با اخوان وش أسوي مع هالطير

[abu saud]

بصراحه أن قد امتلكت عدد من الصقور ولكن هالمره عزمت أني أدرب طيري بس بصراحه جابلي المرض ... كنت حاطه داخل غرفه وأدعيه يستجيب للدعو وصار ينقز من الوكر أو من يد خويي انا بصراحه أنبسطة وقلت أشيله للحوش أدعيه من مسافه أطول بعد ما شلته قمت أدعيه بس انه بدل ما يناظر للعلف قام يناظر يمين شمال فوق تحت وفتح أجنحته وبدل ما يجي صوبي طار للصوب الثاني.حاولت معه مره ثانيه بس مافيه فايده.ألحين حتى داخل الغرفه صار يسوي نفس الشي ألا ادا نسرته ودعيته يجي أما ادا ما نسرته وقمت ودعيته يصير يناظر في جميع الاتجاهات ويحاول انه بس يهرب... قولولي ويش أسوي معاه ؟

أخوكم/أبو سعود

[سرهيد1]

السلام عليكم ورحمة الله وبركاته

أخوي أبو سعود :يبدوا لي والله أعلم أنك مستعجل كثيراً على الطير .... أخوي ضع في بالك أن العجلة في أي أمر خصوصاً في الصقور هو أمر منبوذ ويعطي نتائج سلبيه .... عليك رعاك الله بسعة الصدر وطول البال .... ولا تتعجل على مبتغاك أن اردت نتائج طيبه .

من كلامك يبدو أن الطير لا يزال خائف منك والله تعالى أعلم وأنصحك في ذلك بما يلى ...

1- أذهب لمواضيع تدهيل الطيور ( وتدريبها ) وعليك بما كتبوه لك الاخوان بالترتيب ولا تستعجل في الانتقال من مرحلة لأخرى .. وقد أسهب الاخوان في هذه المواضيع لعلك تبحث عنها وستجد الكثير منها .
2- لا تكشف عن الطير إذا لم يكن على يدك أو اذا لم تكن تنوي أن تعلمه على أحدى المراحل .
3- تجنب تنقيز طيرك داخل البيوت والاحواش ..... عليك بالخلاء حتى يأمنك الطير في الخلاء ويعتاد على قربك منه بدون خوف .
4- أكثر من تدهيل طيرك ونقله على يدك فهذا يولد ثقة متبادلة بينكم .

5- وهي أهم أمر ضع نفسك في مكان الطير وتخيل كل ما يراه ويصنعه وعلل سبب ذلك وما ستفعل لو كنت مكانه !!!!!!!

أخيراً أوصيك بتقوى الله في طيرك ولا تنسى أنك مسؤول يوم القيامة عنه وعن ما تصنع به .

والله تعالى أعلم وصلى الله على نبينا محمد وعلى اله وصحبه وسلم

[ولد حايل]

السلام عليكم
اخوي ابو سعود
عمدتنا سرهيد اجاز وافاد
واسمحولي اضيف
يبدو لي انك تكرم الطير لحد انك تجزل له بالعلف اكثر من مرة باليوم والليلة
ولابد في هذه الحالة من وزن العلف حتى يستجيب لنداك ويكون لديه رغبة ودافع .
مع انك لم تذكر حاله العمرية - هل هو فرخ ولا قرناس واذا كان قرناس هل هو مصفي ولا باقي عليه


وفق الله الجميع

[مخبط القشع]

وعليكم السلام
واللة يابوسعود انصحك بشور الشباب وكفو ووفو
والله يسر حاللك

مع الشكر

[abu saud]

أخي العزيز سرهيد الظاهر اني فعلا استعجلت عليه.ولقد قرأت الموضوع الدي أشرت اليه.بس المشكله انه ادا أخدته للخلا مهما أدعيه ما يلتفتلي ولايعطيني وجه.اشكرك على النصح أسأل الله أن يثبتني واياك بالقول الثابت في الدنيا والآخره.
أخوي ولد حايل...فعلا أنا مكرمه جدآ. بالنسبه لعمر الطير هو فرخ شاهين جبلي.ادا كان عندك نصيحه لا تبخل علي ولك جزيل الشكر
أخوي مخبط القشع ... شكرآ على الرد

[ولد حايل]

السلام عليكم
اخوي - ابو سعود
يلزمك ان تقصر على الطير وتنقله معك اذا كان الجو يساعدك
ودائما خله مبرقع
ولا تعلفه الا وجبه وحده خلال 24 ساعة وتكون قليله جدا (نقر) ولتكن في الخلاء الطلق وبسبب او حبل مربوط به جيدا
ولا تعلفه الا على يدك حتى لو لزم الامر ان تنقزه لك يوم او يومين او اكثر حتى يستجيب لك
وابعده عن الاطفال ولا تدغفه او تلاعبه او تؤشر بوجهه او تستفزه بلعب او جد
خلك جاد معه وصامل
وعامله معاملة انسانية حسنه وحسسه بالثقة وبادله اياها ولا ترفع صوتك عنده
واذا دعيته ادعه بلطف ولين ورحمة وهون لانه فرخ جديد على الحياة

واسأل الله ان يوفق ويربح الجميع
ويصيد ويفيد ان شاء الله

وفق الله الجميع

[انا ناصر]

شكرا اخوي مااعرف انجليزي

[abu saud]

شكرا أخوي ولد حايل على الشرح ...الكرم لكم عاده ياهل حايل.

[y5393y]

والله انا اقول الله يعطيكم العافية

لاني عندي نفس الحالة

والله اني استفدت منكم والسأل الله العظيم ان يبارك لكم ويجازيكم خير

[ولد حايل]

السلام عليكم
اخواني الكرام
abu saud
y5393y
ما قمت الا بالواجب
واي استفسار او طلب انا مستعد حسب استطاعتي ومقدرتي المتواضعه
واسال الله العظيم لنا ولكم التوفيق والسداد

وفق الله الجميع
اخوكم
ولد حائل

[شعلان]

اسمح لي يا بوسعود بس انت غلط من البداية لازم تقصر على الطير وتدعيه في الخلا لأن المكان تغير عليه وشاف البر (( ترد له وحاشته )) وتخلي خيط الدعو طويل والله يوفق الجميع .

[abu saud]

أخوي شعلان ألف شكر وأسأل الله أن يوفق الجميع