النوخذة و Marine في راس ابو قميص [الأرشيف]

النوخذة

25/08/2005, 07:29 PM

السلام عليكم ورحمة الله وبركاته
كان يا مكان في قديم الزمان كان فيه نوخذة وكان فيه MARINE
النوخذة و MARINE التقو في يوم من الايام وعزمو على غوص في راس ابو قميص
وكان ذاك اليوم نسناس على كيف كيفك , حتى ان MARINE كان دايما يقول ( الله يذكر ايام موسكو بالخير )
والنوخذة ماكان يطلع من الخيمة والسبب ( الامطار الغزيرة والثلوج المتراكمة ) وكان يخاف تطيح عليهم الخيمة من قوة الرياح
:mad: :mad: :mad: :mad:
لاتصدق انت معاه
حنا فعلا طلعنا لكن مابقى الا نوجه الشكمان علينا حتى يتحرك الهوا شوي
وكانت درجة الحرارة تقريبا (4 درجات تحت ......... ال 60 )
ومع ذلك قاومنا وكافحنا وكانت النتيجة

ثلاجة كبيرة مشكلة
http://www.mekshat.com/pix/upload/images10/mk5291_sv300065.jpg

http://www.mekshat.com/pix/upload/images10/mk5291_sv300067.jpg

وكان فيه فسكر بأحجام مو طبيعية

http://www.mekshat.com/pix/upload/images10/mk5291_sv300073.jpg

واخيرا وليس آخرا

http://www.mekshat.com/pix/upload/images10/mk5291_sv300071.jpg

طبعا الصور هاذي كلها طازجة وتاريخ الرحلة ( يومين الأربعاء والخميس ) 2005\8\ 25 واليوم اللي قبله والصيد كان في غوصتين وحده ليل والثانية نهار
والمشية كانت الساعة 11:00(ظهر او صبح شئ راجع لكم بس بالنسبة لي ظهر من يوم صارت الساعة 06:00)وسبب المشية كان الحر والكتمة
آسفين لقلة الصور واصلا الواحد ماله خلق يسوي شئ في ذاك الحر

ارجو انها تحوز على رضاكم وسامحونا على القصور

رسلان

25/08/2005, 07:47 PM

ماشاء الله تبارك الله ...
صور جميلة ... وصيد جيد ... بارك الله لكم فيه ...
وعليكم بالعافية ...
وماشاء الله الرحلة هذي والحر كذا :) كيف لو الجو تمام :) ؟
الله يعطيكم العافية ...

صقر

25/08/2005, 07:52 PM

مبروك عليكم الصيد
صيد طازج ............ يعني يمدي اجي وتعشى معكم واعرمش

جعله هني وعافية عليكم ... وبالتوفيق.

مشكور على اتحافنا بهذه الصور الرائعة.

وبارك الله فيك.

( برى بحرى)

26/08/2005, 12:36 AM

ما شاء الله شنوا يه يه يه شغل عدل والله

صور صح وصيد صح عليك مليون عافيه

انا ما اقدر اقاوم البالول مرقه

تستاهل كل الخير والله والله يحفظك

كران

26/08/2005, 01:17 AM

قدها وقدود يالنوخذه ولايهون اخوي مارين ..

وبالعافيه هالصيد الطيب ..

والله ياخوي حمستونا للغوص .. لاكن الربع كلهم حداقه واهل غزول وقراقير

مالهم بالغوص ..كل ماعزمت في واحد ندخل دورة غوص هون اليوم الثاني

مايكسر الله جناح الا بصلاح

بالتوفيق ياخوي

كشات

26/08/2005, 01:34 AM

بسم الله الرحمن الرحيم

وعليكم السلام ورحمة الله وبركاته

ماشاء الله عليك يالنوخذه
شغلك حار بحار
اتوقع من الحر اللي هناك :confused: كذا مخ الي يقعد بالشمس

الله يعطيكم العافيه ويبارك لكم في صيدكم ومشكورين على هالصور والموضوع اللي يفتح النفس

ابو مشك

26/08/2005, 07:32 AM

ماشالله تبارك الله
عليكم بالعافيه شي يطيب الخاطر لولا الجو هالايام متعب شوي بس تنسا الجو في لا طلعلك صيد محترم .

سيفي

26/08/2005, 10:17 AM

السلام عليكم ورحمة الله وبركاته

Wow, nice trip. I like the snow part.
I wish I can go to Abu Qamee9.

صلى الله عليه وسلم

النوخذة

26/08/2005, 11:20 AM

السلام عليكم ورحمة الله وبركاته
رسلان....... يعطيك الف عافية ..... تمنينا ان الجو يسكب معنا لكن خيرها في غيرها
والا المخطط كان على ليلتين
صقر ....... يشرفنا مرورك الكريم وتستاهل غدا الجمعة والعشا بعد اذا مالحقت الوقت
يعطيك العافية
( برى بحرى)....... مشكور اخوي الغالي
وتستاهل الصور واللي في الصور بعد
شاكر مرورك
كران ........ يعطيك العافية على مرورك
اما ربعك فعلاجهم بسيط وسهل
جمع لهم صور من المنتدى وخليهم يشوفون
وقول لهم ان الصيد هذا كله من منطقتنا لكن غوص :D
تسلم على الرد
كشات........ مهما وصفت لك في ذاك الحر ماراح توصلك المعاناة اللي واجهتنا
تصور وحنا نشيل العفش , كنا نركب السيارة كل خمس دقايق والمكيف شغال
ونريح كم دقيقة وبعدين نكمل شغل
يعطيك العافية على الرد
ابو مشك ........ اشكر مرورك الكريم ويعطيك العافية
لكن الحر مانسيناه حتى مع الصيد الحليوة :)
مشكور يا ابو مشك
سيفي ........ مشكور اخوي على الرد ولو اني مافهمت شئ
لكن بحاول ارد عليك with my full english
I was joking about the ice and rine , so dont belive evry thing you read
انا ادري اني جبت العيد في الاملاء لكن ارجو ان المعلومة وصلت
مشكور سيفي على المرور والتعقيب

تحياتي للجميع

النوخذة

27/08/2005, 03:02 AM

بالنسبة لك اخوي سيفي يمديك تكتب بالعربي
الطريقة طال عمرك اذا جيت الصفحة اللي ترد فيها على المواضيع , راح تلقى خانة ( اللي عليها السهم)
http://www.mekshat.com/pix/upload/images10/mk5291_123.jpg
اضغط عليها ووسع صدرك معنا بالعربي
ارجو لك الفائدة

ذيب الليل

27/08/2005, 05:38 AM

اسمك نوخذة ما عليه كلام لكن الحقيقة هذا الصيد يريد الشوي المباشر وبالهناء والعافية

MARINE

27/08/2005, 06:01 AM

السلام عليكم ورحمة الله وبركاته

اخوي النوخذه الله يعطيك الصحه والعافيه على هالموضوع

وبصراحه صورة في غاية الروعه ــــــــــــــــــــــــ> ابو الشباب ولا كأنه معك في الرحله :D

لكن خلها على ربك الجو تعبان بما تعنيه من كلمه والحمدلله نزلت علينا رحمة رب العالمين ورجعنا والا

العزيمة كانت على ليلتين ما بديت بقصور اخوي ابو عتيق وان شاء الله خيرها بغيرها

مع تحياتي لك

MARINE

الحداقه

27/08/2005, 01:18 PM

السلام عليكم ورحمة الله وبركاته

ما شاء الله صيد وافر والله يبارك لكم في صيدكم وبالهناء والعافية واخبارك يا نوخذة ومرين انشاء الله استمتعتم بالحر والرطوبة.........

وياليت كل واحد يوعد يوفي بوعده من زمان وانت تواعدني يا ؟؟؟؟؟؟؟؟؟؟ وما شفنا شي اف والله ما هقيتها منك يا اللي في بالي.....

على فكرة انا اشوف سمكة قرقفان كبيره حيل ما شاء الله ياليت توضح بالصورة او مشاركة ثانية تضع لنا هذي الصورة ترى انا احب سمكة القرقفان رهيب طعمه وشكرا......

وتقبل فائق احترامي............

النوخذة

27/08/2005, 02:46 PM

السلام عليكم ورحمة الله وبركاته
ذيب الليل
والله الشوي ماهوب شين ,لكن بعد هالرحلة يبغالك 9 ساعات تحت المكيف :D

MARINE مايصير خاطرك الا طيب :) , الرحلة الجاية ( مااعتقد انها تكون قبل شهر 10 ) بااصير انا المصور وانت بأخليك تعبي الشاشة في كل الصور
اما عن الحر , آآآآآآآآآهـ هـ هـ ه يالحر لاتذكرني ياشيخ , والله انها مأساة

يالحداقة وينكم يالحداقة
بلاش فضايح على النت يالحداقة :p , ترا MARINE يقول ويطول :D :D خخخخخخ

ياللي تقرون لا تصدقون تراني انا اللي مواعد الرجال وان شاء الله اني على الوعد
واذا ماحظك شئ هالمرة تراه بيجيك في المرات الجاية , بس اصبر لين يجي دورك في اللسته :D
والقرقفانة للأسف مافيه لها صورة لحالها لكن انا بااقص صورتها من الصورة الاصلية علشان تبين لك اوضح

وعساكم على القوة

النوخذة

27/08/2005, 03:08 PM

السلام عليكم ورحمة الله وبركاته

وهاذي لعيونك يالحداقة

http://www.mekshat.com/pix/upload/images10/mk5291_gergofan.jpg

عاد انت قارن حجمها بحجم الثلاجة وحجم اكبر هامور في الرحلة ( العود اللي تحتها )

وسامحني على القصور

الحداقه

28/08/2005, 09:22 AM

السلام عليكم ورحمة الله وبركاته

اف والله صار فيها ليسته وناس قبل وناس بعد اف يا ذا العلم لكن صدق من قال

ان ارسلت طيرا حرا تعشيت والطير الابراق ما به الا الصياحي

بعدين تغير الكلام على مارين والمسكين اعرفه قول وفعل وما يقصر لكن عرفنا الحين وش اللي لنا واللي علينا ......

وتقبل فائق احترامي

الصياد رامي

28/08/2005, 10:15 AM

السلام عليكم ورحمة الله وبركاته
مشاء الله, الله يزيدك من خيرة وشي جميل هذا :D . :confused: لكن كان عندي سؤال لماريني علمي ومعرفتي أن من سكا ن مدينة الظهران حي الدوحة كم الوقت المستغرق للوصول الي 0(موقع الصيد)0 يعني بو قميص.مع ألف شكر..... :j

النوخذة

28/08/2005, 09:58 PM

السلام عليكم ورحمة الله وبركاته
لاتزعل علينا اخوي الحداقة :) وترا الخير واجد
وبعدين لاتنسى انك واسطة ( يعني اكيد اسمك بينشال من تحت وينحط في اللسته من فوق )
ابشر بالخير ياابو ابراهيم

اخوي الصياد رامي اشكر مرورك والمشاركة
واسمح لي ارد عليك بالنيابة عن اخونا مارين
الدعوة لو حسبتها تطلع لك من الدوحة الى راس ابو قميص تقريبا........... والا اقولك خل مارين يعلمك :confused:
:D تراني امزح معك , والمسافة تقريبا 430 كيلو من الدوحة الى راس ابو قميص
وقول ان شاء الله انك بتروح وتصيد هناك

ابوسعد

28/08/2005, 10:59 PM

السلام عليكم ورحمة الله وبركاته

يعطيك العافيه يانوخذة على الصور الحلوه.... وبا الف صحه وعافيه على الصيد الوفير الكوكتيل

اخوك ابو سعد

سهم الشمال

fire-_-man

28/08/2005, 11:22 PM

السلام عليكم ورحمة الله وبركاته
الله يعطيك العافيه على الصور الطيبه ...

الحداقه

29/08/2005, 10:50 AM

السلام عليكم ورحمة الله وبركاته

ترى وعد الحر دين عليه وانا اعتبرها دين عليك اتفقنا قول تم………….

شكرا

MARINE

29/08/2005, 12:04 PM

السلام عليكم ورحمة الله وبركاته

اقول اخوي الحداقه ابشر باللي يسر خاطرك وما عليك من النوخذة ابو عتيق

وان شاء الله اني ابوصلك حقك واسمح لي والله ان نصيبي ماهو لي

وان شاء الله لنا لقاء قريب

تحياتي لك واحترامي لك

MARINE

SRDAL

29/08/2005, 12:15 PM

السلام عليكم ورحمة الله وبركاته

بصراحه انا اعجبتني القصه اكثر شي وان في انتضار الجزء الثاني لرحله موسكو .ههههههههههه

حياك الله اخوي بوعتيق وحيا الله اخوي الغالي بوخالد .

او شي الحمد لله على السلامه .

ماشاء الله صيد حلو وشكل الرحله ممتعه ... واهم شي بوخالد انبسط بس .

سلامي لك ولبوخالد .

تحياتي لكم .

srdal

النوخذة الأحسائي

29/08/2005, 04:42 PM

ماشاء الله لا قوة إلا بالله رحلة موفقه والحمد لله وعساه بالعافيه يا خوي بو عتيق أخوي بو خالد

تحياتي
بو فهد

gulfhunter

29/08/2005, 10:18 PM

السلام عليكم ورحمة الله وبركاته

حياك الله أ خوي ابوعتيق ................... ماشاء الله عليكم تستاهلون الزين .............. وان شاء الله بالعافيه ..................... فعلاً ماتخلي سوالفك....... اقول انكم مايوقفكم شي ..... ماشاء الله

والله يوفقكم ويبارك فيكم

النوخذة

29/08/2005, 11:15 PM

السلام عليكم ورحمة الله وبركاته

ما شاء الله عليكم ياشباب تغيبون وتطلعون كلكم مرة وحدة

ابو سعد الله يعافيك ومشكور على التعقيب

fire-_-man وانت اطيب يااخوي ومشكور على الرد

الحداقه ابشر ان شاء الله وتراه دين في رقبتي ;)

MARINE خل ابو ابراهيم علي ( تراه مايشبع :D )امزح ياابو ابراهيم :D

SRDAL الله يسلمك يابو نواف وان شاء رحلة موسكو الجاية راح تعجبك اكثر واكثر
اما ابو خالد عز الله انه انبسط مظبوط ( كنه وحره مقطوطة في الشمس وميبسة لها شهر :D ) ولاينلام ابو خالد والسبب الجو الخيالي اللي صادفنا ذاك اليوم

الله يعافيك ابو فهد ويسلمك (وين هالغيبة اخوي ؟؟ تراني انبسط لاشفت مشاركاتك )

مشرفنا الغالي gulfhunter الساعة المباركة اللي شفنا فيه ردك ولايهون باقي الاعضاء وان شاء الله السوالف الجاية ازين

تحياتي للجميع
اخوكم النوخذة

ابوماجد

30/08/2005, 02:30 AM

هني وعافية
يانوخذتنا
بأسلك لك معرفة بام حويض
الاسبوع هذا انا هناك الخميس الجاي اذا ربك سهل
في اماكن غوص حلوة اهناك (سنوركل)بس يبلها نواخذه مثلك وشرواك
نتمنى نلتقي يوم اهناك تعلمنا بعض الحركات

دمت بعافية

الحداقه

30/08/2005, 07:28 AM

هذا عشمي فيك يا بوعتيق
لكن احس ما طلعت منك الا بعد ما تدخل بوخالد بيض الله وجهه اعرفه زين بوخالد قول وفعل.........
صراحة احرجتني بردك يا بوخالد بس يا ليتك تعطي دروس عن الحياة مع اللي انت خابر..........

لكن على العموم ما قصرت وبارك الله فيكم..........

وبالسلامه.........

ملاحظة/ لا تنسى الوعد يا بوعتيق اوكيه

MARINE

31/08/2005, 11:30 AM

السلام عليكم ورحمة الله وبركاته

هلا بك اخوي الغالي ابو نواف وابشرك الحمدلله انحرقنا شوي لكن انبسطنا وان شاء الله انك انبسطت انت بعد.

ومعليه انا وحره مقطوطه في الشمس لها شهر، بس ما ادري ايش الفقمه اللي تنام في عز الظهر على سليب باق

لا والمشكله بدون قميص :D والشمس سنتر

اخوي الحداقه تسلم لي والله وابشر باللي يسرك وان شاء الله الرحلة الجايه تكون معنا

تحياتي لك

MARINE

danah

31/08/2005, 04:18 PM

mashkooooooooooooooooooooooooooooor

النوخذة

01/09/2005, 12:55 AM

السلام عليكم ورحمة الله وبركاته
ابو ماجد الله يعافيك ويطول عمرك وشرواك الطيب
للأسف اخوي :( ام حويض ماجيتها الا مرة يوم اني فرخ وكل اللي اذكر منها ان حنا صدنا كنعدة وحدة لفاح
لكن اذا رجعت انت منها بالسلامة علمنا عن طبيعة المنطقة يمكن نغزيها سوا :good2:

الحداقه ان شاء ماننساك ابد ياابو براهيم

MARINE فقمة مرة وحدة :mad:
زين ....... اوريك يالميبس :D الوعد في الطلعات الجاية
( :good2: تمون ياابو خالد :good2: )

danah الف شكر على المرور والتعقيب

Keynes

01/09/2005, 02:45 AM

يعطيكم العافية شباب على هالصيد الحلو ... وانشالله موفقين في المرات الجاية

النوخذة

01/09/2005, 07:54 PM

السلام عليكم ورحمة الله وبركاته
الله يعافيك Keynes ويوفقنا وياك ان شاء الله

TAI CHI

02/09/2005, 02:11 AM

السلام عليكم

ماشاء الله تبارك الله على الصيد .. بس عندي سؤال هل تم الصيد بالسبيرقن الربل او الهوائي .. لأنني ما ني محترف صيد واغلب صيداتي اسماك صغيرة بس حبيت اتعلم منكم .. وانا من السعوديه ومن الغربية وسبق ان اشتريت بندقيه صيد ربل ماركة بوشات بس ضاعت مني الأسبوع الماضي وسط الأمواج حيث نزلنا في منطقة امسها الكورنيش الجنوبي في جده وحيث كان الموج شديدا للغاية لم نستطيع الغوص بتاتا وكل غواص منا ضاع عليه شيىء في ذلك اليوم انا ضاع علي البوشات واشتريته قبل مده بحوالي 450 ريال وافكر حاليا في شراء بندقيه صيد بحري هواء من ماركة مارس بس متردد اغلب اصحابي نصحوني بالبندقيه العادية ابو الربل بس متردد الى الان ومنتظر نصيحتكم ومرة اخرى مبروك على الصيد ..

على فكرة عندي سؤال اخر

هل الصيد بالبوت او القارب افضل من الشاطىء .. لأنني بصراحة ما عمري نزلت غوص بالبوت وحابب اجرب الصيد عن طريق البوت ايش ارائكم يا اخوان .

والسلام عليكم . ،،،

النوخذة

02/09/2005, 03:36 PM

السلام عليكم ورحمة الله وبركاته
اولا اخوي TAI CHI اشكر مرورك على الموضوع
واجابة سؤالك يبغالها مشوار في الصيد بالمسدسات البحرية لكن بأحاول اختصر لك الإجابة
الصيد اللي شفته كان بنوعين من المسدسات (السير والهوائي ) بتقول ليش بنوعين ؟؟ انا اعلمك
طال عمرك حنا ننزل للصيد في الليل بالمسدسات الهوائية حجم 70 سم والسبب انها قصيرة وقوية وتركيب السهم بعد الرمي اسرع من تركيبه في المسدسات السير بس مشكلتها ان رميها محدود المسافة (يعني ترمي شئ قريب وبس ) وعلشان سمك الليل دايما قريب او واقف , لهاسبب مايحتاج ننزل بالمسدسات السير
مسدسات السير ننزل فيها في النهار وهي قوية جدا واغلب اللي يستخدمه اللي محترفين الشغلة , يكون طويل فوق المعتاد , ومرة ثانية راح تقول ليش انا بأقولك ليش
مسافة الرمي بالمسدسات المائية في الماء تعتمد على طول المسدس , يعني كل ماطال المسدس زادت المسافة اللي ممكن ترمي منها وعلشان هالسبب حنا ننزل فيها في النهار , لأن السمك في العادة يكون حذر ومايقارب
وهنا تجي اجابة سؤالك (اذا انت ناوي تنزل ليل انصحك بالهوائي , اما النهار يبغاله مسدس طويل )
ايضا فيه ميزات بالنسبة للسير ممكن تخليك تشتريه الا وهي سهولة صيانتها ( وهاذي نقطة مهمة جدا )
لكن الهوائيات صيانتها اصعب وقطعها مش متوفرة على طول
بالنسبة لتساؤلك الاخير للأسف اخوي انا ماانزل الا من الأسياف ( الشواطئ ) او على جزر بحيث يكون السيف قريب ومع ذلك اقولك ان صيد السيف برضو كويس ( كني قلبت مصري ) والدليل شوف مشاركاتي انا وقريبي MARINE وشوف الصيد راح تلقاه كله صيد سيف
ارجو اني اكون وفقت في ايصال المعلومة مع تمنياتي لك بالتوفيق في رحلاتك

ابو السردين

02/09/2005, 03:46 PM

السلام عليكم ورحمة الله وبركاته
يعطيكم الف عافيه ياشباب هذا الصيد ولا فلا
الله يزيده كمان وكمان
:D :p

TAI CHI

03/09/2005, 01:58 AM

السلام عليكم

ما شاء الله عليك سريع في الإجابه مثل الصيد والله يبارك في صيدكم .. بالفعل هذا ما كنت افكر فيه .. بحيث يكون لي عدد 2 مسدسات صيد بحري ليل ونهار .. بس القهر ان مسدسي البوشات ضاع مني وهو ما زال جديد ولكن العوض من الله .. الله يبارك فيك اخوي ما قصرت .

والسلام عليكم

lone

05/09/2005, 04:52 PM

السلام عليكم ورحمة الله وبركاته...

حياك الله اخوي النوخذه ولا يهون الاخوان الباقين... ومشاء الله صيد طيب مع اني شفته على الطبيعه...

اولا... شكرا على السمك اللي عطيته الشباب ، بيض الله وجهك وما قصرت ونعوضك فيها بالجايات انشاء الله...
ثانيا... كان ودي ان جتنا فرصه وحدقنا بخيوطنا وغزولنا ونشوف ونستكشف ابو قميص عدل لأن الشباب اللي كانو معاك في الرحله ترا يحبهم قلبك بس ما الله قسم. ظرف خوينا هو اللي رجعنا بدري وما ادري هي ((((رحمة من الله)))) والا نعزي خوينا فيها.
ثالثا... انا ما ابغى اتشره او اصير غثيث، بس ياليتك ذكرت الشباب اللي كانو معاك في الرحله، خلني انا عنك، انا اتكلم عن الشباب اللي شالو وحطو وحملو السيارات والعزب وتوسطو عند سلاح الحدود وكلمو فلان وفلنتان وانصبو الخيمه وجهزو لك المقعد والفيه عشان لا طلعتو تحصلون لكم مكان تقعدون فيه. لا ولو ما ان عمة خوينا توفت ورجعنا كان شفت منهم اللي يطيب خاطرك.

ارجع واقول انا ما اتشره، وكل واحد وعذره معه. وانشاء الله تجمعنا رحلات جايه غير هذي وتشوف منا اللي يسرك.

اخوك
ابو عبدالله...

النوخذة

10/09/2005, 07:24 PM

السلام عليكم ورحمة الله وبركاته
اخوي lone فرصة حلوة اللي جمعتنا في راس ابو قميص
لكن ليتك ماذكرت الموضوع كله وانا اتوقع ان اللي بيقرأ كلامك اكيد بيفهم غلط
اولا انا رحت راس ابو قميص اكثر من مية مرة ولا اذكر اني احتجت لواسطة للدخول وثانيا انا ومارين مارجعنا الا الحر و الشباب ابد مانسيتهم لكن زي ماذكرت لسه ماصارت الفرصة ان حنا نتعرف عليك وعليهم وبعدين كلامك ان الشباب جهزو لنا المقعد والفيه معناه ان حنا مانصبنا الخيمة ولا نزلنا الاغراض سوا ولا جبنا العزبة في موتر خوينا من والى الدمام واخر شئ انا شخصيا اظن انه مافيه داعي تذكر ظرف خويك وتخلي الشباب يشاركونك احزانك
انا مارديت من شئ في نفسي لكن ردك اخوي اللي يقراه يظن اني غلطان عليكم

lone

11/09/2005, 10:52 AM

حياك الله اخوي النوخذه، وعلى قولتك فرصه حلوه اللي جمعتنا سوى...

اولا... اخوي انا لولا المعزّه ما عتبت ، واسف اذا ذكرت شي ما عجبك...

والفضل لله ثم لكم انا وصلنا ابوقميص...

واسف جدا اني شاركت الشباب باحزاني...

واسف اذا احد فهم انك غلطان علينا...

بس سؤال... هل فعلا الحر اللي رجعكم ؟؟؟؟؟!!!!!!!!!!!!!!!!!!!!

يعني ظرف خويكم ما كان يعني لكم اي شي ؟؟؟؟؟؟؟؟!!!!!!!!!!!!!!!

heshamreef

12/09/2005, 10:37 PM

الحمد لله والصلا والسلام على سيدنا محمد صلبى الله عليه وسلم................ جزاك الله خيرا كل مواضيعك شيفه جدا وديما بتشدنى وكلها مثمره وفعلا انت عضو فعال جدا .................................................. .........عنى سؤال لو امكن؟.....................انا هاوى حديث جدا وعاوز اعرف انواع الطرق اللى انت استخدمتها فى المره دى ولو امكن بالفصحى انا من مصر وباصطاد فى البحر الاحمر................. ولك جزيل الشكر

النوخذة

13/09/2005, 02:13 PM

السلام عليكم ورحمة الله وبركاته

lone

اي نعم .... الحر هو اللي رجعنا

اخوي heshamreef

اولا اشكر مديحك وإطرائك وشهادتك هاذي اعتز وافخر بها
بالنسبة للصيد اللي شفته كان كله صيد أثناء الغوص بالمسدسات البحرية وكان في غوصتين واحدة ليل والثانية نهار وطبعا غوصة الليل صيدها اكثر دائما لكن مافيها متعة
حياك الله معنا في الخيمة البحرية اخوي heshamreef