هل طريقة فك البلاك او البوجي وتشغيل السيارة راح ينظف المكينة اذا فيها شوية ماء ..

[مواطن مدني]

السلام عليكم ورحمة الله وبركاته..
ياجماعة الله يعطيكم العافية جميعاً ابي ماعليكم أمر احد يشوف لي حل في هالموتر جنني وكان ماعندي شغل غيره
قراند شيروكي 2002 8 سلندر فيه رجفه ويتفتف ويطلع كربون ابيض او ازرق بس مو اسود
الحين الموتر عند الوكالة وطالعين لي في سالفة ان فيه شوي ماء في واحد من السلندرات او بستم
ويبي تنظيف ويبون يفكون راس المكينة علشان ينظفونه !!
السؤال : هل طريقة فك البلاك او البوجي وتشغيل السيارة ينظف السلندر اذا فيه ماء او شوية وسخ ؟

[عاشق الكابرس]

والله ماعندي فكره يفيدونك الشباب بس ال معروف ان الدخان الابيض يائن الموتر مكربن او جلد بلوف والدخان الازرق ان السياره تحرق زيت

[مواطن مدني]

عاشق الكابرس ماقصرت بارك الله فيك وشغلة هالموتر شغله طويلة سوو له رست للكمبيوتر وراح الدخان ويمكن يرجع في اي وقت
طبعاً لازال فيه دخان خفيف وابد موصافيه السيارة وماعندهم علم إلا ان فيه ماء ولازم يتنظف عن طريق فك راس المكينة
انا كلمت واحد اعرفه مكانيكي قلت له السالفة قال اللي اعرفه تقدر تنظفها عن طريق فك البلاكات واحد ورا الثاني وتشغل السيارة
واذا فيها شي راح يطلع هذي طريقة التنظيف اللي نعرفها مانفك الراس علشان هالسبب!
اذا هالطريقة تحل المشكلة فعلاً ياليت احد يفيدني لأن اللي كلمته يقول ودها واحد يفهم في الشيروكي
يقول انا قلت اللي اعرفه بخصوص التنظيف ولكن الشيروكي ما اشتغل فيه موتر غريب وفيه اللي مايخطيه .. !
عرفت الرجال قرفان منه بس افادني بهالسالفة وحبيت افهمها منكم واتاكد الله يعطيكم العافية ..

[محرين باالخير]

شوف اخوي باالنسبه لكلام صاحبك عن تنظيف الماء باالمكينه بفك البلاكات او البواجي هذا في حالت ان السياره غرقت في ماء ودخل الماء داخل المكينه إمل عن طريق الثلاجه او الشكمان لاكن عندك واحد من البساتم يجي فيه ماء هذا يكون احد الأسباب التاليه إما وجه الراس مظرورب اور الرأس مشعور او السرندل مشعور وهذا سبب كافي لرجفة المكينه لأن السياره تشتغل 7 سلندر فقط هذا حسب علمي وإذا تبي الحلول راسلني بس بعد تقرير الشركه عن مشكلة الماء تحياتي

[مواطن مدني]

محرين باالخير الله يعطيك العافية وجزاك الله خير وكلامك منطقي
ومانزلت الموضوع إلا ابي حل للمشكلة من الطيبين وماقصرت ..
وابشر بكره اطلع السيارة واخذ منهم تقرير عن المشكلة واصورة
واعطيك خبر باذن الله ..

[sadoon]

اخي مواطن اذا طلعت المشكله بالمكينه فانصحك انك ماتصلح لان 8 سلندر بالشيروكي حتى لو صلحته مايضبطونه تمام

نصيحتي تاخذ مكينه مستورده

انا معي شيروكي 8 سلندر موديل 98 والحمدلله المكينه مافيها شي بس سألت عن سعر المكينه بالكويت مستورده قالي 2000 ريال مع التركيب
واعتقد بموديل سيارتك يزود 500 ريال
ولو تصلحه راح يكلفك اكثر

الكويت تشليح الدواس
هاتفهم على الفاتوره 009654573479
جوال 009659617623

التشليح متخصص شيروكيات فقط ورانجلر والاسعار رخيصه اخذت منهم دفرنش امامي ب 850 ريال
ويتعاملون بالريال المكائن والقيرات والدرفنشات مستورده ااذا تبي استعمال الكويت نص السعر

عطوني دفرنش استعمال الكويت 450 ريال
وانت اتصل شوف وان شاء الله الارقام اللي على الفاتوره صحيحه

تحياتي

[kellahd]

المشكلة ليست تنظيف

لأن الماء لا يأتي الى البستم الا بسبب خراب في الماكينة

و التفتفة اكبر دليل على الخراب

[زيزوم الاكحل]

ما قصر اخوي محرين بالخير واذا بغيت تفحص الراس أنصحك تفحصة بمركز الفاخرية الى على طريق خريص وانت بإتجاة الشرق قبل مدينة التدريب لأنهم يضغطون الراس بالماء الحار وفحصهم جيد ودقيق .