من سلبيات بعض القنوص

[كوووول]

1-ازعاج اهل الحلال
2-وضع الاجهزه المزعجه ليلا
3-حوس الارض حوس بالسيارات
4-ترك المخلفات في مفلى الحلال
5-القياده بسرعه مبالغ فيها وقت الهدد (يمكن يدعس طلي والا حوار وهو مايدري)
6-اغراء العماله بالنقود ليبلغه ان وجد حبارى او كروان(يترك العامل احلال سعيا للمال)
7-عشرين سياره تمشي بالقرب من بعض ولا فيه شجره الاماداسوها وسلامتكم

[عاشق الوكري]

والله انك صادق

[falcon 1]

كلام سليم وبالنسبة لاخر نقطة ..موضوع السيارات ,,هذي بصراحه دايمن اتذكرها ..انا اتذكر كنت مع واحد من الربع الله يذكره بالخير وكنه هادين الطير على حمامه ..المهم بعد 10 دقايق شفنه جيب قلنه اكيد بيدعي لكن وش سو الرجال جا وهد طير على بعد 100 متر منه والله انه الله ستر ..هالرجال لاحق طيره وحنا لاحقين ..الله ستر والله كان بيقلبنه ...الحين عندك هالبر الوسيييييع ما جيت تهد الا عندنه !!

الله يعطيك العافيه اخوي كووول

[أبو أمين]

من سلبيات بعض القنوص وبعض اهل الحلال

1-ازعاج اهل الحلال (والله ياخوي الحلال واجد وبكل مكان يعني اخلي قاع فيها حروه او معبر معروف عشان ناقه ترعى فيه اراعي شعورها ولا ازعجها ولا عشان اهلها القناص وش يسوي يفحط في البر يقنص على مهله ويمشي مهدي يدور الجره اذا الدعوه كذا عزالله ما احد قنص )
2-وضع الاجهزه المزعجه ليلا ( هذي اوافقك فيها لو انها مو ذاك الازعاج ولا احد يحط جهازه جنب مراح )
3-حوس الارض حوس بالسيارات (البل والغنم ما قصرت بعد اتلفت الغطاء النباتي لين غدت الارض شهباء ما عاد باقي الا الحرمل لان الحلال ما ياكله ولو كان ياكله مصييييبه)
4-ترك المخلفات في مفلى الحلال(ومراح اهل الحلال المهجور وش تسميه مزبله والقراء بكرامه اسيام وشبوك ومخلفات خذ عندك واحد من ربعنا وحنا قنوص نزل يمشي ووطا على شبك من شبوك البل وشق رجله شق عميق هذا مهوب اذى منطول في الطريق)
5-القياده بسرعه مبالغ فيها وقت الهدد (يمكن يدعس طلي والا حوار وهو مايدري)(ذالحين انت ما حرصت على سلامه اخوك المسلم من السرعه والانقلاب وحرصت على حوار وطلي واقول ليه العرب مهزومين !!!)
6-اغراء العماله بالنقود ليبلغه ان وجد حبارى او كروان(يترك العامل احلال سعيا للمال)(بعض اهل الحلال يشغلون العمال المتخلفين ويتسترون عليهم ومن اسباب انتكاس البلد العمال المتخلفين ومواكرهم ذات الاعمال السيئه)
7-عشرين سياره تمشي بالقرب من بعض ولا فيه شجره الاماداسوها وسلامتكم(لا تنسا الغطاء النباتي كما ذكرت سابقا والرعي الجائر من القنوص وطيورهم وشبوك طيورهم وحمامهم واكياس الشعير الي يعلفون بها الطيور وينطلونها )

كما لا ننسا كم عدد وفيات الاوادم بسبب عدم اهتمام راعين الحلال بحلالهم وابعاده عن الطرقات ولكن ممكن يعلق اللوم على رقبه من هم مسؤلون عن وضع الحواجز في الطرقات لكي تحول بين الحلال الي هو اغلى من الادمي والانسان المسكين .

شاكر لك وعلى حرصك على حقوق الحيوان قبل الانسان .

[رفحاوي 999]

الله يسترنا بستره

[رفحاوي 999]

الله يسترنا بستره

[ابراهيم 4444]

الله يعطيك العافيه
ومشكور وماقصرت

[الحركساب]

كلام سليم وفى محله لاهنت

[@قرناص@]

من سلبيات بعض القنوص وبعض اهل الحلال
(لا تنسا الغطاء النباتي كما ذكرت سابقا والرعي الجائر من القنوص وطيورهم وشبوك طيورهم وحمامهم واكياس الشعير الي يعلفون بها الطيور وينطلونها )

كما لا ننسا كم عدد وفيات الاوادم بسبب عدم اهتمام راعين الحلال بحلالهم وابعاده عن الطرقات ولكن ممكن يعلق اللوم على رقبه من هم مسؤلون عن وضع الحواجز في الطرقات لكي تحول بين الحلال الي هو اغلى من الادمي والانسان المسكين .

شاكر لك وعلى حرصك على حقوق الحيوان قبل الانسان .


عزالله ماقصرت يآبوأمين .. كلام عين الصوآآآب :)

[كوووول]

ابو امين جزاك الله خير وجعل فالك من القنص كل يوم خرب

ماذكر اعلاه من السلبيات صحيح والله يعين اهل الحلال:r:good2::D

[كوووول]

ابو امين جزاك الله خير وجعل فالك من القنص كل يوم خرب

ماذكر اعلاه من السلبيات صحيح والله يعين اهل الحلال:r:good2::D

[كوووول]

ابو امين جزاك الله خير وجعل فالك من القنص كل يوم خرب

ماذكر اعلاه من السلبيات صحيح والله يعين اهل الحلال:r:good2::D

[مقناص الكويت]

لله يعين اهل الطيور صارو يلمونهـــم الحين عزاه
ملاحضات فقط اهل الطيوووور

[77محمد77]

لاحول ولاقوة الابالله

[لبيه يمنادي]

والله كلامك صحيح ياخوي

والمصبيه

ترك المخلفات في المراح بعد تغيير العزبه .

دهس الارض بدون مراعاه للعشب والمراعي .

والهدد قرب الحلال يسبب مشاكل مع اصحاب الحلال .

[جنرال المدينه]

كــــــــــــلام سلــــــــــــيم

[راعي جالود]

يا مرحبا والله يا كول


أعجبني أختيارك .. لـ أسم الموضوع ووضـع كلمة ( بعض ) القنوص لكيّ لا يشمل مضمون الموضوع

جميع القنوص ,



1-ازعاج اهل الحلال < والله بيني وبينك أنت صادق لكّن البعض من أهل الحلال موذي وعلى باله إن معه صك على الارض
2-وضع الاجهزه المزعجه ليلا < ما أأيد فكرة وضـعه حول أهل الحلال
3-حوس الارض حوس بالسيارات < حوس الارض الغنم ما قصـرت بـ الارض أصلا لا شاف جرت الغنم راعي الطير جنّب عنها لأنها تعمي الارض
4-ترك المخلفات في مفلى الحلال < النظافـه من الايمان سواء كنت راعي ناقه ولا شاه ولا طير ولا اللي ودك
5-القياده بسرعه مبالغ فيها وقت الهدد (يمكن يدعس طلي والا حوار وهو مايدري) < اللي ما يسوق بـ حرص وعقلانيه ومو ناشد عن روحه ما راح ينشد عن حوار وطلي
6-اغراء العماله بالنقود ليبلغه ان وجد حبارى او كروان(يترك العامل احلال سعيا للمال) < ما اعتقد صحيحه يمكن يعطيه لا ذكر له لأن الصقـار ما يثبت في قاع واذا عطاه رزق لـ العامل وهو يسرح فـ الحلال يحرّص على الجره والرزق على الله
7-عشرين سياره تمشي بالقرب من بعض ولا فيه شجره الاماداسوها وسلامتكم

خابر الصقاقير .. يجنبونه .. ويتطرفــونه ودورون بـ مذاري الشجر الجره ما يدوسونها


لكل قاعد شواذ والبشـر أنواع وأنا بعطيك بعض

من سلبيات أهل الحلال

1- نزول البعض من أهل الغنم بـ جوار أهل الابـل

2- النزول على ( الدبايّات ) وقطع الطريق على المسلمين لو يجي أحد مسرع فـ الليل دش بـ عزبتهم ولا درا

3- طرد حلال المسلمين لا سـرحت وجت تعلف حول حلاله ولو أن محل مفلاها سوا

4- طعام العامل ( طحين - عدس ) < وحلاله يجيب له ( شعير - برسيم - شوار - وافي ,, إلخ )
ماكن العامل له معده ولا كنه بـ ذمته ويسأل عنه يوم الدين !

5- رمي جثث البهايم بـ الصياهد والاماكن المرتفعه والدراكيل وعدم حرقها

6- اغراء عمال المجاورين له إن شافه فاهم ويشتغل ويقوله سافر ولا جيت انا اجدد لك الاقـامه وأزيدك معاش أكثر من ما يعطيك فــلان

7- عشرين سياره أتجمع بـ عزبة شخـص الظهر لأن عنده مكينة ديزل ويشغل التكييف وهم أتكاليين ويتخسرون على نفسهم الرفاهيـه والنعمه والارزاق من الله


سبـع بـ سبـع :)


لكل :- مجال سلبياته أن أردت الخوض وفيه وأكرر أعجبي أختيارك الذكي لكلمة البعض


وشاكر لك

[الصيهد.......]

الله يهديهم ويصلح حالهم
مايقهر الاحوسه لأرض

[صاحب نوماس]

ووالله صدقك الله يستر علينا وعلى كل مسلم

[كوووول]

حنا الحين ذكرنا سلبيات بعض القنوص والا اكثرهم هاب ريح شروا اهل المنتدى
باقي سلبيات بعض اهل الحلال جعل الوسم يسقي ديارهم يارب العالمين