اشيلهن ولا لا؟؟

[رياح الشرق1]

كيف حالكم يا اربع انا شريت gx2007والرجال الي اخذته منه كان مركب له خزان وشلت الخزان ماله داعي بس يثقل عل السياره المهم قالي الرجال شل الكعكات يقول انه مركبهن مشان الخزان مشان ماينزل المهم رحت للميزان قالي لازم تجيب ياي جديد لاني اذا شلت الكعكات ينزل اكثر من الوكاله لان الياي ذا صار لين والكعكات مسببات طقطقه للسياره فماادري يا الربع هل اشيلهن ولا اخليهن مايضرن السياره وكلام راعي الميزان صادق ولا خرطي ..ارجو الرد الله يجزاكم خير

[دحيم الفزعة]

السلام عليكم
نعم احتمال الياي لين اذا كان جاه تحميل واجد لكن فك الكعكه ولا تغير الياي وانت تحكم اذا شفت وقفة موترك



تحياتي ====

[رياح الشرق1]

يعطك العافيه دحيم طيب لو اخليهن عل السياره يضره بشي والله ورطه طيب لو ارجع الخزان وش رايكم ..طيب اذا شلت الكعكات يروح الصوت وشورو علي افضل حل وش اسوي الله يجزاكم خير

[أبوصقر]

الخزان فكه وعطني إياه..:D:D:D.ههههههه
إذا أنت تبي الموتر يطلع منصوب وشاد حيله..فك اليايات والكعكات وركب يايات استرالية..أرفع ولاينزل موترك مع التحميل..بس إذا تحميلك مو واجد ركب ضغط متوسط 250 لأن الأكثر راح يكون موترك مطبه قااااااااسي..

[دحيم الفزعة]

السلام عليكم
لو تخلي الكعكات بالموتر ما منهن ضرر
الا اذا انك متضايق من الطقطقه شلهن زي ما قلت لك وشف وقفة الموتر
ان ما جاز لك شكل الموتر وما انت براعي تحميل اشتر ياي وكاله
اما اذا انت راعي تحميل ركب ياي استرالي بدون كعكه وشف المقاس اللي يصلح معك من الاسترالي



تحياتي ====