لاتطلع للبر او تسافر لوحدك الا للضروره..... فالراكب شيطان

[عاشق الموطن]

http://www.mekshat.com/pix/upload01/prof010/mk35576_mk67496_rthy.jpg





قصتنا واضحه من موضوعها ....حبيت انقلها لكم للعظه والعبره
وذكر الإمام الألباني رحمه الله في السلسلة الصحيحة هذه الأحاديث :
1- " نهى عن الوحدة : أن يبيت الرجل وحده ، أو يسافر وحده " .
2- " لو يعلم الناس في الوحدة ما أعلم ما سار راكب بليل وحده أبدا " .
3- " أن رجلا قدم من سفر ، فقال رسول الله صلى الله عليه وسلم : من صحبت ؟ فقال:ما صحبت أحدا ، فقال رسول الله صلى الله عليه وسلم :
" الراكب شيطان و الراكبان شيطانان و الثلاثة ركب ".


http://www.mekshat.com/pix/upload01/prof010/mk35576_wes.gif


القصه ومافيها يحكي لي احد الزملاء قصه لاحد اخوياه الرجال متعود يطلع لوحده دائما مره من المرات اخذ عزبته
واغراضه وطلع كالعاده يقول نزلت عزبتي وشبيت ناري سويت لي قهوه وشاهي تقهويت وانبسطت زليت باقي القهوه في ثلاجة قهوه معي المهم وانا جالس واسج بافكاري هنا وهناك والليل سكون والجو هادئ الا في هاك الصوت الغريب سمعته حولي ..(كخخخخ ) المهم قلت امكني اتوهم وشوي الا ونفس الصوت(كييييخ) واقوم واتعوذ من الشيطان واخذ لي لفه حول مكاني ..مافيه شي وارجع اجلس بمكاني الا والصوت مره ثانيه....
واقوم اشغل السياره وضفيت عفشي واغراضي وعزبتي واقفل الموتر علي واخذ لفه بالسياره حول المكان الا ومافيه شي واوقف السياره واطفيها الا والله الصوت وراي بالسياره (كخخخخخخ) طار عقلي قلت ياولد بس هذا جن والعياذ بالله والله واهدأ شوي واقرا المعوذات الا والله الصوت من قريب ويتكرر واقرب .....شوي
شي ماتوقعته مره




..............
.......
....
...
......
.......
.............





طلع الصوت من غطاء ثلاجة القهوه


يالله لك الحمد والشكر مسكت على قلبي وحمدت الله على السلامه وتوبت بعدها اطلع لوحدي
وصدق الرسول الكريم الذي لاينطق عن الهوى

[فارس034]

هههههههههه حصل لي هذا الموقف بس في البيت ما توقعت ان الصوت من ثلاجة القهوة الا بعد ما حست المجلس.


مشكوور على النقل الجميل

[ولد الدواسر]

مرة من المرات ماسك خط الرياض من الوادي على جمس 99 والمسجل خربان المهم اناظر في المراية
واشوف زول واحدن راكب ورا والله واصنم ولا التفت لين اقرب محطة
والتفت والقاه الشماغ معلقه ورا ونسيت :)

[محمد الظاهري]

ههههه
قصه مضحكه
بارك الله فيك ياغالي على القصه الطريفه
والله ما يلام من الخوف ما يدري وش الصوت
تحياتي لك
اخوك

[طفران بس بطران]

ههههههههههههههههههه

[راكان الظاهري]

سلمت يمناك على السالفة الطريفة
الحمد لله طلع الصوت من الثلاجة والرجال تلقاه تقطع من الخوف

[االكريزي]

هههههههههههههه

يعطيك العافيه على القصه

لاهنت

[عاشق الموطن]

هههههههههه حصل لي هذا الموقف بس في البيت ما توقعت ان الصوت من ثلاجة القهوة الا بعد ما حست المجلس.


مشكوور على النقل الجميل



بارك الله فيك واشكرك على مرورك

[عاشق الموطن]

مرة من المرات ماسك خط الرياض من الوادي على جمس 99 والمسجل خربان المهم اناظر في المراية
واشوف زول واحدن راكب ورا والله واصنم ولا التفت لين اقرب محطة
والتفت والقاه الشماغ معلقه ورا ونسيت :)



اشكرك اخوي ولد الدواسر على مرورك
وفعلا الواحد ماينلام اذا كان وحده تجيه هواجيس وافكار وتصورات وتخيلات غريبه

[بن نقا]

الحمد لله على سلامته في القصة طرافة ولاتخلو من العبرة ...
محاكيكم ما أسافر إلا بالليل ولحالي أغلب الأحيان وأعلم عن النهي في ذلك ولكن للغربة أحكام المهم إني صراحةً أستاحش أحيان بالخط أحس كأن معي أحد ... ولكني أسمي وأتعوذ بالله من الشيطان وأهيجن لما أوصل طرقتي ..
وقبل ذلك أكون قد تحرزت بدعاء السفر ...

[نقطه]

شفتم لو الثلاجه هاذي لي كان عذرت منها وكسرتهاااا

تروا الفجعه ماهي هينه

طيب ليش يقولون الوحـــده خير من جليس السوء

[عاشق الموطن]

ههههه

قصه مضحكه
بارك الله فيك ياغالي على القصه الطريفه
والله ما يلام من الخوف ما يدري وش الصوت
تحياتي لك

اخوك






اشكرك اخوي محمد الظاهري على المرور

[عاشق الموطن]

ههههههههههههههههههه



اضحك الله سنك
واشكرك على المرور

[أطلال نجد]

مقالب الترمس ما تنتهي

محاكيكم في الدوام ولحاله في المكتب وتوه متقهوي ويكتب الرد على صوت كخخخخخخخخخخ

متعود على هالكخه كل يوم :p

تحياتي

[تباشير]

ههههههههههههه

الله يستر تقبل مروري

[G.M.C]

هههههههههههههههههههههههههههههههههههههههههههههههههه ه
والله لارمي الثلاجه وانحاش
عاد المشكله اني اسافر لحالي والحمدالله ماقد صارلي موقف والمشكله الثانيه احب اسافر باخر اليل و لحالي ولا اداني يكون معي احد بعد ماقريت موضوعك حسيت ان فيني جني

[ذيب الداهية]

الله يعطيك العافية على العظة والقصة الجميلة
اشكرك

[Ss7]

صوتها يخرع الله لا يرده , يخليك توسوس غصب

[برق السيل]

الله يعطيك العافيه قصه مخيفه ومضحكه في نفس الوقت
والله صارت معي امرار ومنها احد المرات وان وقتها في اثناء دراستي قبل 20 عاما في فترة الاختبارات
جالس بغرفه لحالي ومنهمك في الدروس وثلاجة الشاي جنبي وطبعاً كان الاهل برى البيت وشوي واسمع صوت
ثم اختفى واجلس اتسمع راح الصوت رجعت للمذاكرة والى وشوي يظهر الصوت مرة اخرى واسكت واسمي بالله
قلت في خاطري لا والله رحت ملح اليوم البيت فاضي واصوات غريبه شكلي بنحاش واروح برى في الحوش علشان لو جاء اي شي اكون برى والناس تسمعني ورحت وفرشة الفرشه مااحد قدي وسويت نفسي اني ماني خايف وعين على الكتاب وعين على باب البيت طبعاً ثلاثجة الشاي كانت رفيقتي في الحوش وشوي والى ذاك الصوت الي في الغرفه اسمعه في الحوش المره هذي ايقنت ان الموضوع وصل حده والمقصود انا وفي هذه الاثناء يدخل اخوي علي من باب الحوش
ويوم شفته قلت الحقنيوانا اخوك ترى بيتنا فيه جني ( بسم الله ) قال وش تقول انت قلت الي سمعته قال كيف عرفت قلت كنت في الغرفه وسمعت صوت غريب وطلعت للحوش ونفس الصوت طلع معي قال اجلس واذكر الله وخلني اجلس معك ترى الصوت يطلع وشوي والى والصوت يطلع قلت شفت الموضوع كبير قالي انحش وقمت اول واحد طالع من باب الحوش وهو الله يسامحه جلس يضحك علي وقلي ارجع امزح عليك قلت انت صاحي شكلك ما نت اخوي شكلك منهم
قال تعال هذي ثلاجة الشاي والصوت منها وهذي صارت معي قبلك تعال
وبعدها توبه ما اشرب الشاي الى في البراد وسويت مقاطعه للثلاجه
:):):):):)
وشكراً

[jgjc]

يعطيك العافيه

[عاشق الحجاز1]

نعم صدق الرسول صلى الله عليه وسلم وشواهد الواقع اكثر من ان تحصى

بارك الله فيك ورحم والديك

[قولد]

بارك الله فيك ابو محمد

صدق نبينا محمد صلى الله علية وسلم الذي لا ينطق عن الهوا

تقبل مرورى

[ساحووق]

ههههههههههههههههه

انا قلت اكيد انه جن شايب هههههههههه ومايعرف يتكلم

[mr.salih]

ههههههههه
أضحك الله سنك
وبارك الله فيك على المقدمة الجميلة

[ملك الفكتوريا]

ههههههههههههههههههههههههههههههههههه اما ولد الدواسر هع هع متخيل الموقف

[hightech]

الله يستر

والله اني دايم بلحالي وبسبب الحديث هذا فكرت اني اجيبلي خوي بفيزه مرافق :D
مره من المرارير طلعت من الرياض الى الصمان وكان مروري من عند العرمه
الساعة 3 فجرا وكنت انا الوحيد في الطريق بطوله كله والصراحة اني ندمت اشد
الندم لان كان فيه واحد على طرف الخط يأشر (الكلام هذا قبل عشرين سنه تقريبا )
يعني الطريق بالنهار بس بالليل الدعوى مقطعه المهم اني حطيت رجلي وخذ من
التخيلات مره يطل مع الدريشه ومره راكب في الحوض المشكله ان الدنيا كلها ضلمى
يعني ماشوف الا نفسي في القزازه واحسبها جني وكانت ليلة رعب الله لايوريكم ....
الحمدالله ان ماكان معي زمزمية شاهي والا كان هالحين انا بشهار نسأل الله العافيه