ابي فزعتكم ياهل البر والمطاليع

[أسير المساري]

مساكم الله بالخير جميع

حنا يالربع نبي نكشت الاسبوع الجاي وودي استشيركم تدلوني على مكان زين

يعني شمال الرياض باحداثيه او وصف ودمتم سالمين

[ابن حرمل]

هلا وغلا اخوي
فيه شعيب صلبوخ ممتاز وخط سهل ويبعد عن الرياض 45 كيلومتر وشعيب غيانه بعده بخمسه كيلو شجر وسلم وممتاز بس خل معك كل اغراضك وبعدها شعيب حريملاء وكلها على خط واحد
والموقع الاخر شعيب دقله على خط القصيم يجيك كبري دقله على اليسار تدخل شوي تشوف الشعيب قدامك
اتمنالك التوفيق وسعه الصدر بالتوفيق

[بهبهانيD]

تعال عندنا بالشمال راح تنبسط ^_^

[ابن حرمل]

المحليه على طريق حفيره نساح

او طريق ضرماء لكن اذا اخذت مخرج ضرما قبل التفتيش تجد اماكن على اليمين وعلى اليسار
لكن الاجواء هناك رائعه للعائلات

[العاذر]

وش طبيعة الارض اللي تبي علشان افيدك

وش نوع سيارتك

[ولد التواجر]

مسيت بالخير يالطيب ..

و الله كان تبي فلة الحجاج ترى النفود يشرح الخاطر ..

عندك نفود المزاحمية ( طريق مكة ) ..


و كانك تقلب تسبدك من النفود ( مثل بعض الناس ) ..


عليك بشعيب حريملاء .. يبعد عن الرياض تقريبا 80 كيلو ..


و الله يوسع صدرك بالعافية ..

[عمر 960]

اذا كآنت الرحلة عائلية رح للخرارة
اذا كانت شبابية رح لم دكة الخميس

بالنسبة لشعبان كثيرة عندك طريق القصيم كلة شعبان
لا تنسى بويبات والطوقي

والله يسهل عليكم

[أسير المساري]

بيض الله وجيهكم ولاهنتو اشكركم جزيل الشكر يالنشاما على توصيفكم الطيب

اخوي العاذر موتري هايلوكس غماره 2008 مجهز بالكامل ولايهمني البعد ابي مكان شعبان ويتوفر فيها الدخل وسلاحنا ام

صتمه ولاهنت اذا بتوصفني مكان طيب