خبر سار جداجدا لاصحاب الصقور

[عبد المجيد11]

السلام عليكم خبر سارجداجدا لاهل الصقور البارح لقيت جرة حبارى ومعها فرخها وتبعنا جرتها وطارت امامنا حبارى ومعها فرخها وموقعها قريب جدا من الرياض

[صقآر الحفر]

الله يبشرك بالخير

لآكن عندي سؤال اذا ما عليك أمر

هل هي بالصمآن أو قريبه من الصمآن

وبشر عسآك صدتها ...؟

والله يسعدك مثل مآ أسعدتنا واصبر اصبر ما شفت شي للحين هذلي السبق يآربي لك الحمد السنه هذي سنة خير

تو مآ طآح المطر ولآ طآح المطر وشفت البروووق أبشر بالحبآري أن شاء الله

وأسلم وسلم

[شقردي الجبيل]

ما شاء الله تبارك الله
بشرك الله بخير جعله تزيد ان شاءالله

[عبد المجيد11]

لا والله الصيد ما صدتها لامعي طير ولاني براعي طير ضيعنا جرتها وتركناها موقعها مهو بالصمان اقولك قريبه جدا من الرياض وين الي تبي تهد طيرها ما يسالون عن موقعها

[روزفلت]

طيب يمكن مهوب فرخها؟ يمكن فرخ جارتها والا هو قال لك هذي ماما

[الهداف]

ما شاء الله عليك

وفرخها معها الأن في شهر 10 !!!

هذا سبق صحفي قصدي سبق في المقانيص..

ياحرام وفرخها معها ...

اكيد ماصدتوها لآن فرخها معاها، عطوفين.

ترى الدجاج هاليومين فروخه معه ... لا يكون---

"حدث العاقل بما يعقل"

[كحيلان 2006]

وفرخها طار معها (شكله درجلان

[صاحب نوماس]

الله يبشرك بالخير بس وانا اخوك هذا ماهو وقت تفريخ

والله يجزاك الجنة

[مكشات الحفر]

معها فرخها؟؟؟؟
والله ماادري
الاخوان ادرى

[سطام ابو سعود]

اخوي لاتكون مفطر فول هههههههههه اي فرخ سلامات مهو وقت تفريخ لله يجزاك خير بس ولله سالفتك ماتنرقع ههههههههههه

[عاشق الوكري]

وش هالكلام وليش كل هذا الاستهزاء

ليه مكذبين الرجال

انتم وش دراكم كل شيء جايز

يعطيك الف عافيه اخوي عبدالمجيد وماقصرت

[falcon 1]

الله يبشرك بالجنه ان شاء الله .
الله يعطيك العافيه والله يوفق الصقاقير جميعا بالخرب

[صقار المملكة]

درجلان درجلان حتى الدرجلان مايفرخ الوقت هذا شكله في الحلم

[skeet]

الله يعطيك العافيه

[اجااا]

ما عليك من احد
والله يجزاك خير

[علم162]

لايهمونك الصقاقير تعال عندي شوزن ماتنسدح في الموتر من طول ماصورتها وصف لي الحبارى والا راسلني وبا ارميها واصور والله ان تشوف هالمتهزيه يونون بها المنتدى

[القحطاني]

ياجماعه الرجال يبشركم وانتم طولتوها سيبوه يعبر عن الي شاف وقولو شكرا

[ابراهيم 4444]

انت متاكد

ولا عطنا الموقع
مادامك منت راعي طير
ولاشي ونطلع ونشوف

[ابن حصوان]

قويههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههه

[M7D-QDY]

حتى الحبارى تجي عوائل.؟؟
ولو وقت العشار مبكر هالسنه...!!

[سعد الكبيسي]

الله يعطيك العافيه

[عبد المجيد11]

اول شي عيب اتكذب الرياجيل وانا قلت اني ماني براعي قنص لكن معها فرخ اوحبارى ثانيه الاكيد انه اصغر منها وبس وانا احسبنه فرخها وهاذا جزى من بيدل على الخير الله يسامحكم بس وانا مهي من عادتي الكذب

[عتيج الصوف]

مشكور يا الحبيب بس ترى بعد وقت على التزاوج والتفريخ

[رفحاوي 999]

الاخ عبد المجيد يعطيك العافية

يمكن انك شايف جرة بس لطير اخر

شكراً لك

[قناص الشمال ع]

ما شاء الله تبارك الله
بشرك الله بخير جعله تزيد ان شاءالله

[فارس11]

ويييييييييييييييييييييييييييييين

[مقناص_111]

ياآأآخوان وش فيكم عالرجال ..

ما قال شي خطآ جاي يبشركم ..!؟

والرجال برا ذمته وقال انا موب راعي قنص ..

ع العمووم لا هنت ع البشاآأره الله لا يهينكـ ..

..

[حبراي]

يعطيك العافيه

[shankl]

والله شي يهول بس وين الموقع ومته شفته

[shil]

السلام عليكم ورحمة الله وبركاته
صبحكم - مساكم الله بالخير
لازم كل واحد يتعلم ادب المحادثه والحوار
مهما كان الموضوع المطروح
ولا يستهزي على الرجال
واظاهر بعض الردود لناس مايعرف عن الصقاره شي
بس مع الخيل ياشقرى
عممومأ
ممكن تكون حباروين خرب ودجاجه
وممكن لا
بس لاهنت اخوي عبدالمجيد
والسلام ختام

[ضاري التميمي]

ما شاء الله عليك

وفرخها معها الأن في شهر 10 !!!

هذا سبق صحفي قصدي سبق في المقانيص..

ياحرام وفرخها معها ...

اكيد ماصدتوها لآن فرخها معاها، عطوفين.

ترى الدجاج هاليومين فروخه معه ...
وهذه لك ولغيرك لا يكون---

"حدث العاقل بما يعقل"
والله ان أخوي الهداف
عطاك العلم
كلنا ولدنا مامعنا علم لاكن مخاواه الصقاقير والحياء من( الطهبله والمهايط
وعقليه المراهقين الي كل شيء قدام مثل البزران )
خلانا نستفيد من شيبانا وممن ماتعلمناه
أجل معاها فرخها
يابوك عين خير وذاكر دروسك زين
اريح لك
لاتطير بالعجه واستفد من غيرك
ومهو لأزم تكتب موضوع عشان تزيد مشاركتك ماني استهزي بك
لاكن تعلم قبل لاتعلم
وانشاءالله انك فهمت
خذها قاعده اذاكنت لاتعرف ماتقول فـ تقبل مايقال لك0000 ولاتزعل
وتهايط على العالم
وهذه لك ولكل مهايطي يطير بالعجه
لاحد يتفلسف علينا ملينا من هاالاشكال نبغى نستفيد ونفيد
لابد 0000000 من الركاده عند بعض الاعضاء
وهذ ماوفقني عليه احد المشرفين بالمنتدى قبل كم يوم عندما زارني وتعشيت وياه
أنا ادخل على المنتدى من عام 2003 ولم اشارك وأسجل الى اقبل كم يوم
فـــــــــــــــــــــلا
للطهبــــــــــــــلـــــــــــــــه وعقليه المراهقين بهذا القســـــــــــــــم

[ابوأفياء]

اخي لاتستعجلون على الرجال

لعليه يقصد دجاجه وخرب

والدجاحه سمكه

[ذهال]

لا تعليق

الله يعطيك العافيه يا عبد المجيد

[سنجاري]

الله يعطيك العافية ياراعي الخبر
ان صدقت.... بارك الله فيك وان خانك التعبير...... تراك مسموح
الجرة كانك واثق منها صورها وحط في عيون اللي تستهزء
يجوز خرب ودجاجة والله اعلم , لكن فرخ مو بوقته ولا مكانه
ويا حيف على الرجال اللي تكذب البشر
واللي يشارك اما يقل خيرا او ليصمت

[مكشات الحفر]

اي خانه التعبير؟؟ انت ترقع له هو يقول شافها هي وفرخها وشئ يعقل وشئ مايعقل واللي ردو عليه ماهم مترديه ولانطيحه ولاهم بمستهزئين فيه بس شئ بالعقل وانا اخوك شئ يعقل وشئ فوق الخيال ومفروض انك تحترم اراء غيرك ماهم لامترديه ولانطيحه وانت بسراحه كذبته بطريقه مهذبه لكن فرخ مو بوقته ولا مكانه ماهو هذا كلامك اخوي
اتمنى انك تحترم اراء غيرك مثل ماتبي غيرك يحترمون ارائك
واتمنى انه يقفل هالموضوع لانه مافيه اي فائده مرجوه
تقبل مرررروري بصدر رحب......

[سنجاري]

اخوي مكشات الحفر
ماني من يكذب الرجاجيل ,,, والرجال قال شاف جره (((جره )))
والمترديه والنطيحه ازلتها لانها ما هي في محلها .
وتقبلت مرورك بصدر رحب ,,, بس للاسف كثرت الردود في مواضيع عده مالها داعي تنقص من الغير
وتقبل مروري بصدر رحب

[مكشات الحفر]

اهلا وغلا بك سنجاري انا ارفع لك العقال تقدير واحترام لانك قدرت الرجال اللي ردو على الموضوع وازلت بعض الكلمات التي في غير محلها ومره اخرى لك منى اجمل وارق اسلام
تحياتي لك يابن الاجواد
والمعذره منك اذا قسيت عليك بعض الشئ .....