد يقول /والله يوم جيت الطيارة ولاهي تبي تمشي ويوم حرك ولياني جاي اعدي ياسواق ياسواق والله ويوقف وافتح الباب الايمن واركب والله ويحرك ويطير ويوم الله العالم انها ماهي بعيد عن الشمس قلتله خلاص لاعاد ترتفع ولياهو مايعرف الدرب خواجة ولا يعرف الديرة !! والله ونمشي وانا اقوم ادله الدرب ونجي من فوق الفلانية والفلانية !!! المهم قال يوم جينا فرع المكان الفلاني والى السحابة تبرق وترعد وتمطر قلت للسواق حاسب حاسب (هد السرعة)والله ويحاسب قلت لف حولها ودي اشوف كيف تمطر وكيف تبرق !! والشيبان حوله متدودهين مع السالفة مصدقينه !!قال والله ونلف حولها وناخذ شوي نطالع فيها قالوا عاد الربع هه كيف تمطر قال السحابة عبارة عن ماء جامد (كتلة ثلج)والمطر يصب مع حيودهه(جوانبها) انتم شفتوا السيل مع الظلع (الجبل) قالو ايوالله !! قال مثلها بالظبط السيل تقدد من راس السحابة ويصب مع جنوبها !! لاازريت عنها !!قالوا عاد اللي عنده بصوت واحد /سبحان الله العظيم ومصدقينه !!قال والله ونمشي ويوم اخذنا شوي واليا السواق تعبان قالي انت ماتسوق عني ؟؟!! قلت والله ماتعلمت السواقة للحين !!لو قال سقت عنه عرفو انها مصلعة بس هو ذكي !!المهم قال ونوصل جدة وانزل والله ان السواق جازتله خوتي وانبسط !!
عاد يسأله واحد منهم يقول السواق كيف يسوق الطيارة ؟؟ وبلش مايعرف وده يقول مثل السيارة ولا هو مايدري السيارة بعد كيف يسوقها راعيها ويمكن ماركب سيارة قبل كذا وجاب الاجابة المسكتة قال الها رسن مثل رسن البعير يلفها يمين ويسار ويهدي بها ويسرعبها على كيفه! طبعا هذا الشئ الوحيد اللي يعرفه !! قالو طيب كيف ترتفع فوق ؟ والا بلش الرجال مايدري وش يقول !! وتجي على باله فكره على شان مايكذبونه قال /
قال تمشي وتنقز (تقفز) تنقز تنقز وتكفخ بجنحانها مثل الطير لان ترتفع ثم خلاص معاد تكفخ ولا شئ كنها نصر !! حلوة ذي !!والله وتصير سالفه ان فلان ركب الطيارة وسالفته في كل مجلس وقصة السحابة تتصدر عناوين الصحف !!!!!!! عند الشيبان
وهم على نياتهم وياحليلهم هم ونياتهم ،،
وسلامتكم