سوال لاهل الجيرات [الأرشيف]

فنجون

10/10/2010, 12:23 PM

لدي جير تبع فرخ مزرعة فولكن سنترهديت على كروان جنب البحر وراح يطرده في البحر والله العالم ان صاده وحول به في البحر وبعد ثلاث ساعات من تشغيل المارشل وهو يعطينا صوب البحر عرفت ان الطير غرق وبعد خمس ساعات حصلت الطير ميت كيف تعليم الجيرات الرجوع عن الصيده عند دخولها البحر وهذا السوال اتمنى ان يجيب عليه بو رداد

النـادر

10/10/2010, 12:33 PM

هذا اللي محببني فيه مايعود من صيدته الا وهو ميت ههههههه

الله يعوضك باللي اخير منه

ننتظر ابو رداد والله يسهل امرنا وامرك

ربع خالي

10/10/2010, 12:56 PM

عدم ردة الطير عن الصيده ميزه يتمناها كل صقار في طيره ,,

واللي حصل مع طيرك نادر حدوثه ,,

وتعليم الطير على الرده من صيدته , علومه غير محببه , لأنه بيتعود عليها وأي صيده عازم بيرد عنها , وهذا بسبب تعليمه على الرده ,,,

وعسى الله يعوضك بالاحسن,,,

تحياتي

رفحاوي 999

10/10/2010, 02:16 PM

الطير الصامل مايرجع عن صيدتة وهذي عادة طيبة

بس مو لدرجة انه يدخل بالبحر داخل الماء وهاذي العادة تلقاه عند المهجن والمفرخ وخصوصاٍ الفروخ

(نوع من الشلل الفكري ,, يعالج بالخبرة والتطبيع الجيد . او الهاك لمدة لمدة لاتقل عن 35 يوم)

واما لو هو وحش ما تلقاه كذا ( يعرف اللي له ويعرف اللي علية )

والطير يصيد عشان يعيش مو عشان يموت

,,,,,, والله اعلم

راعي الخريب

10/10/2010, 02:41 PM

معوض خير
امس عندنا شاهين هادينه على كروان قريب السيفه وعلقة يوم قرب البحر هدة فالبحر
وان شالله الاخوان يفيدونك

VT 4800

10/10/2010, 03:35 PM

يااخوان مو شرط الطيور الهجينه كل الطيور فروخ ماتعلمت توها العام عندنا شيهانه اصليه فرخه داشه بحر مع كروان وطلعناها عقب الويل وابشر بالعوض يالحبيب

ذهال

10/10/2010, 03:45 PM

الله يعوضك اخير منه

عز الله انه طير صامل

لو تنفع كلمة يا ليت كان قلت يالية ماهي على البحر وجهتهم

تقبل مروري اخوك / ذهـــال

قرناس شماالي

10/10/2010, 04:07 PM

النداوي84

10/10/2010, 04:46 PM

صحيح كلامك حتى العام واحد من الربع شراء جير شاهين من احد اصحابه وتمه هده على كراوان صوب شليهات الخيران با الكويت هذا وتم دخول الكراون للى الشليهات بتجاه الى البحر وعندما وصله الطير زبن الكراون الى البحر وثما الطير كبسه با البحر وهم يشوفونه شوف العين واتصلو على خفر السواحل البحريه وتمه ابلاغهم با الموضوع وتما جيب الطير لصاحبه وهو في انفاسه ولم يا اخذ الدقائق وحتى مات وعسى الله يرزقه بالي احسن من ويرزقك يا اخونا صاحب المووضوع

فنجون

11/10/2010, 10:10 AM

ننتظر ردود اهل المعرفه

بن حريول

11/10/2010, 11:57 AM

عسى الله يعوض عليك
والله يرزقك بلي اطيب منه

شرهاب ليبيا

11/10/2010, 12:22 PM

يااخوان مو شرط الطيور الهجينه كل الطيور فروخ ماتعلمت توها العام عندنا شيهانه اصليه فرخه داشه بحر مع كروان وطلعناها عقب الويل وابشر بالعوض يالحبيب

كلام سليم 100% و أنا جربت هذة التجربة بنفسي العام اللي قبل الماضي هدينا قرناسة جليدة (وكرية) بالقرب من بحيرة كبيرة و خذت حمامة على حالها في وسط البحيرة و غرقت هي و اياها و ما قدرنا انطلعها رغم أنها لما عرفت أنها خلاص بتغرق سيبت الحمامة و ماتوا الأثنين في الماء
خلاصة الموضوع أنه الطير لما ايكون جيعان و يصمل وراء صيدتة ما في رأسه إلا أنه يصيدها و يصيدها فقط و لا يكثرت بما و راء ذلك سواء كان وحش أو تفريخ أو جير فالجوع جوع و الطير طير, ولكن عندما يكون الطير على حاله في الطبيعة فالجوع لا يبلغ عنده مبلغه عندما يكون عند الصقار فتجده يحسب حساب لصيدته و مكان الإنقضاض عليها و قد رأينا فيديوات لعدة شواهين كيف تخلي الصيدة حتى تجاوز الماء و تنقض عليها إذا كانت ثقيلة أو تعلقها و تطيرها طول إذا كانت خفيفة
و طبع طيرك طيب حى لو كلفه حياته و الله ايعوضك خير منه و اللي جابه ايجيب غيره و لا تعلم أي طير أنه يرجع عن صيدته و حاول تتجنب الأماكن اللي بها الماء و بس.
أرجوا من الله أني قد ساهمت و لو بالقليل و دمت كما يحب الله لك.

الجنيدي 123

22/02/2011, 09:21 PM

الله يعينك

مخلاب خامس

03/03/2011, 11:17 AM

صارلي نفس الموقف بس ربي سلم الطير وشفناه صدفة في البحر ، لاكن عقبها صار يحد الكروان عن البحر لين يقربه السيف ، وهذي ميزة الجيرات التفريخ ، والتفريخ ، والفروخ اللي توها فيها غشامها

وهذا شي صعب تتطبع فيه طيرك ، لانها مب محببه ، الصامل مرغوب

لاكن كل دقه بتعليمه
والله يعوضك في طيرك

تحياتي[/RIGHT][/RIGHT][/CENTER]

ابن القعيمه

03/03/2011, 07:51 PM

الله يعوضك بلي اطيب منه

falcon 1

03/03/2011, 08:36 PM

لا حول ولا قوة الا بالله ...الله يعوضك بلي اطيب منه
انا اشهد انه طيرك صامل . لكن اول مره اسمع بهذي انا
خن نشوف الاخوان شيقولون

مقناص الكويت

03/03/2011, 09:06 PM

اخوي الجير معروف غبييي يطرد الصيد وحار علي الكل
وهذا الي معوفني منه وله عليه طيار نشيط بس مشكله غبيييي
ولله يرزقك بطير النادر