عزبة بر

[عبدالله السهل]

السلام عليكم ورحمة الله وبركاته
يااخوان انا ابي عزبه صغيره وخفيفه حقت قهوه وشاهي وطبخ للنفرين بس الي عنده خبره يعلمني تراني في حاجة رايكم وطبعا تكون رخيصه
وجزاكم الله خير:good2:

[عبدالمحسن 1]

فيه محل اسمه مكشات على الدايري الشرقي قريب من قصر الفيصل للاحتفالات
او تابع البنرات الاعلانيه اعلى المنتدى فيها اعلانات عن محلات ..

[ولد الدواسر]

اخوي لو تحط موضوعك في خيمة عدد وادوات الرحلات افضل لك ,,

[فتى مرات]

السسسلام عليكم .. بتلقى طلبك عند السنيدي على الدائري الشرقي بين مخرج 12 و13ومحل برق الحيا على طريق سعد بن عبدالرحمن الاول مخرج 15 ..

[ولد وايل]

البريق والدله اشترها لوحده يعني خض عزبه فاضيه اوفر لك


افضل جوده

[العاذر]

بما انك تبي رخيصه :

شف المواعين الزايده في بيت اهلك .. اكيد عندهم قدور وصحون وباريق ودلال قديمه بسبب التجديد والموديلات الحديثه وهذا مايخفى عليك

ونت تحتاج الى :

1- قدر نفرين
2- تبسي
3-بريق شاهي
4- دلة قهوة وممكن تطبخ القهوة وتبهرها في دله وحده علشان تختصر ولاتنسى الليفه تراها عند السنيدي بريال
5- دافور البريه المرهم الحجم الصغير او دافور كوفيا او اطبخ على حطب بيكون الشغل مضبوط
6 - ملاس صغيره + ملعقة خشب للتحريك +سكين +غضارة صغيره لتنقيع الرز وغسله وقيمتها ريالين
7- قطاعة صغيره للسلطة حسب الرغبه
8- كاسات ورق
9- مركاب للنار صغير
10 ولاعه وكباريت
11- بيز
12 - شنكار ذبيحه ( امزح )
13- سكر + شاهي + قهوه وهيل ومسمار وزنجبيل وبهارات

اي خدمه انا جاهز