المنصووووري
06/10/2010, 10:28 AM
السلام عليكم ورحمة الله وبركاته
هذي قصة احد الشيبان الي الصراحه ماتصير في وقتنا هذا او بالاصح نادره
سلمك الله هذا شايب(ن) عنده تقريبا 50 خابط ابل وكانت ابله اغلى ماعنده في ذاك الوقت والابل معها فحل يسوى ابله كلها المهم فيه امير وعنده ابلن طيبه ومعها بعير ..
المهم مات بعير الامير وسمع ببعير الشايب وقال اروح واشتري منه البعير .. المهم جاء الامير للشويب وقاله يافلان انا جايك عاني من بعيد وابيك تبيعني البعير الي عندك قاله أبشر بلي جيت به لكن تفضل اقلطو تقهوو ولا من جاء الصبح انشوف طلبك ..
المهم قلطو في بيت الشعر وتقهوو وامسوا ذاك اليل ويوم جاء الصبح يقوم الشويب ويعقر ذاك المفرود ويكرم الامير ورجاله الي معه ويغديهم .. ويوم تغدوا قاله يافلان ( يقصد الامير ) قاله مشينا للابل ( بعتقاد الامير انه بيبيعه البعير ) المهم يوم وصلوا عند ابل الشويب قام الشويب وجمع ابله وقسمهن نصين وقال للامير تخير النص الي تبيه مع البعير وتعجب الامير من فعل الشويب !!! قاله يافلان انا جايك اب اشري البعير وماجيتك تعطيني حلالك .. قاله يبن الحلال تخير والله انها حلال عليك ياطويل العمر عطيه ماوراها جزيه المهم قال الامير دامك ملزم ابي البعير منك بس .. قاله الشويب وجاك البعير المهم يقوم الامير ويسوق البعير ويرجع الى دياره الي جاي منها وهو متهول من فعل الشويب
رجع الامير لدياره واخبر ربعه بالقصه الي صارت معه مع الشويب وقاموا يتداولون القصه حتى وقتنا هذا والقصه هذي صارلها اكثر من 80 عام
الامير معروف ( توفى الله يرحمه ) وقبيلته معروفه
والشويب معروف ( توفى الله يرحمه ) وقبيلته معروفه
امل ان تنال اعجابكم القصه
والسلام عليكم
هذي قصة احد الشيبان الي الصراحه ماتصير في وقتنا هذا او بالاصح نادره
سلمك الله هذا شايب(ن) عنده تقريبا 50 خابط ابل وكانت ابله اغلى ماعنده في ذاك الوقت والابل معها فحل يسوى ابله كلها المهم فيه امير وعنده ابلن طيبه ومعها بعير ..
المهم مات بعير الامير وسمع ببعير الشايب وقال اروح واشتري منه البعير .. المهم جاء الامير للشويب وقاله يافلان انا جايك عاني من بعيد وابيك تبيعني البعير الي عندك قاله أبشر بلي جيت به لكن تفضل اقلطو تقهوو ولا من جاء الصبح انشوف طلبك ..
المهم قلطو في بيت الشعر وتقهوو وامسوا ذاك اليل ويوم جاء الصبح يقوم الشويب ويعقر ذاك المفرود ويكرم الامير ورجاله الي معه ويغديهم .. ويوم تغدوا قاله يافلان ( يقصد الامير ) قاله مشينا للابل ( بعتقاد الامير انه بيبيعه البعير ) المهم يوم وصلوا عند ابل الشويب قام الشويب وجمع ابله وقسمهن نصين وقال للامير تخير النص الي تبيه مع البعير وتعجب الامير من فعل الشويب !!! قاله يافلان انا جايك اب اشري البعير وماجيتك تعطيني حلالك .. قاله يبن الحلال تخير والله انها حلال عليك ياطويل العمر عطيه ماوراها جزيه المهم قال الامير دامك ملزم ابي البعير منك بس .. قاله الشويب وجاك البعير المهم يقوم الامير ويسوق البعير ويرجع الى دياره الي جاي منها وهو متهول من فعل الشويب
رجع الامير لدياره واخبر ربعه بالقصه الي صارت معه مع الشويب وقاموا يتداولون القصه حتى وقتنا هذا والقصه هذي صارلها اكثر من 80 عام
الامير معروف ( توفى الله يرحمه ) وقبيلته معروفه
والشويب معروف ( توفى الله يرحمه ) وقبيلته معروفه
امل ان تنال اعجابكم القصه
والسلام عليكم