جديد سالم الخميس

[سالم الخميس]

السلام عليكم ورحمة الله وبركاته

فى رحلتنا الى السعوديه يوم الاربعاء الموافق 24 / 8 /2005
توفقنا فى صيد طيب كله من السبيطى والمزيزى
حوالى 60 حبه بيومين وكان عن طريق الحداق وشوفو الصور
والفلم
http://www.mekshat.com/pix/upload/images10/mk7726_1.jpg


وهذا رابط الفلم

http://s1.ultrashare.net/hosting/fs/4ab92d7eb47e2325/

[AhMaD]

السلام عليكم ورحمة الله وبركاته


ماشالله عليكم



عليكم بالعافيه

[الدشقة]

بسم الله ارحمن الرحيم

كيف الحال يا شباب اسمحولي اقولكم انكم لم تحسنو التصرف في الصيد

ليس من اخلاقيات الصياد الكبير انه يفرح بصيد فروخ وصغار السمك والله حرام عليكم 60 مزيزي

ياخي ليش انت وياه تدري ان المزيزي الواحد يكبر ويجيب مئات السبيطيات انتو بالشكل هذا اثرتو على المنطقة الي انتو فيها ويا ليتكم ما عرضتو الموضوع

لاكن وش نقول غير لا حول ولا قوة الا بالله .

[ابن عيدان]

السلام عليكم ورحمة الله وبركاته
الأخ سالم الخميس ابارك لك هالصيد وعل القوة والى الامام
ننتظر المزيد من الصيد

[النوخذة]

السلام عليكم ورحمة الله وبركاته
ماشاء عليك اخوي سالم دائما متفوق (آآآآخخخخ لو تعلمني طريقة صيدك هاذي )
خلنا نستفيد اخوي (هذا وصايد عندنا بعد :D :D ) تراني امزح اخوي سالم
اخوي سالم وش هو الحاسوم ؟؟ انا شفتك ذكرت هالسمكة في احدى مشاركاتك
عموما يعطيك العافية
اخوي الدشقة
وسع صدرك :) وشوي شوي على الرجال ترا هالصيد اللي تشوفه هو الصيد اللي دايما يمسك معانا ولو بيدنا كان جودنا الميدار وسقطناه في فم السمكة الكبيرة لكن حيل الله اقوى
وسع صدرك اخوي ولاتزعل

[كشات]

بسم الله الرحمن الرحيم

وعليكم السلام ورحمة الله وبركاته

ماشاء الله تبارك الله
صيد حلو اخوي سالم

بالتوفيق والصيد الكبير ان شاء الله

للاسف الرابط محجوب في السعوديه


اخوي الغالي الدشقه
اخي اولا اشكرك شديد الشكر على حرصك الكبير في الحفاظ على الحياة البحريه

وثانيا
واتمنى انك توسع صدرك شوي
اخي الكريم اسلوب النصح مايجي بهالطريقه ولا اتوقع ان كلامك بيوصل خارج المنتدى ويتسع انتشاره
وخصوصا انهم هواة مايشكلون نسبة 001.% من كميات السمك اللي يصيدها الصيادين
واتمنى ان كلمة (حرام عليكم)ماتكون من باب الفتوى بتحريم ما احل الله
وصيد الاخ سالم كان عباره عن (( حداق )) يعني ماهو صياد محترف يصيد ويبيع كل يوم كلها رحله من فتره لفتره

وبعدين اخوي الغالي
واتمنى تنتبه زين لكلامي ولاتفهمه غلط
كم من ناقلة نفط تسرب نفطها في مياه الخليج
كم من كارثه صناعيه حدثت فيه
كم من نفوق كبير للاسماك في شواطىء الخليج وخصوصا في الصيف
ناهيك عن نسبة التلوث العاليه جدا
كل مافات مسببات لانقراض جميع مايسمى بكائن حي في مياه الخليج
ولكن قدرة الله اقوى فهو المحيي المميت
كي لايفهم كلامي انني اشجع على الصيد الجائر او بمعنى اخر (ياتصيده انت او بيموت لحاله)
انا معك اخي الدشقه بان الاسماك الصغيره من الافضل ارجاعها للبحر ان امكن ذلك
ولكن يجب علينا ان نتعلم لمن نوجه هذا الكلام ومن هم اكثر الناس حاجه له ! ! !

وبالنهايه اشكر لك حرصك الكبير
واتمنى ان كلامي ما يسبب لك اي زعل

[سالم الخميس]

السلام عليكم ورحمة الله وبركاته

احب ارد على اخوى الدشقه قوول كلامك صح وعلى راسى
بس ابى تعرف شى واحد
احنا نصيد بخيوط مو بشبك او لاياخ طولها كلوات امتار ولا بقراقير تذبح البحر ولا بعديد اسرائليه
تحرق الاخضر واليابس ولا بكوفه تشخط الارض ولا بقنابل ولا بسم احنا نستعمل
افضل طريقه للمحافضه على البيئه
نصيد بخيط

واذا انت تعرف البحر ماقلت الكلام هذا لنه كلام واحد ميعرف شنو يصير بلبحر من تلوث وناس
تحرق البحر

[الدشقة]

جزاكم الله خير على تحملي وما قصدي شي والله

اخوي سالم صيدك حلو وما فيه شي

بس اكيد تتمنى سبيطيات كبار صح عندي لك حل

سو مده يعني ود بعيد شوي وابشر بالخير في نفس منطقتك

لان اغلب الي يصيدون بالخيط يرمون قريب والقريب اغلب الاحيان صغير توه فاقص او توه رابي

والكبير دايم قدام يعني بعيد شوي

وبيض الله وجيهكم كلكم .

اخوكم الجديد الدشقة.

[سالم الخميس]

[align=center]السلام عليكم ورحمة الله وبركاته[/align

هلا فييك يا الدقشه انت واحد من اخوانا فى النتدى الطيب وكلام ونقدك نحترمه
وكلنا خوان والله لايفرق بينا نشا الله

[سالم الخميس]

السلام عليكم ورحمة الله وبركاته

اخوى كشات ابى اعرف شنو الطريقه اللى اقدر اوصل الافلام حق اهلنا وخوانا فى السعوديه
ابى مواقع تكون مفتوحه عشان انزل عليها او عطونى اميلاتكم ارسل عليها

والله يوفقكم وتشوفون الجديد دايمن

[كشات]

بسم الله الرحمن الرحيم

ماشاء الله تبارك الله

الف الف الف مليون شكر على نفسياتكم الحلوه وتقبل النقاش برحابة صدر وسعة بال

كثر الله خيركم ياشباب

فعلا هذا المنتدى يضم نخبه من الاعضاء المتميزين باخلاقهم ومواضيعهم وسعة صدورهم


الف شكر وهذا اعتذار شديد من اخوكم ابو علي على اي كلام ماعجب اي شخص شارك بهالموضوع

وبالنهايه حنا اخوان وحبايب
متأسف ان كان في كلامي ماادخل على القلب شيء من الضيق



الاخ سالم

العضو المتميز جيب ربع وضع في الخيمه العامه موضوع لرابط تحميل ملفات بحجم 30 ميغا
وهو لم يحجب بعد (الله يستر مايحجبونه هاليومين)

وهذا هو موقع رفع الملفات

http://www.uploadtemple.com/

وادري اني بكلف عليك برفع الملف مره ثانيه
ومثلك عارف الواحد يتشفق على سوالف الحداق وصور الصيد فما بالك اذا كانت الصور ومقاطع الفيديو لاحد الاعضاء الاعزاء

لاهنت يا خوي سالم
وكثر الله خيرك اخ الدشقة على سعة صدرك

[الدشقة]

انا في الخدمه لاي كان والي يبغا يطلع معي مكان ولا شي يرسلي خاص وانا بتفاهم معه مع العلم اني في الشرقية في الدمام

[سالم الخميس]

السلام عليكم ورحمة الله وبركاته

يهلا والله فيكم وبروحك الطيبه هذا اللى نبى التفاهم والخوه والتسامح
مشكورين يا الدقشه انت وكشات ولا يهونون الربع اللى فى المنتدى بس نبى نكون مثل جذى واحسن
وانا عن نفسى احب اشكركم واحط ايدى بيديكم وقول الله يكثر من امثلاكم

وبرد على اخوى كشات وقول الحيين بحمل الافلام ونشا الله تشوفونها مع انها متواضعه
بس الجديد يكون احسن نشا الله


(1)

http://www.uploadtemple.com/view.php/1125236186.zip


( 2 )


http://www.uploadtemple.com/view.php/1125236278.zip

[أبو فراس]

السلام عليكم ورحمة الله وبركاته

شكرا اخوي سالم الخميس على الاهداء

[كشات]

بسم الله الرحمن الرحيم

وعليكم السلام ورحمة الله وبركاته

الف شكر اخوي سالم على الاهداء لموقع مكشات

وسلم لي كثير على ابو فهد :D شكل ابو فهد راعي مزح