مين يعرف عن الشوزن اليابانية يعلمني الربع هذا عشمي فيكم

[ابوهيا]

يالربع ابنشدكم عن شوزن يقالها يابانية منتشرة عندنا بالسعودية ..............والله يالربع حصلت وحدة مع تصريحه جديدة راعية ما رمي فيها وما ادري عن الشوزن هي زينة ولا لا


فمن قد سمع عنها اتمنى انه يعلمني هل الشوزن زينة وتستاهل 9 الاف ريال ولا لانه محدوده على بها المبلغ فتكفون وش السواة يعني هل الشوزن تقارن بالبنلي ولا البراوننج



علموني هل الشوزن من النوع الى تتحمل الكرف والاستخدام الواجد وهل ترمي جميع انوع الفشق


ارجو الرد يا شباب وهذا عشمي فيكم تكفون

[رعد الجنوب]

السلام عليكم
اخوي ابوهيا مرحبا بك
الشوازن اليابنية الموجودة عندنا غالبيتها نوع برواننج امبريال ،
يوجد لدي وحده منها مقاس 2.75 انش ولاترمي فشق اكثر من 40غرام ،
يوجد مقاس 3 انش ترمي الى 56 غرام ولكن عموما الشوازن اليابنية ليست من الشوازن العملية جدا ،
وسعرها جديدة من 5000 الى 5500 بدون تصريح طبعا ،
واذا تريد نصيحتي ومن تجربة طويلة اذا وجدت بريتا الايطالية فلا تشتري غيرها
وبعدها تاتي البنلي الايطالية جميعها اسلحة خفيفية وتتحمل الرمي حتى 66 غرام وسهلة التنظيف
وليست معقدة مثل اليابنية التي اعطالها كثيرة ،

اتمنى انني افدتك وانا بالخدمة
اجمل تحية وسلام

[ابوهيا]

الله يجزاك كل خير ويعطيك العافية اخوي رعدالجنوب

[مبارك البريكي]

ابو هيا نصيحة اخو هج عنها سعــــــــــرها حيل غالي وماتستاهل
وللعلم اني من الكويت بس حسب معرفتي ماتستاهل ونصيحة اخو اذا تبي بنــــــــدق اخذ بنلي او بريتا او برواننغ
يعني اخذ شي طيب ونضيف ومعرووف وذا جيت تبيعه تحصله سعر طيب والكويت مانزل فيها هليباني عندنا اشكال وانواع بس اليباني محد يمدحه
واحب ارد على الاخ اللي نوه ان بروانغ امبريال يابانيه فاهذاا غلط البروانغ ايطاليه وبلجيكيه
والافضل منها البلجيكي
يمكن تكون شركه مشتركه ايطاليه يابانيه الله العالم
بس حسب معرفتي ان البراونغ بلجيكيه وايطاليه
وبريتا الجديده للعلم فقط انها صنعت لمرضى القلب
خفيفه ناعمه ميكانيكيه سريعة الاستجابه ونفس ماقلت يابو هيا البندق اللى تقول عنها غاليه حيل ولاتشتريها والله يعوضك بغيرها ويعطيك خيرها ويكفيك شرها
اخـــــــــوك
مبارك البريكي :)

[ابوهيا]

الله يعطيك العافية اخوي مبارك ما قصرت كفيت ووفيت

[ابو محالة]

بسم اللة ارحمن الرحيم
ا خى ابو هيا
الشوزن اليابانية هى فى الاساس بترخيص من شركة برواننج البلجيكية المعروفة
وهى وحسب تجربتى الشخصية بندقية ممتازة وخاصة اذ1 كان طولها 32
وهى معنا منذ عدة سنوات ونرمى فيها رمى واجد ومتواصل وخاصة وقت القمرى وتسوق
وانشعر عاقبها من كثر الرمى
ولكم تحياتى