مشــــكله تبي لها مجرب منهو ياترى ؟؟؟تفضلوا

[خوي المناعير]

السلام عليكم ورحمه الله وبركاته
يالربع يالاجاويد انا عندي حر من جير (تفريخ) المهم الطير بكر (ثنو) المهم الطير لاحظت عليه مايرتفع الحمامه يلحقها ويتعداها يبيها تنزل ويعلقها احيانا بس اذا الحمامه عقبته وارتفعت على طول حل عنها والا مع الارض الله يستر عليه لو هو صاروخ بس مايرتفع لحقه ابي حل تكفون يخليه يرتفع ابي واحدن مجرب والا يعرف له حل وتقبلوا مروري علما ان الطير ماهو للبيع

[ضاري التميمي]

اخوي بـ أعطيك اكثر من حل
ولست بعالم وفيه من هو ابخص مني بكثير من الربع
الجير(التفاريخ) دائماً ماتكون فيه هذه المشكله وخاصه اذا لم يصقر صح وهو فرخ
ناهيك عن النسيان فهو لم يتربى بالطبيعه
فالذالك بـ أعطيك اكثر من حل والله يطرح فيهن البركه
1_الطير ماجاه جرد واجد يعني مافيه لياقه
فلذلك لاتعطيه حمام سبوق بالحيل يعني ابدأ معه بشويش اليوم الاول عطه وحده منتوف منها اكثر من ريشه
وهكذا
كل يوم عطه وحده اقوى من الاخرى وفي حاله انه حل عن الصيده اقضبه ولاتعلفه هاك اليوم الاقطعه نسير
وهده من بكره على وحده مثلها حتى يعلم ان عشاه هي صيدته
واذا ماصاد وحل عنها مالك الاالتجويع وطوفه وأنتبه ترحمه(من بغى الدح ماقال اااح)
2_ اذا كنت مقتدر مالياً عندك الطياره(ويفيدونك عنها الاخوان)
3_ الحل النهائي 000(وأنت ابخص)
بع الطير وخذلك حــــــــــر ولايبي له لاطياره ولاغيره من الحلول
تراه بيغثك(التفريخ)
يقولون اسأل مجرب ولاتسأل طبيب
وتقبل مروري ومشاركتي

[NAWAFQ8]

السلام عليكم ورحمة الله وبركاته
علم طيرك على الطياره
تراها تنفع ومجربه وتعلم الطير الارتفاع

[نسيم المطر]

الله يوفقك

[VT 4800]

اخوي الكريم الطير يومه فرخ يرتفع معاك وبكر يرتفع ولا لا اذا كان يرتفع الطير وعلومه زينه يومه فرخ وبكر واذا ثنو مايرتفع جيك على مدهنت الطير وتقبل مروري

[سنجاري]

الله يعطيك العافية
بالاول افحص الطير ,,, عدم الارتفاع قد يعود لمرض ما

[@قرناص@]

احتمآل مرض لطير ,, الدود مآيرفع الطير وكذآلك تضخم الكــبد ,,

عمومآ بعد الفحص تحكم عليه هل السبب لانه جير تفريخ !!

أو السبب مرض ألطير ,,

[الهاجري ج]

إحتمااال إن طيرك به كوكسيديا يالسنافي

لازم تفحصه لإن عدم ارتفاع الطير بسبب الكوكسيديا وهي التهاب في الامعاء


فحص مبدئي / اذا كانت نظرة الطير مش ولابد وكان يغضي بحدا اعيونه او باثنتين معاً فهو مصاب 100%



الله يطعمك صيده ويبارك فيه

[أبوفرحان]

افااااااااااااااااااااااااااااااادوك

[راعي فتان]

السلام عليكم
الحل بسيط بإذن الله


اول شي شيك على الطير من نايحة الامراض الداخليه ومن ناحية المدهنه


وإذا كانت سليمة نزل في عدة الطير شوي


ثم ادعه من مكان نازل وخلك في مكان مرتفع


ثم إذا بدأ يرتفع


علمه على الطياره او هدله حمام متيبه عيونه
ولا تخليها مرتفعه فالبدايه خله بالتدريج


وعسى الله يسهلك أمرك

[قرناس شماالي]

افادوك الاخوان وماقصرو

[الهاجري ج]

أضم صوتي لصوت راعي فتااان جزاه الله خير اذا كان الطير سليم من الكوكسيديا





السلام عليكم

الحل بسيط بإذن الله


اول شي شيك على الطير من نايحة الامراض الداخليه ومن ناحية المدهنه


وإذا كانت سليمة نزل في عدة الطير شوي


ثم ادعه من مكان نازل وخلك في مكان مرتفع


ثم إذا بدأ يرتفع


علمه على الطياره او هدله حمام متيبه عيونه
ولا تخليها مرتفعه فالبدايه خله بالتدريج



وعسى الله يسهلك أمرك