حاله غريبه بالطير

[عاشق الوكري]

السلام عليكم ورحمة الله وبركاته
7
7
7
7
7
7
7
اخباركم ياجماعه الخير

ان شاء الله بالف صحه وسلامه

يالربع هذه اول مره الاحظها بالطير انا مدري هي عاديه ولا لا

بالطيور اللي تقلتها كلها ماعمري لاحظت هالشي

الطير كافخ شوي وركد اشوفه وهو يتنفس الجهه اللي عند عينه تتحرك مع التنفس اللي ورا المنخر الجلده
زي كانها تنبض مع التنفس

هذا طبيعي ولا مرض

واذا كان مرض وش علاجه ومن ايش
:(
واللي يعرف بيطري قريب الدمام او الخبر

اخوكم عاشق الوكري

[أبو_خالد]

بالدمام عندك
د.فارس

[عاشق الوكري]

اذا انك تقصد د.فارس التميمي قفل

[الخرب الازرق]

السلام عليكم ورحمة الله وبركاته
هذا سدد في منسم الطير
بالنسبة لي صارت عندي في الطير العام الماضي
واستعمل زيت زيتون في قطره او ماء دافي ( لايكون حار) يحيث اذا كان فيه وسخ وانت بكرامه يلينه داخل منسمه واستعملة على شكل نقط في منخر الطير
وحاول تعطس الطير علشان ينظف اللي في منسمه
وتقبل مروري وشكرا

[شايش الراس]

طيرك فيه سدد في مناسمه انكانك تشوف قحوفه تنتفخ توك ماشفت شي اذا هملتها بتطور وتصير نفخ واضح والحل
انك تاخذ وبر من من سنام ناقه وزيت زيتون وتنضف مناسهم واحد والثاني عقبه والوبر معروف ومجرب او البحرين كان الطير يسوى انك تدفع الف خمس عشان يدخل السعوديه وده لدكتور علاء

[الجارح741]

اخوي ( ثنتين ) مالهم ثالث

1 - طيرك الله يخلف به مرض الرداد
2 - الطير منخره مسكر اما من قلاع او ( وسخ )

* اذا هي رقم ( 2 ) وهذا ما اتمناه فالموضوع سهل اعط الطير حبوب قلاع ونظف منخره مثل ما قالو لك الاخوان 0


يجب قبل عمل اي شئ الكشف عليه في مستشفى متخصص

لا مانع من تنظيف منخره قبل الكشف

[أبوفرحان]

افااااااااااااادوك

[عتيج الصوف]

وده للمستشفى وهناك يعطونك العلاج المناسب ان شاء الله ... وما تشوفون شر

[uae_500]

وعليك السلام و رحمة الله وبركاته
طال عمرك هاذي اتحصل وايد . يكون في الطير انسداد في المنخر (المنسم) و اسهل علاج هوه اجيب ابره العاديه الي يحطون فيها الدوا ويظربونها في ثنادي الطيو نفس الابره بس اتشيل منها راس الابره و اتحط ماء عادي او مع زيت بسيط و تظربها في مناسمه 3 او 4 مرات ع حسب الانسداد.
تقبل مروري

[الحمش1]

اخوي طيرك مافيه شي
بس منخره مسدود نضف منخره
وقطره بزيت زيتون والله يوفقك

[عين النداااوي]

اخوي طيرك اذا كفخ كفخه بسيطه ويفح حتي الفحه تبين من بطن الطير من تحت فهاذا انهيته وناللله ماتكون اهي
والثانيه قطر في منسر الطير واذا صار انسداد لن يتسرب الماء فهاذا سهل عمليت تنظيف والله يستر عليك وعلي طيرك

[ابو فهاد0]

اخوي افادوك الاخوان وماقصروا وياك وزي ماقالوا لك قطر على منخرة بزيت الزيتون وان شاء الله مابه الا العافيه
اما بالنسبه للعياده البيطريه موجوده بالدمام في شارع الامير سعود اسم المحل الجوزل

[ابوعزيز2007]

افادك الاخوان وانشاء الله سهله

[قرناس شماالي]

السلام عليكم ورحمة الله وبركاته
هذا سدد في منسم الطير
بالنسبة لي صارت عندي في الطير العام الماضي
واستعمل زيت زيتون في قطره او ماء دافي ( لايكون حار) يحيث اذا كان فيه وسخ وانت بكرامه يلينه داخل منسمه واستعملة على شكل نقط في منخر الطير
وحاول تعطس الطير علشان ينظف اللي في منسمه
وتقبل مروري وشكرا

:good::good:

[عاشق الوكري]

يعطيكم العافيه يا اخوي وماقصرتوا

الطير منسمه مسدود من وصخ تكرمون بس منسم واحد

بس انا مستغرب مالاحظتها قبل هذا اللي خوني انا ادري ان منسمه مسدود

دايم اقطر فيه ماء دافي مايروح مره حاولت انظفه بعود نظفت شوي وخفت اني اضره

بس فهموني الزيت زيتون وش سوي فيه اقطره قطره وحده ولا

واظن ان فيه اقلاع بس مابان عليه شيء من الاقلاع الا انه يقط شوي من العلف وهو يعلف

[شقرااااان]

بسم الله نبدا

الطير الي مقيض طلق دائم يصاب بسدد في منخره بسبب ريش الطيور

وانا عندي طيرين نفس المشكله

نضف منخره بأبره مثل ماقالولك الشباب

بس انتبه (لازم بعد التنضيف يتشمس الطير)

طبعا المرض اسمه(التهاب في الجيوب الأنفيه)

واذا الشرح مهوب وافي راسلني على الخاص وابشر بسعدك

[عاشق الوكري]

واضح ومايحتاج يا اخوي بس فكره يتشمس ليه ...؟؟؟

[ذهال]

الله يشفي طيرك وان شاء الله مافيه الا العافيه
يمكن وصخ نضفه
وان شاء الله يتحسن


تقبل مروري اخوك ذهــال

[شقرااااان]

لأن الماء بينفخ عين الطير>>>طبيعي لاتخاف

والشمس تبخره

وانشالله يكون بخير وفاله الخرب

[صقار مبتدئ]

خذ الرابط هذا و راح تشكرني طيري جاء فيه نفس البلا
http://mekshat.com/vb/showthread.php?t=258321

[صقر البحرين]

اخوي ( ثنتين ) مالهم ثالث

1 - طيرك الله يخلف به مرض الرداد
2 - الطير منخره مسكر اما من قلاع او ( وسخ )

* اذا هي رقم ( 2 ) وهذا ما اتمناه فالموضوع سهل اعط الطير حبوب قلاع ونظف منخره مثل ما قالو لك الاخوان 0


يجب قبل عمل اي شئ الكشف عليه في مستشفى متخصص

لا مانع من تنظيف منخره قبل الكشف


اتفق مع كلام الاخ الجارح

[صقرالعوسي]

أفادوك الاخوان وان شاء الله سهلة عافاك الله انت وطيرك