تكفون الفزعة

[Dr_daase]

السلام عليكم و رحمة الله و بركاتة



يا اخوان تكفون الفزعة .....
اخوكم شاري طراد و دخلت من الخبر مرتين حاولت الصيد لفاح سماري ولو ينفع رواسي كان طبينا على رو سنا بس مافي فايدة انسلخت اجسامنا من الرطوبة و الحر و النتيجة صفر تكفون يلربع إذا في احد عندة اماكن للفاح أو الحداق لا يبخل سوف نخرج مرة ثانية بكرة الفجر الساعة 3 صباحاً ياليت أحد يتكرم علينا يعطينا احداثيات اماكن للفاح و الحداق او بيخرك معانا نشيلة على راسنا من فوق.


و لكم جزيل الشكر

[كشات]

بسم الله الرحمن الرحيم

وعليكم السلام ورحمة الله وبركاته

هلا وغلا اخوي Dr_daase

بصراحه ماشفت موضوعك الا تو
واول ماقريت الموضوع على طوووووووول شفت عدد مواضيعك وردودك لقيتها 71
يعني منت من اللي يشترك بمكشات عشان يطلب ويستفسر وبعدين مانشوف له اي مشاركه

عشان كذا برد على استفسارك وطلبك وانا ممنون للغالين امثالك

اخوي Dr_daase
خلني اعطيك فكره مبسطه عن بحر الخبر (ترا لي 15 سنه خبره فيه) :cool:

شف يالغالي
محادق الخبر قليله وغثيثه وتزهق (كان عندك نيه تبيع الطراد انا شراي) :D
بس ميزة محادق الخبر انك اذا طحت على المكان الصحيح وبالوقت الصحيح تبي تصيد صيد يوسع صدرك بس ماهو كثير وتبي تذوق اللذ شعري بالمنطقه
بقول لك على بعض المناطق وان شاء الله تتوفق
مع اني نزلت كم مره باول موسم الحداق و شفت الوضع ما يشجع ووقفت رخصة الطراد حتى اشعار اخر

ادري تقول اخلص علينا وعلمني الاماكن :mad:
شف ياغالي
عندك بويه 23 مكانها تخلي فتحة الجسر الاولى(اللي فيها طلعه صغيره) ومن الثانيه تتجه جنوب حتى تشوف شيب حديد على 3 ارجل يبعد تقريبا 3-5 كلم جنوب فتحة الجسر الثانيه
من الشيب تتجه جنوب شرق وبتشوف البويه قدامك ماهي بعيده
اماكن الحداق بين الشيب والبويه او شمال البويه ب 300-500 متر
وهالاماكن احرص على الاعماث بين 30 -35 قدم وخل طرحتك على حد او تشفه (ارض غير مستويه)
المحدق الثاني
الحاده
وتقع شرق بويه 23 وهي عباره عن خط متجه من الشرق للغرب تقريبا ووصفها عشان تشوفها (بالخوار مع مويه حاميه)من بعيد تلقا المويه اللي فوقها تقلب كانها تطبخ والعمق 10-14 قدم
المحدق الثالث
التحليه
تروح جهة التحليه وبالتحديد الغرفه اللي تقع شرق التحليه وتخليها يمينك وانت متجه جنوب شرق شوي تقريبا 1 كلم
وانتبه للعمق في جهاز الفيش فايندر وان كان ماعندك مالك الا تشوف لك اي طراد واقف بالمنطقه وتخليه اما شرقك او غربك
لان هذا المكان عباره عن شق مثل الوادي الصغير متجه شرق غرب يعني اذا تبي تطيح عليه تتجه شمال او جنوب

المكان الرابع
التحليه ايضا
شرق الغرفه تماما فيه عدة حفر وبتشوفها بالجهاز بس لازم تعرف توازن الطراد فوق تشفافها
وطبعا كل هالاماكن حداق وانت طارح (باوره) مع الحذر الشديد من التيارات القويه لانها خطره جدا وتسببت بانقلاب بعض الاشخاص اللي ماعرفو يتعاملون معها
واذا طرحت لا تربط الطراد عرض اربطه بالطول لسببين
الاول عشان تتفادى انقلاب القارب اثناء التيار القوي
الثاني اسهل في فك الباوره

المكان الخامس
حفرة الايدز :confused:
شرق الفرضه تماما بس من اسمها تعرف انت وش اللي عند الفرضه

المكان السادس
حفرة الجوازات
:no2: ماني معلمك عنها هنا لانها صعبه ولاااااااااااااازم تشوفها على الطبيعه
ان شاء الله اذا تعدل الجو نزلت بطرادي ووريتك مكانها (بس مو تطيح لها وتخلص السمك) ;)

لاحظ كل هالاماكن جنوب
وانتبه تروح شمال بليل حتى لو معك جي بي اس والا نبي نشوف لك مشاركات كيف تطلع الطراد من التغريز

نصيحه عامه
الحداق ركه (الميادير بطرف الخيط )
كل ماكانت المايه حاميه طول الركه (المسافه بين الميادير والبلد)


بالنسبه للفاح
هالوقت اللي يطلع يلفح اعتبره عنتر
الله لايشقينا حررررررر ورطوبه وانت تمشي بسرعة 10 كلم بالساعه يعني حتى نسمة الهوا تشحذها شحاذه
وفوق هذا كله ماتسوى عليك وانت (مدبر) ودخان المكينه يحشرك

تبي نصيحتي
يمدحون المكيف بالنهار على الاقل
لاني ادري انت توك متولع بالبحر ومتحمس بالحيل
بس خل نزلاتك بعد العصر (العمر مش بعزئه)


وبالنهايه
اتمنى اني اضفت شي بسيط للمعلومات اللي عندك
واي خدمه انا جاهز ياغالي

اخوك ابو علي

[Dr_daase]

اخي كشات
السلام عليكم و رحمة الله و بركاتة

بنسبة انك اضفت فنت اضفت كثير اما الأماكن التي ذكرتها فبعضها رحت لها لاكن ماكو فايدة الضاهر اني ماني محضوض ذهبت عند الغرفة التي بجانب التحلية و المجرى الذي جنوب الجسر ماتم طراد مالزقت فية ذيك الليل بس الظاهر ان حضي دمار حتى اصحاب الطرادات الى لزقت فيهم يجلسون ساعة بعدين يحركون وهم ماصادو شيئ على العموم على الوعد إذا تعدل الجو ( ما راح اهدل تراك وهقت روحك باهل وعد) اخي كشات ما ذكرت شيئ عن اماكن اللفاح سواء الصباح او العصر ;) وين اماكن صيد الهوامير و الكنعد علمني :D

اخي انت ثاني واحد يحذرني من الجهة الشمالية إذا كانت كذا كيف التعامل معها.

اخيراً بصرا اثلجت قلبي بردك اسعد الله قلبك بالأيمان.

البريد الألكتروني إذا عزمت
dr_daase@hotmail.com
او على بريد العمل
muslaa0f@aramco.com.sa