ابي الافاده يالربع تكفون

[صقار مبتدئ111]

بسم الله الرحمن الرحيم
السلام عليكم
يالربع انا عندي مشكله ومعقده راسي
انا عندي شيهانه جبليه والطير مجرود لاكن فيه عذروب الي هو ..
اذا هديت له حمامه وارتفعت عنه صفح او اصلن مايطول معها مغير يلحقها مسافه قصيره
ويصفح وابيكم تفيدوني في المشكله هذي
والملواح مغير يلعب عليه ثلاث مرات وعلى طول يوكر وابيكم تفيدوني في هذي بعد

ابي الرد باسرع وقت .. وشكرا

[جنرال المدينه]

عندي ملاحظه: صفح أو صلن كيف يعني
يمكن افيدك

[صقار مبتدئ111]

طال عمرك صفح يعني معاد يرفرف زي ماتقول معاد يبيها يرجع الطير ويخلي الحمامه

[صقار مبتدئ111]

وانت ان شاء الله فيك الخير ان افدتني والا ما افدتني يكفي انك مريت على الموضوع طال عمرك

[جنرال المدينه]

طيب يمكن منت مجوعه يوم كامل ولا يمكن شبعان
ولا اقول وده البيطري وقله السالفه......


احرجتــــــني بطيـــــــبتك

جـــــــنـــــرال المــــــــدينــــــــه
في خدمــــتك دائمن:D إن شاء الله

[صقار مبتدئ111]

بيطري
بصراحه ما اقدر ارد عليك
وشكرا

[الحمش1]

السلام عليكم

يمكن طيرك فيه دود
او شهيته ماهي مفتوحه
انت عط الطير سكر نبات اخلطه بماء
وعطه الطير بس لاتكثر واذا مافاد بلغني
السكـر نبـات يغسل بطن الطير ويفتح شهيته
وانتبه ثم انتبه من الشناذر لاتشنذره

[صقار مبتدئ111]

هلابك اخوي: الحمش
والله الطير سليم مافيه شي لاكن مدري وش الي براسه
وبالنسبه لسكر النبات عطيته سكر نبات
والشناذر لا بعيد عنا يالمبتدين اخاف اشنذره واجيب العيد فيه

[الحمش1]

طيب يمكن الطير
يفحم بسرعه
ومايقدر يلعب الملواح من جديد

[صقار مبتدئ111]

اذا هي عن فحمه لا مايفحم
طيب معلينا من الملواح المشكله الحمامه اذا تعدت مسافة 300 تقريبا صفح وجنب عن الحمامه
واذا وكر وقربت منه وشفت الطير مايفحم كنه ما طار
واتوقع ان طبعه فاسد وانا ما ادري عن شي وننتظر حل لمشكلتي

[الحمش1]

لالا ماهو من الطبوع

ولاتهدله حمامه اسرع منه لانه يياس ويقول ماني جايبه والله صادق ويصفح يقول الحين يعطوني حمامه هم انت بالتدرج يعني هدله حمامه وانتف منه كثير وبعده نقص الريش نقص لين ماتهد سلم الزبده ان الحمامه لاتصير اسرع يعني لايفلس منها
والله يوفقك
وانا متاكد من جوابي
اسال مجرب ولاتسال طبيب.
والسلام.

[راعي فواز]

اذا على كلامك الطير سليم ومافيه شي....هذا يكون طبع في الطير من راعيه اذا كان دايمن يهدله حمامه ويفلس منها يتعود الطير على الحركه هذي لانه يعرف انه ماراح يصيدها من كثر الحمام الي يفلس منه وهذا عيب كثرت الهدد على الحمام وهذي وجهت نظري......وعلى حسب علمي اكيد الطير كبير في العمر صحيح

[صقار مبتدئ111]

الطير ماهو كبير اخوي لاكن يمكن من كثر الحمام الي افلس منهن لاكن والسوااه فيه
يعني ادعيه على الملواح احسن والا اهد له حمامه واخليه يطرحها كم مره علشان اذا هديت له
وحده ريشها كامل يطرحها
وابي الافاده اكثر
ومشكورين

[صقار مبتدئ111]

اخوي الحمش الطير ماهو صنيع ولا ضعيف وزنه حلو
واتوقع بترك هدد الحماام اخلي عشاه على الملوااح بس

[راعي فواز]

اخوي صقار ممكن تقةلي وش سنها عمرها وش اعلومها من راعيها الاول على شان افيدك

[صقار مبتدئ111]

والله الطير هذا ثاني قرناس له والطير ما اعرف راعيه الي قبل
لاكن الطير كامل والكمال لله سبحانه لاكن مافيه الا المشكله الي قلتلك عنها
والا قبل سبوع تقريبا منزل الحمامه من السماء والله يدوب اشوف الحمامه هاده الصبح
ومعلقها تعليق لاكن مادري وش اخلفه حتى ناتف من ريشها من كل جنا ثلاث ريشات من النص
شف هذا يدل ان الطير مجرود الحمامه خضاري علشان ماتول يمكن الحمامه مرضانه او ماتطير لا بالله طارت
وبعد لعنا والنكد طرحها لاكن اتوقع فسد من كثر الحماام لاني كل يوم اهد له حمامه انسرله واعزله من الحمامه
واقوم اللعب له على الملوااح يمكن الشي هذا فسد الطير وابيك الحين ترشيدني اذا عندك خبره
وش اسوي بالطير بكره لاني ما عشيته اليوم ولا امس وياليت تفيدني اكثر واكثر

[صقار مبتدئ111]

وياليت اخوي تحددموقعك اذا قريب مني زين على زين
واذا منت قريب موفق يالغااالي وماتشوف شر

[نسناس الهواء]

طوفه يوم والإ اقصر اذا مابغيت تطوفه
وبعدين لاتلوحله اسبوع او اكثر شوي
يمكن يتعدل
وفقك الله

[صقار مبتدئ111]

بيض الله وجهك اخوي وماقصرت انت والي قبلك بيض الله وجيهكم
وانتظر من الاخوان

[راعي فواز]

انا في الكويت بس غلط مفروظ اذا صاد الطير الحمامه عقب جهد مفروظ تكرمه ولا تعوده على الحمام خلك على الملواح وفي الاسبوع هدله حمامه ولا هي نشيطه واذا صادها اكرمه منها وخلك على الموال هذا والاسبوع الي وراه حمامه اقوى وهكذا......وفي حل غمم الحمامه بتيب وخلها ترتفع مسافه مهي بواجد وذا تحسن الطير زيد المسافه

[صقار مبتدئ111]

والله كذا قالولي ناس اهل خبره بس انا ابي اكثر خبره بالشي هذا
لاني بصراحه من الشي هذا متعقد لاكن بطبق الكلام الي قلته والي قالوه اهل الخبره من قبلك
ونبي نشوف اظن الله يكتب لنا الي فيه خير
وبيض الله وجهك ياراعي فواز

[الصاعقة33]

اول شى الجو حار وثانى شى الشيهانه ماجالها جرد اى لياقه ويبيلها شناذره وبعد الشناذره هدلها الصبح حمامه منتوفه ثلاث بثلاث وبعدها اربع باربع وانشاء الله راح تطير وتصيد