قهـــــر

[طريبيل]

السلام عليكم ورحمة الله وبركاته


شحال كلن بحاله ... عساكم بخيــــــر


بصراحة انا شفت لي مقطع فيديو وجانـــــي ارتجاج في المخ من القهــــر


هل هذا من قل العيشـــه والجووع


بغيتكم تشوفون هالفيديو واترك التعليق لكم


http://www.youtube.com/watch?v=7FeiSkj7D4Q&feature=player_embedded (http://www.youtube.com/watch?v=7FeiSkj7D4Q&feature=player_embedded)

[أبو_خالد]

عادي ما فيه شيء مستنكر ومن حصل شيء يستاهله
أكيد إنك تقصد إنه المفروض يصيدهم بالطير .. لكن هذا راعي بندق وبرضه له حق بالصيد

[طريبيل]

عادي ما فيه شيء مستنكر ومن حصل شيء يستاهله
أكيد إنك تقصد إنه المفروض يصيدهم بالطير .. لكن هذا راعي بندق وبرضه له حق بالصيد


يامرحبــــا بك أخوي بوخالد

احترم رايك طال عمرك ،،، لكن صيد البندق معروووف وصيد الطيـــر معرووف وانا اخووك


ولو تلاحظ انهم فاكين الطير على الصيد وفي نفس الوقت رموا الصيده


اكرر لك شكري على مرورك

[نسناس غربي]

صدقت صيد البندق معروف وصيد الطيـــر معروف

مع اني ماقد صدت حبارى لكن الكل يدري ان متعت صيدها بالطير والبندق للحبارى مالها لزوم..

ويازيييييييييييييييييييييييييييييين الوبر على النيشان:D

[أبوفرحان]

اؤيد كلام اخوي ابو خالد

[جير دبي]

مشكوروالله يعطيك العافيه ياخوي :eek:

[جنرال المدينه]

مشكوووووووووووووووووووووور اخوي على المقطع

[قرناس شماالي]

اؤيد كلام اخوي ابو خالد

:good::good:

[BeLoveLy]

السلام عليكم و رحمة الله و بركاته
قبل كل شي انا اضم صوتي لصوت اخوي ابو خالد ولا يهونون الباقين بس ترا راعي البندق ينبسط لمن يرمى و هذي هوايتة و صحيح اني انقهر لمن اشوف مقطع زي كذا بس اقول هذا نصيبه. انا مره طلعت مع شباب وهم راعين بندق و انا معي طيوري و الله كتب لنا حبارى و الحمد الله صدتها بطيوري بس بعد ما جنوني الشباب هههههههه.

عموما و الي معروف ان راعي البندق ما يحب راعي الطير في المقناص.

تقبل مروري

[ولد مساكن]

السلام عليكم و رحمة الله تعالى و بركاته

الله يجبر لنا بالعقل

حكاية أنّ الحبارى ما تنصادش بالسلاح هاذي مفروغ منها

و معاها

و الله فمّا ناس تقول مهابيل و إلّا أوّل مرّه يشوفو الصيد

و اللي مصوّر روحه تقول جاب الصّيد من وذنه ( الأسد من أذنه ) مستهتره بصراحه

يضرب الحباره و صاحبه ماشي جنبه ( 0.30 ) !!!!!!

بالله علاش ناوي ؟ ؟ ؟ ؟

و بالنّسبه لمسألة معاه طير هاذا ماهوش صقّار

و لا يعرف شي في الصّقور و لا يفهم فيها أصلا

هذولا ناس تشري الوكري الطّلّاع حتّى يطلع لهم على الهايشه

و همّا يتبعوه و إذا جاها و شافوها بالعين يضربها بالسلاح و بس

الله يجبر لهم بالعقل و الله يهديهم

و السّلام عليكم و رحمة الله تعالى و بركاته

[VT 4800]

ياخوي الكريم هذول ربعن لنا والتصوير مافيه طير وهالمقناص بسوريا وما معاهم طيور يالحبيب

[ذهال]

بسم الله الرحمن الرحيم

السلام عليكم ورحمة الله وبركاته جميع

واحترامي الشديد لرايكم جميع

من حق كل واحد يفعل مايرد ولا حد قادر يرد حد

لكن لو ننظر ان راعي البندق بيرمي الحبارى وراعي الطير بيفك عليها والراعي بيبيعها والى يدورن الحبارى لجل البيع وش مصيرها ( الحبيبه) وللعلم اني راعي طير وراعي بندق لاكن اشوف الحبارى تروح على طيري اذا الله كاتب لها تروح اهون من اني ارميها
((( لا ترمونها تمش معها شوي وكحل عينك بطيارها اجمل )))
واختم واقول لك واحد حريته

وتقبلو مرور اخوكم / ذهــال

[خأإألد]

مثل ماقلتو كل واحد وصيده الرجال راعي بندق
والله يرزقه

[عاشق جلاد]

هاذولا يشترون الطير الطلاع عشان يطلع والباقي على ام خمس

[سنجاري]

الله يعطيك العافية
السؤال يرمون الحبارى والكروان والارنب ومعهم طير لا والطير هاد على الارنب
الظاهر انهم في محمية

[طريبيل]

ياخوي الكريم هذول ربعن لنا والتصوير مافيه طير وهالمقناص بسوريا وما معاهم طيور يالحبيب

ياهلا بك يالغالي ،،


شوف نهاية المقطع انا اشوف طير يطرد له ارنب وفي نفس الوقت رموا الارنب وجاء الطير وقبضها

[طريبيل]

بيض الله وجه كل من مر على الموضوع وابدى تعليقــه الطيـــب


ولكن اكرر يا أخوااان


صيد البندق معرووف وصيد الطيـــر معرووف


ومحدثكم راعي طير وراعي بندق

ووالله لو اشوف لي حبارى والا كروان وماعندي طير لهم


لاكحل عيوني بشوفتهم واحلى تحيه لهم وانا ماشي في طريقي


عسى مايجي اليوم اللي ارمي فيه برقــــى الجناحين


تقبلوا مني كل التقدير والاحترام

[نايف بن فلاح]

انا والله اعجبني اعجلت راع البندق ماشا الله عليه
بواردي لا طاير ولا موقع,,,
وفي الاخير اقول الصيد الكل له حق فيه راع البندق وراع الطير
اذا لم يكن صيد جائر وزايد عن اللزوم,,
ويعطيك العافيه على ها المقط الحلو,,

[قنيص غير]

مشكوووور اخوي على المقطع

[سلفاريو]

لا اله الا الله يااااااااااااااااااااااخوي وش مزعلك وقاهرك الرجال على كيفه يسوي الي يبي حلاله وهو حر ...

[صاحب نوماس]

ياخوي الكريم هذول ربعن لنا والتصوير مافيه طير وهالمقناص بسوريا وما معاهم طيور يالحبيب
اخوي فية طير مهدود على ارنب

ياليت لو تتاكد مرة ثانية

[طريبيل]

لاهنتوا جميــــع على المرور الطيب


والسؤال هو : لو الواحد مارمى الحبارى بالبندق هل بيموت من الجوع


الحمد لله والشكر على نعمه ، الخيـــر علينا وعليكم والقصد من الصيد والمقنااص هو وساعة الصدر وفلة الحجاج لا لسد الجوع ،، واذا على سد الجوع اللهم لك الحمد الخير واجد والبر مليان من طيور وحمام وقطى وكدري وووووو الخ اللهم زد وبارك


يعني ماجاات الا على هالحبارى !!!


ولاتتوقعون اني زعلان على اللي رمى الحبارى ،، لكن اقول صيد الحبارى اذا ماكان بالطيــــــر مالها قيمـــــة ابداً ..... وجهة نظـــــر


تقبلوا مني كل الاحترام والتقديـــــر

[النوخذة]

راعي البندق له حق في صيده
ونوماسه إنه يرمي الطير اللي يبيه
والحباري والكراوين ماهيب حكر لأهل الطيور

المفروض إن ماحد يطالع صيد غيره
الله يرزق راعي الطير ويرزق راعي البندق

الرماي اللي بالمقطع يستاهل حبة خشم
عز الله انك ماتفلس من عشاك لاخاويته

[جره الصيد]

الله كريم ياجماعه

[عاشق الوعل170]

يااخوان الحبارى لاهل الطيروالقمري لاهل البندق هذا معروف راعين الطيور من بدايه الموسم وهم يدعون طيورهم



ويخسر عليه واجد واخر شي ترمى بشوزن خلو حقين الطيور يستانسون خلاص ياعالم





وللمعلوميه انا عندي كتاب يقول اذا لم يتدارك وضع الحبارى يكون انقراضها نهائيا من البيئه 2027م ولن تشاهد الحبارى الا فالمحميات

[الشمالي 8008]

هذولا ماهم رجال ولا هم صقاقير

ولا مشو مع رجال ولا تربوا عند رجال للاسف حبارى ترمى

ولا هاد طير بعد هو خايب وطيره اخيب منه

جعل يده تنشل

من كثر الحباري في السعوديه ولا بسوريا ولا باي مكان

حسبي الله عليه

[أبو_خالد]

هذولا ماهم رجال ولا هم صقاقير

ولا مشو مع رجال ولا تربوا عند رجال للاسف حبارى ترمى

ولا هاد طير بعد هو خايب وطيره اخيب منه

جعل يده تنشل

من كثر الحباري في السعوديه ولا بسوريا ولا باي مكان

حسبي الله عليه


ما لك حق باللي مصبوغ بالأحمر!

[عون الخوي]

الله يرزقهم المقطع مافيه اي شي يزعلك يأخي الكريم .. رزق وساقه الله لهم ويستاهلون

[راعي طلاع]

كله كوم واخونا فتك 4800 مطفي النور الله يحفضه الظاهر وشلون

ما معهم طير وذا اللي يهد على الارنب وقضبها وشو بومه وانتو بالكرامه....

[Safi]

السلام عليكم ورحمة الله وبركاته، وأسعد الله أوقاتكم جميعا،،،

رأيي في صيد الحباري بالبندق اسراف ، خصوصا حبارينا العربية ، وأغلبكم عارف ان أعدادها في تناقص شديد وسريع للأسف .
وفي اعتقادي ان الإسراف في صيدها بالصقور أيضا خطأ كبير ، وبعض حملات القنص "للمقتدرين ماديا" تصل لمئات الطيور للأسف ، في أسابيع !!!
الصيد بالصقور موروث عربي أصيل ، وأتمنى أن يرث هذه الهواية النبيلة أولادنا من بعدنا . لكن بالصيد الجائر لا أعتقد أن تصمد هذه الهواية . و أكثركم يعرف أن طرائد الصقور ( الحباري ، والكروان ) فقط ، والسلق ( الأرانب ، والريم).

اما البندق فطرائدها لا تقارن بطرائد السلق والصقور ، فخذ على سبيل المثال لا الحصر :
أولا الطيور :
( الحبرو، الحبارة الأفريقية والهندية الكبيرة، البط بأنواعه، الوزبأنواعة، القطا، الكدري، الحجل، الفزنت، حمام البر، السمان، الفرانكلان، ..... الخ )
ثانيا الحيوانات :
( الغزلان الأفريقيه وأنواعها كثيرة ، الغزلان الاوربية ، الجاموس الأفريقي ، الأرانب ، الوبر ، ....×الخ )

بعد كل هذه الطرائد المتنوعة للصيد بالبندق ، يضيقون ويستكثرون تخصيص صيد الحباري "العربية" على الصقارين !!!

الحقيقة ان حماة البيئة والحياة الفطرية في الدول المتقدمة هم الصيادين انفسهم ، وأتمنى من كل قلبي أن نكون نحن العرب كذلك .

[falcon 1]

والله انا اشوف حرام انك ترمي كروان او حبارى بالبندق لانه مافي وناسه فشقه فشقتين ولا الطير على وجهه امن هدة الطير لاا تستانس عليه !!

الشاعر يقول (ماني ذاكر اسمه )
الطير معروف ماضيتن تجاريبه ...يكفي عن البندق الي نقله احراجي

[صقرالعوسي]

بارك الله بيك اخوي على المقطع تقبل مروري

[أمير الرحلة]

الله لايهينك على هالمقطع صراحه امتعني اللي يرمي قمة ماشاءالله عليه بواردي من الدرجة الاولى

وانا مع اللي يقولون من حصل شي يستاهله ...

[@قرناص@]

السلام عليكم ورحمة الله وبركاته، وأسعد الله أوقاتكم جميعا،،،

رأيي في صيد الحباري بالبندق اسراف ، خصوصا حبارينا العربية ، وأغلبكم عارف ان أعدادها في تناقص شديد وسريع للأسف .
وفي اعتقادي ان الإسراف في صيدها بالصقور أيضا خطأ كبير ، وبعض حملات القنص "للمقتدرين ماديا" تصل لمئات الطيور للأسف ، في أسابيع !!!
الصيد بالصقور موروث عربي أصيل ، وأتمنى أن يرث هذه الهواية النبيلة أولادنا من بعدنا . لكن بالصيد الجائر لا أعتقد أن تصمد هذه الهواية . و أكثركم يعرف أن طرائد الصقور ( الحباري ، والكروان ) فقط ، والسلق ( الأرانب ، والريم).

اما البندق فطرائدها لا تقارن بطرائد السلق والصقور ، فخذ على سبيل المثال لا الحصر :
أولا الطيور :
( الحبرو، الحبارة الأفريقية والهندية الكبيرة، البط بأنواعه، الوزبأنواعة، القطا، الكدري، الحجل، الفزنت، حمام البر، السمان، الفرانكلان، ..... الخ )
ثانيا الحيوانات :
( الغزلان الأفريقيه وأنواعها كثيرة ، الغزلان الاوربية ، الجاموس الأفريقي ، الأرانب ، الوبر ، ....×الخ )

بعد كل هذه الطرائد المتنوعة للصيد بالبندق ، يضيقون ويستكثرون تخصيص صيد الحباري "العربية" على الصقارين !!!

الحقيقة ان حماة البيئة والحياة الفطرية في الدول المتقدمة هم الصيادين انفسهم ، وأتمنى من كل قلبي أن نكون نحن العرب كذلك .


كلامك في محله ,,

لاكن في هالزمن اغلب الي معهم شوازن ,,

يرميي كل مآهــب ودب قدآآمه ...........