صيد جزيرة أبو علي الخميس 07/10/2010

[White_Shark]

السلام عليكم ورحمة الله وبركاته

أود أن اقدم لكم صور صيدنا ليوم الخميس الموافق 07/10/2010 , من جزيرة أبو علي ( الجبيل الصناعية ) , وهذه المرة قررنا الصيد على السيف وعدم الدخول داخل البحر بسبب غياب ضوء القمر وكذلك بسبب المد العالي الذي يصادف أواخر الشهر بالهجري , والحمد لله توفقنا أنا وأثنين من الزملاء برحلة صيد جميلة وممتعة وهواء طلق وشاهي تلقيمة .

الموقع : جزيرة أبو علي - الجبيل
المنطقة : دريدير

مقاس الخيط : 50
الطعم : ربيان و " نغّاق" أو " غمغام "
الثقل : 1.5

طريقة الصيد : البكرات اليدوية .

الصيد :
1 فرخ سبيطي
3 مزيزي
19 شعم
14 قرقفانة

نترككم مع الصور :

http://www.uup7.com/uploads/12867000266.jpg








http://www.uup7.com/uploads/12867000261.jpg


http://www.uup7.com/uploads/12867000263.jpg





http://www.uup7.com/uploads/12867000262.jpg





وهذي ياشباب صورة النغـّــاق " الغمغام " الذي ذكرته لكم مسبقاً , وهو طعم لايقاوم للسبيطي وخصوصاً كبير الحجم , وطريقة صيده بسيطة جداً , وهو البحث عنها تحت الصخور الصغيرة بعد جزر البحر بشرط تواجد ماء البحر اسفل الصخرة , ولايشترط تواجد الماء حول الصخرة , وحجمة يتفاوت بين طول الأصبع وأكبر حجم لايكاد يتعدى حجم كف اليد , وهو غير سام ولاتوجد به أشواك خطيرة , وبالإمكان الإمساك بها باليد مباشرة دون استخدام قفازات .


http://www.uup7.com/uploads/12867000264.jpg


http://www.uup7.com/uploads/12867000265.jpg


وسلامتكم ,,

[بوعايض]

مشاء الله تبارك الله
وعيكم بالعافيه

[O M A A R]

مً ششآء آلله تبآرك آلرحمن

وشش هالصصيد وشش بقيتوآ في أبوعلي

هالأسبوع أحسسه مدآهمه لجيزرة أبو علي :D

والنغآق كأنه بيبي هآمور :P

عليكم بالعآفية أخووي

[White_Shark]

مشاء الله تبارك الله
وعيكم بالعافيه

الله يعافيك أبو عايض , والجاي إن شاء الله أكثر وأبرك !





مً ششآء آلله تبآرك آلرحمن

وشش هالصصيد وشش بقيتوآ في أبوعلي

هالأسبوع أحسسه مدآهمه لجيزرة أبو علي :D

والنغآق كأنه بيبي هآمور :P

عليكم بالعآفية أخووي



والله يخوي عمر , أبو علي خيرها مايخلص , والحمد لله صار لنا 12 سنة وحنا نجيها في الشهر 3 أو 4 مرات , بس الحين خبرك بعدما منعوها صار الدخول للجزيرة يبغى لها حوسة وحب خشوم .

النغاق فعلاً يشبه الهامور الصغير ( البالول ) , واللي مايعرف النغاق يحسب إنه بالول , زي حلاتي لما صدته أول مرة .

يعطيك العافية .

[عاشق الشعري]

ما شاء الله تبارك الله صيد طيب جعل معاه العافيه تصدق اخوي انت في البلاك ليست بالنسبه للسمك في راس ابو علي مسوي فيهم مجازر الله يهنيك ولا يضرك وتقبل تحياتي ابو جـود

[ابو عبدالرحمن جدة]

ماشاء الله تبارك الرحمن صيد طيب ومعلومات رائعه واسلوب شيق الله لا يضرك اخي الفاضل وعليكم بالعافية يالحبيب

[A B D U L L A H]

يعطيك الف عافيه ... على التقرير الرائع

ويقولون ( مافي صيد ) هـ الآيام !!

الصلاه على النبي ... ماشاء الله تبارك الرحمن

يا اخي انت عندك صبر ماشاء الله

والنغاق هذا ... كنت احسب انه سام !!

لكن بيض الله وجهك ... وضحت الصوره

لآهنت عـ التقرير

[عوام 5]

صيد طيب عليكم بالعافيه

[زاحف بحر]

ما شاء الله تبارك الله ..

صيد طيب ..


يالغلا الان لو جيت بروح ابوعلي هل استطيع الحصول على تصريح ؟

أو ممنوعه خير شر ..

لاني بصراحة متشوق ازور هالمنطقة ..





بالتوفيق للجميع ..

[accentkool]

ماشاء الله تبارك الله
تقرير جدا رائع
والصيد ولا احلى
عليكم بالف عافية

[حياتي البحر]

عليكم ورحمة الله وبركاته

ماشاء الله تقرير رائع
صيد طيب وعليكم بالعافية

[ذوالجناح7]

ماشاء الله عليك أخوي White_Shark
خف علينا ....:D
آنا موتي على طاري السبيطي
بس إن شاء الله التدبار من رب العالمين حق بوعلي..


وعليكم بالعافيه :good2:

[صياد الخبر]

بسم الله الرحمن الرحيم

اللهم صلي وسلم على نبينا محمد وعلى آله اجمعين

السلام عليكم ورحمه الله وبركاته

ما شاء الله تبارك الله لا قوة إلا بالله

طلعة ترد الروحة وخووة الله يديمها

ورزق وصيد الله يبارك فيه

بالتوفيق ع الجيمع

ودمتم

[كيموالبرمائي]

ماشاء الله تقرير رائع
صيد طيب وعليكم بالعافية
ياليت تكلمنا على النقناق هذا اول مره اشوفو واسمع فيه وكيف طعمو
تقبل مروري
اخوك \ابو اسيل

[وحدآني]

ماشاء الله صيد طيب

مشكوور وماقصرت ع التقرير

[صياد متهور]

وعليكم السلام ورحمة الله وبركاته
ماشاء الله تبارك الله
صيد العوافي عليكم بالف عافية

[بوراشد911]

السلام عليكم ورحمة الله وبركاته

صيد طيب الله يعطيكم العافيه, بس حبيت استفسر عن الغمغامه وشلون تشكها في الميدار وهل هي فعلا مش سامه لانه شكلها يروع الصراحه وهي متواجده بكثره مكان الصيد اشوفها واجد بس اخاف المسها....

ولك جزيل الشكر اخوك بوراشد911

[White_Shark]

ماشاء الله .. ماشاء الله

بصراحة تشجعيكم يثلج الصدر , الله لايهينكم , ومشكورين والله يعطيكم العافية ويرزق جميع الأعضاء في خيمة الصيد البحري .




ما شاء الله تبارك الله صيد طيب جعل معاه العافيه تصدق اخوي انت في البلاك ليست بالنسبه للسمك في راس ابو علي مسوي فيهم مجازر الله يهنيك ولا يضرك وتقبل تحياتي ابو جـود



:)


هذا من فضل الله
السمك موجود في كل مكان , بس يبغى له صبر وطول بال , وغني معاهم ياليل مطولك .




يعطيك الف عافيه ... على التقرير الرائع





ويقولون ( مافي صيد ) هـ الآيام !!



الصلاه على النبي ... ماشاء الله تبارك الرحمن




يا اخي انت عندك صبر ماشاء الله




والنغاق هذا ... كنت احسب انه سام !!




لكن بيض الله وجهك ... وضحت الصوره






ووجهك ابيض أخوي عبد الله , الصبر من الله وإن شاء الله جميع الأخوة صبورين مثلنا .. الله لايهينك .








يالغلا الان لو جيت بروح ابوعلي هل استطيع الحصول على تصريح ؟




أو ممنوعه خير شر ..






لاني بصراحة متشوق ازور هالمنطقة







هي ممنوعة .. بس مو خير شر , يعني يبغى لك معرفة أو واسطة حتى لو خفيفة تقدر تدخل أو تطلع لك تصريح .. يعني أنا مثلاً ماعندي تصريح , بس واحد عن طريق واحد عن طريق واحد يعرف وقت استلام شخص في البوابة ويدخلنا .








ماشاء الله عليك أخوي White_Shark


خف علينا ....:D

آنا موتي على طاري السبيطي
بس إن شاء الله التدبار من رب العالمين حق بوعلي..











عاش مدبر حاله :D


لاتدع لليأس طريقاً يمنعك عن راس أبو علي .












ماشاء الله تقرير رائع


صيد طيب وعليكم بالعافية

ياليت تكلمنا على النقناق هذا اول مره اشوفو واسمع فيه وكيف طعمو
تقبل مروري











والله بالنسبة لطعمه اسئل السبيطي ..:D ! النغاق هذا ماينوكل لأنه صغير مره ولافيه لحم ورخو مررررة , وحنا نصيده كطعم بس للسبيطي .









صيد طيب الله يعطيكم العافيه, بس حبيت استفسر عن الغمغامه وشلون تشكها في الميدار وهل هي فعلا مش سامه لانه شكلها يروع الصراحه وهي متواجده بكثره مكان الصيد اشوفها واجد بس اخاف المسها....







النغاق كما ذكرنا يابو راشد غير سام ولايوجد به شوك ضار ومثل منت شايف في الصور نمسكه باليد , ومايموت بسهوله ويفضل إنك تحطه في علبه فيها مويه , يعني افضل شي تستخدمه كطعم حي , وطريقة الشك هي من " الظهر " , ولكن يفضل أن ترمي الطعم الحي في منطقة رمليه أو طينية حتى لايختفى تحت الصخور , ولكن إن كان النغاق ميت بالإمكان استخدامه في أي مكان .







مشكورين وبيض الله وجيهكم جميعاً .

[maxamer]

يعطيك العافية على التقرير
كالعادة ما شاء الله عليكم ذيبان بحر

بس حبيت استفسر ذكرت انت
الصيد :
1 فرخ سبيطي
3 مزيزي
ويش الفرق بينهم

[White_Shark]

يعطيك العافية على التقرير
كالعادة ما شاء الله عليكم ذيبان بحر

بس حبيت استفسر ذكرت انت
الصيد :
1 فرخ سبيطي
3 مزيزي
ويش الفرق بينهم

الله يعافيك أخوي ماكسمار , ماعليك زود .

بالنسبة للمزيزي وفرخ السبيطي , هذي مسميات خاصة عندنا !

مثلاً اشوف شباب يقولون صدنا عشرة سبيطية , ولما تجي تشوف الصور تلقاهم كلهم مزيزية ابو نص كيلو وكيلو ... وهذولا طبعاً مايستحقون نسميهم سبيطية وهم مزيزية .

طيب اللي وزنه من كيلو ونص إلى كيلوين .. هل هذا نسميه سبيطي أو مزيزي ؟

حنا نختصرها ونسميه ( فرخ سبيطي ) !! يعني سبيطي إلا ربع :D
عشان بس تمييز الحجم والوزن .

مثل اللي يقولك أنا أمس صدت هامور وزنه نص كيلو .. طبعاً هذا ( بالول ) مش هامور !؟

طيب ...

عند اي وزن نقدر نسميه هامور ؟

يعتمد .. فيه ناس يحسبونه من 3 كيلو هامور - وفيه ناس من 4 كيلو - وفيه ناس من 5 كيلو !

إن شاء الله يكون وضح معاك الفرق وشكراً لمرورك ولدفاعك المدني :).

[se7sh]

ولله شرحكـ روعه وصيد و فايد

[ابوالروك]

ما شاء الله تبارك الله
صيد طيب ورحلة موفقة
ودمتم بخير,,,,

[احساس عاشق]

يعطيك العافيه

[سمبوك]

ماشاء الله صيد حلو بعالفيه على قلوبكم

ويسلمو

[White_Shark]

ولله شرحكـ روعه وصيد و فايد


أنت الأروع , الله يعطيك العافية .




ما شاء الله تبارك الله
صيد طيب ورحلة موفقة
ودمتم بخير,,,,

الله يبارك فيك , وعقبالكم يارب .



يعطيك العافيه

وراك بخيل على الرد :D,
الله يعافيك ويرزقك مثل صيدي عشر اضعاف .




ماشاء الله صيد حلو بعالفيه على قلوبكم

ويسلمو

الله يسلمك , والحلو أنت ووجودك في هذا الموضوع .