ارجو من الاخوان المساعده

[بن صاوي]

أخواني الاعزاء ارجو منكم المساعده انا بالرياض وعندي جيب سفاري موديل 98خليجي واعاني من رائحة البنزين اذا سرت ماشي والتوانك فل والمشكله الثانيه في قلة عزم الموتر بالذات في الاماكن المرتفعه وقومت السياره والمشكله الاخير ه بالدبل اذا شبكت الدبل يطلع به صوت كانه صوت شاكوش تكفون اذا تعرفون ورش زينه بالرياض دلوني

[صاروخ الغطغط]

اما الدبل فاجنزير راخي حق الدبل ويفلت من التروس والعزم ممكن بواجي

[برايدوي عنيد]

هلابك اخوي

الطقطقه بالدبل ممكن من جنزير الدبل وكثير يخرب لكن انتبه لاتركب من الوكاله لانه بعد فتره راح يرجع ويخرب .

صارت معي وقال الميكانيكي جب دبل باترول استخدام ياباني تماتيك موديل 97 ونفلشه وناخذ الجنزير منه وكل الفرق ممكن 200 ريال .

العزم الموديلات من 98 -2001 قومته ثفيله لكن اشياء تخلي الموتر يفرق معك
1- تغيير بواجي وشيك على اسلاك البواجي مع فلتر البنزين وفلتر الهواء .
2- شيك على طرمبه البنزين او غيرها بطرمبه VTC او كابرس .
3- مرواح مع هدرز .
4- تركيب فرارات .

هذا مااعرف وتقبل مروري...