ام سعفة

[ابوماجد]

السلام عليكم ورحمة الله وبركاته

اخواني الاعزاء ممكن اعرف معلومات عن موقع ((ام سعفة))
رقم الاحداثي

اسماك الصيد

طرق الصيد

اذا كانت محتاجة الى مسلك

علما باني ابحر من الدمام

شكرا للجميع

[كشات]

بسم الله الرحمن الرحيم

وعليكم السلام ورحمة الله وبركاته

هلا بك اخوي ابو ماجد
حياك الله عضو بمنتدى مكشات

اخوي الغالي
اتوقع انت تقصد ابو سعفه اللي حول الوشير

اللي اعرفه
ان مسافتها تقريبا 45-55 دقيقه على طراد سرعته 60-70 كلم/س
الاسماك شعري , هامور (احيانا ) , يماه , تشم , دويلمي
طرق الصيد سماري على القمرا افضل

اما بالنسبه للاحداثي ماعندي احداثياتها
هذا اللي اقدر اساعدك فيه اخوي الغالي
والشباب فيهم خير وبركه ويعجبونك بفزعاتهم الزينه

وسامحني على القصور

[ابوماجد]

تسلم اخوي ابوعلي على ها المعلومات بالفعل هو ابو سعفة وانا كتبت ام سعفة


وانتظر من الاخوة رقم الاحداثي ان امكن


وسلامتكم

[دمي بحر]

السلام عليكم ورحمة الله وبركاته
يوجد بها هير (حقل المحار) يحمل نفس الاسم من ايام الغوص
فيها فشت (صخور مشابهة الى المرجان) وبها ا ماكن غير عميقة

فسكر,الشعري,الشخل,الربيب

[ابوماجد]

تسلم اخوي (دمي بحر )

على الاضافة المفيدة , ولازلنا نبحث عن احداثي الموقع


دمتم بخير

[النوخذة]

السلام عليكم ورحمة الله وبركاته
اخوي ابوماجد سجل عندك
N 26 58 716
E 050 23 066
بس تراني مانيب مسؤل عن صحة الأحداثية لأني ماخذها من منتدانا الغالي وانا حاولت اطلع الموضوع بعجلة بس مالقيته
وشئ ثاني ماادري على اي MAP DATOUM هي سجلت في المنتدى بس اني مسجلها في الجهاز عندي على النهروان السعودي
عموما حتى لو فرق ال MAP DATOUM ماراح يفرق واجد (اتوقع 3,4 كيلو اذا مرة جايب العيد )
ارجو لك الفائدة
تحياتي لك
اخوك النوخذة

[ابوماجد]

تسلم اخوي النوخذة على ها المعلومة الطيبة

وانشالله منت بجايب العيد

تسلمون يالربع