الصيد بطريقة الخيه مع الصور

[غواص أغبر]

السلام عليكم ورحمة الله وبركاته

الخيه : خيط وفيه ميادير واجد .......
غلينا خيتين الاولى 800 ميدار
http://www.mekshat.com/pix/upload/images10/mk14519_dsc00730.jpg

قطعنا الطعم (خثاق)

http://www.mekshat.com/pix/upload/images10/mk14519_dsc00720.jpg

http://www.mekshat.com/pix/upload/images10/mk14519_dsc00719.jpg

وصيدها كما في الصور

http://www.mekshat.com/pix/upload/images10/mk14519_dsc00869.jpg

http://www.mekshat.com/pix/upload/images10/mk14519_dsc00875.jpg

http://www.mekshat.com/pix/upload/images10/mk14519_dsc00880.jpg

http://www.mekshat.com/pix/upload/images10/mk14519_dsc00885.jpg

والخيه الثانيه 400 ميدار

http://www.mekshat.com/pix/upload/images10/mk14519_dsc00801.jpg

وصيدها كما في الصور

http://www.mekshat.com/pix/upload/images10/mk14519_dsc00906.jpg

http://www.mekshat.com/pix/upload/images10/mk14519_dsc00920.jpg

انشاء الله اعجبتكم

[( برى بحرى)]

ما شاء الله شغل عدل

هذا بالكويت عندها نسميها مشبك او مشنه

وهى الان ممنوعه من قبل الثروه السمكيه اذا انا مو غلطلن

مشكور على الموضوع والصور الطيبه

[كران]

هلا بالغواص ..

صيدٍ مبارك وبالتوفيق للجاي

هذي الطريقه طال عمرك يسمونها عندنا بـ أكثر من اسم

منها ( مناشل ) ( مشكّات ) واذا بالرقوق تسمى ( مد )

هذي طال عمرك يصير الشغل فيها على كيف كيفك من شهر 11 انجليزي

خاصه فوق الاقواع .. وتعدم لك السبيطي على اطراف الخوارير لاصارت الميده والا المنكوسه تلق :d

تحياتي لك يابطل

[كشات]

بسم الله الرحمن الرحيم

وعليكم السلام ورحمة الله وبركاته

ماشاء الله عليك ياغواص

صيد حلو وتشكيله زينه

بارك الله فيك
وكثر الله خيرك ماقصرت على الموضوع والصور اللي تفتح النفس

[صقر]

مشكور اخي غواص اغبر على هذه المشاركة الرائعة والصور الجميلة.

وبارك الله فيك.

[ابو مشك]

ما شالله تبارك الله وش هالزين كله

ياليت اخوي توضحلنا هالطريقة كم المسافه بين الميدار والميدار الي بعده وطريقة ربطها وأكون لك من الشاكرين.

[غواص أغبر]

مرحبا بالجميع وحياكم الله

اخوي بري بحري
مشكور على المعلومات تسلملي
عندنا بقطر مسموح الشيخ ومشكور على المرور

اخوي كران
صدقت اخوي في موسم البرد الصيد يزيد
جزاك الله خير على الرد

اخوي كشات
تسلم للي كلها بركات ردك على الموضوع السابق (صور) انت وخي النوخذه
جزاك الله خير

اخوي mekshatcom
الخيه هي الي بصوره الاولى نصف مطاره وفيها خيط طويل على حسب كم ميدار ودك اتحط مثال (40 ميدار احتاج خيط طوله تقريبن 60 تركب الميادير بترتيب وتعلقهم في المطاره عشان مايتشربك الخيط )
انشاء اني وفقت بالشرح ولا تراك معزو على طلعه بالخيه ومرحبابك في مكشات بانيابه عن الجميع

اخوي صقر
تسلم على الرد وجزاك الله خير على الهديه

اخوي بومشك
المسافه تقريبن متر ونصف الى مترين اما طريقه الربط اسمحلي ماعندي اصور لها (اخوك ماهو خبير كمبيوتر )
جزاك الله خير

[النوخذة]

السلام عليكم ورحمة الله وبركاته
ماشاء الله عليك اخوي وطريقة رهيبة
لكن العدد الهائل من الميادير وصيد قليل , يجيب لي احباط
1200 ميدار لو تحطهم في راس ابو قميص تطلع منهم 1193 سمكة :D
عموما طريقة ممتازة , بس ماادري الخيط ماينحاس ولا يتعلبك في هالزحمة ؟؟:confused:
خارج الموضوع
الهامور اللي في التوقيع وش صايده فيه ؟؟
ذا شكله هيب ماهوب سهم مسدس :D :D

[SRDAL]

السلام عليكم ورحمة الله وبركاته

يعطيك العافيه اخوي غواص اغبر على هالموضوع الي بصراحه اكثر من مميز ...

وعلى التصوير الرائع .

وبالتوفيق في المرات المقبله اكثر واكثر .

تحياتي لك .

srdal

[gulfhunter]

السلام عليكم ورحمة الله وبركاته

حياك الله أخوي غواص اغبر ......... ماشاء الله عليك صور اكثر من رائعه...... تستاهل الزين ............. بالعافيه اخوي ومشكور وماقصرت على الصور الحلوه

الله يوفقك ويبارك فيك

[غواص أغبر]

السلام عليكم ورحمة الله وبركاته
مرحبابك اخوي النوخذه
صحيح العدد كثير لكن توافيق والحمدلله على كل حال وتراى المكان له دور طبعن
ابو قميص مشروع طيب على يدك
اما الخيط اذا فليته عدل وهو مركب عدل ماعندك اي مشكله
هيب مره وحده هذي طريقه صيد جديده ......هاهاهاهاهاهاها
لا اخوي بالمسدس طبعن مشكور على التعليق

مرحبابك اخوي SRDAL
تسلم على التعليق وعلى فكره فصلت لي طراد 35 قدم عند الختال بيخلص قريب
انشاء الله ...بس القصه القديمه

مرحبابك اخوي GULFHUNTER
الله يعافيك جزاك الله خير على المرور والتعليق

[أبوفيصل]

هلا بالغواص ..

صيدٍ مبارك وبالتوفيق للجاي

هذي الطريقه طال عمرك يسمونها عندنا بـ أكثر من اسم

منها ( مناشل ) ( مشكّات ) واذا بالرقوق تسمى ( مد )

هذي طال عمرك يصير الشغل فيها على كيف كيفك من شهر 11 انجليزي

خاصه فوق الاقواع .. وتعدم لك السبيطي على اطراف الخوارير لاصارت الميده والا المنكوسه تلق :d

تحياتي لك يابطل

ما أدري ليش احس إني أعرفك .. من يوم قلت مناشل .. ورقوق .. وخوارير!!!!

[mhamli]

الاخ الكريم بارك الله فيك على هذا الموضوع والذي اظن اني سأجربه لو انك فسرت لي بعض الكلمات باللغة العربية الفصحى فاني لا أفهم اللهجة الخليجية ( انا من تونس)
1- الخيه : خيط وفيه ميادير واجد .......
غلينا خيتين الاولى 800 ميدار ( لم افهم)
2-(خثاق)
3-نصف مطاره وفيها خيط طويل على حسب كم ميدار ودك اتحط مثال (40 ميدار احتاج خيط طوله تقريبن 60 تركب الميادير بترتيب وتعلقهم في المطاره عشان مايتشربك الخيط )
وبارك الله فيك

[النوخذة]

السلام عليكم ورحمة الله وبركاته
اخي mhamli معليش لكني ضحكت لملا شفت الأسئلة هاذي وانا اعتذر عن نفسي لأنه فيه كلمات كثير مالها مرادف في العربية الفصحى
ومعليش لو تجاوزت اخونا غواص أغبر وقمت بالرد بدلا منه

- الخيه : خيط وفيه ميادير واجد .......
ميادير جمع ميدار وتعني سنارة او هوك باللغة الإنجليزية

غلينا خيتين الاولى 800 ميدار ( لم افهم)
هنا فيه خطأ إملائي وكان الرجال يقصد فلينا وليس غلينا
وكلمة يفل معاكسة لكلمة يطوي والطي معروف

2-(خثاق)
يعني الحبار

-نصف مطاره وفيها خيط طويل على حسب كم ميدار ودك اتحط مثال (40 ميدار احتاج خيط طوله تقريبن 60 تركب الميادير بترتيب وتعلقهم في المطاره عشان مايتشربك الخيط )
المطارة يااخي تعني قنينه (لكن حجمها جبار مثل الزرقاء اللي في الصور) والرجال قال نصف كان يقصد انه قصها نصفين
خيط طوله تقريبن 60الرجال كان يقصد ان حجم الخيط 60, ملم

هذا اللي انا قدرت عليه واذا الشباب عندهم زيادة , ان شاء الله ماراح يتركونك
تحياتي للجميع
النوخذة

[mhamli]

الله يبارك فيك
واريد المزيد وجزاكم الله خيرا

[الكشاح]

الاخ غواص اغبر....طريقه جيدة لصيد وفي الامارات تسمى مناشل...ولكن النصيحه للجميع..يجب توخي الحذر عند رمي الميادير.لانها خطرة وممكن تشبك في الاصابع..وخاصة عندما يكون الطراد يمشي...وانصح الاخوه المبتدئين..بالاتتباه لخطورة هذة الطريقه

مع تمنياتي للجميع بالسلامه

اخوكم الكشاح

[كران]

ما أدري ليش احس إني أعرفك .. من يوم قلت مناشل .. ورقوق .. وخوارير!!!!



وش رايك نمشي للـ صداهـ :)

[غواص أغبر]

مرحبابك اخوي mhamli

سامحني كنت في السفر واليوم بس شغلت الكمبيوتر
جزاك الله خير

مرحب والله بالنوخذه المسعف

جزاك الله خير على الراد عني وفيه هديه عشانك بعنوان ( التنور لصافي )

مرحبابك اخوي الكشاح

مناشل صحيح ومثل ماتفضلت خطره وخاصه اذا الطراد يمشي جزاك الله خير

[heshamreef]

والله ياخى كويسه جدا الطريقه دى جزاك الله خيرا وفرصه نشكر الاخ النوخذه على التوضيح

[غواص أغبر]

مرحبابك اخوي heshamreef

وجزاك الله خير وفعلا النوخذه يستاهل الشكر

[معذب الشعري]

ماشاء الله تبارك الرحمن على ها الصيد ياغواص وبالتوفيق في جميع رحلاتك

[كاتم البحار]

مشكووووور على الموضوع
بس عندي سؤال : كيف نستخدمها

[معذب الشعري]

ماشاء الله الظاهر انا الحين بسوي خيه هههههههههه مشكور على الصور وجزاك الله خير

[كنعان]

ما شاء الله
اخوي تخبرني كيف طريقة الصيد بالخيه تراها شي جديد علي ؟
تحياتي الصياد الجديد

[طلحة]

السلام عليكم
أخوي mhamli أنا من السعودية ولم أفهم كلمة مما قيل في هذه المشاركة، قاعد أقرأ وكأني أقرأ عبري مو عربي، ولولا توضيح الأخ النوخذة جزاه الله خيراً لشككت في لغتي.
أخوي هذه مصطلحات صيادين محلية ما يفهمها إلا هم. بل إنهم مختلفين بالتسميات كل واحد يعرف الخية باسم مختلف فكيف سيعرفها المساكين من أمثالي الذين لم يطلعوا رحلة صيد بحري ولو لمرة واحدة.
أنا أشهد إن هذا علم وخبرة ما هو أي واحد تطق في رأسه يروح ينزل البحر
الله بوفقكم أخواني ويهنيكم بصيدكم الطازج أما أنا فحدي الشركة السعودية للأسماك

[mhamli]

السلام عليكم
أخوي mhamli أنا من السعودية ولم أفهم كلمة مما قيل في هذه المشاركة، قاعد أقرأ وكأني أقرأ عبري مو عربي، ولولا توضيح الأخ النوخذة جزاه الله خيراً لشككت في لغتي.
أخوي هذه مصطلحات صيادين محلية ما يفهمها إلا هم. بل إنهم مختلفين بالتسميات كل واحد يعرف الخية باسم مختلف فكيف سيعرفها المساكين من أمثالي الذين لم يطلعوا رحلة صيد بحري ولو لمرة واحدة.
أنا أشهد إن هذا علم وخبرة ما هو أي واحد تطق في رأسه يروح ينزل البحر
الله بوفقكم أخواني ويهنيكم بصيدكم الطازج أما أنا فحدي الشركة السعودية للأسماك

وعليكم السلام
لا أدري ماذا أقول لك سوى الله يسهل لك في رحلة بحرية
اما انا والحمد لله فلست ممن اشتري السمك من السوق بل دائما أجد في الثلاجة ما يسد الرمق عند الحاجة من صيدي
وبالنسبة للالفاظ المستعملة فهي صحيح للصيادين ولكن المقام يستدعي على الاقل التكلم باللغة العربية لاننا على النات.
والسلام عليكم
http://www.mekshat.com/pix/upload/images12/mk14780_4-picture1.jpg

[حاقد على لخمه]

ما قصرت اخوى

[حاقد على لخمه]

السلام عليكم
مبروك عليك الصيد وجزالك الله الف خير

[أبو ثا بـت]

تسلم والله .. على الشرح .. ولاتبخلون علينا بمزيد من التفاصيل .. وماقصرت .

[الضاري]

عليكم بالعافية

ولو أني أول مرة أسمع بهالمصطلحات

بالتوفيق إن شاء الله

[aziz2727]

ما شاء الله ما شاء الله
عليكم بالعافية وشغل حلو والله

[أبو عوف]

مشكور اخي غواص
خووووش صور

[أبوفيصل]

وش رايك نمشي للـ صداهـ :)

الغالي كران

لي فترة ما دخلت على النت أو بالأصح ما مريت مكشات

الصداه :eek:
عز الله إنك جبتها
لا يكون من ربع الباص هههههههههههه
أعترف .

الله يحفظك

[Alhzzen]

يعطيك العافيه ماتقصر\

شكرا