وين أهل الذوق ؟

[جواد الفجر]

ياأخوان نبي نعرف أحسن طريقة لصنع القهوة السعودية قهوة الكشتات الي تخلي رأسك يصحصح
أنا في انتظار ردودكم

[nahham]

كل مطوع له قروته

والناس اذواق يالغالي

[توونا]

قهوه هرري خل حمستها شقرا وهيل هندي ريحانه الي كيسه برتقالي زعفران ايراني الي ريحته فواحه شوي عويدي بعدين جب لك قمقوم وحط فيه لترونصف ماء قراح حلو وخله يفوح من ثم حط فنجالين قهوه صغار قهوه مطحونه وفوقها زعفران نتفه وخل القهوه تفوح من خمس دقائق ال عشروبعدين اطحن هيل نصف فنجال قهوه وشوي عود حول 15الى 20 حبه وخلهم فوق القهوه الي تفاوح بعد ماتحط المسماروالهيل بالقمقم احسب خمس دقائق وبعدين زح القمقم عن النار يصفا الا انت مجهزاما دله او ترمز ابونقطه حمراء الالماني مايغير طعم القهوه ولاالشاي وانتبه يكون على اثر شاي اودارسين اواي مشروب اخر يعني مخصص للقهوه وحط فيه نتفه زعفران فيه اوفي الدله ان كان دله خلها قريبه بعيده من الجمر ومن ثم جب صفايه وزل قهوتهك متمنيا لك مزاج رايق وراح تدعي لي باذن الله وقبل تشرب القهوه شف لك تمر او حلى واضرب منه لما تقول الكبد نشفت وتقهوبالهنا والعافيه

[سهيل1]

أهم شيء ...(( والناس أذواق ))
يا حبذا أن تسويها على جمر لأن له تأثير عجيب على كيف القهرة

بعد غلي الماء تطبخ القهوة الشقراء (( وحدها + قرنفل )) لمدة 2-3 دقائق .. لأنه إذا زاد طبخ القهوة يطلع لها (( مثل الزيت ))
ثم تطبخ الهيل والزعفران (( فقط لأنها ما هي غداء تحط فيها من البزارات والأعشاب .. ما صارت كيف .. صار مشروب أعشاب))... (( طبخ بسيط )) قلبة أو قلبتين على النار فقط (( لأنك إن طبخت الهيل كثير يمرر ))

ثم قدمها بالدلة .... وأبعد عنها الثلاجات (( ترى كيف القهوة ما خرب إلا يوم جت .. ))


.

[جواد الفجر]

أشكركم يا أخوان على هذا الرد وننتظر المزيد

[الدهماني]

ياصباح القهوة التي ريحه تكفخ الراس

والله آنا ماني راعي فن في عمل القهوة لكن كان عندنا شايب بالعمل كان يجيب قهوة معه كل صباح وكانت غير طبيعيه مع العلم لا يوجد بها أي إضافات غير الهيل ( وكلمة الهيل هذي لنا معها قصة في أخر المشاركة ) فأصريت علي معرفة سر نكهة هذه القهوة فدعاني لمنزله وذهبت له بعد صلاة المغرب وسواها قدامي وفعلا لم أرى أي شي زياده فقد قام بوضع مقدار دله ونصف ( دله من الحجم الصغير ) ماء في فواحة القهوة ووضع مقدار فنجالين قهوة مطحون طحن خشن ( لأجل حثالهة القهوة ما تصير في الفنجال من أول صبه ) ثم يخليها على النار ولا فاحت خلاها تقلب مدة 10 دقايق ثم وضعها بالدله بعدما وضع قليلا من الهيل ( مقدار ملعقة من حجم الوسط ) ثم يتركها على طرف النار حتى تبدأ أول قلبه ليبعدها عن النار ثم تنفنجل على كيف كيف كيفك ولا تنسى القدوع .
وقد عملت نفس الطريقة ونجحت بفضل الله ولكني زدت الزعفران


بخصوص قصة الهيل ، كان لنا في العمل أخ عربي وكان يحب شرب القهوة عن شايبنا وقد رغب بغمل القهوة في بيته بنفس الطريقة فسأل شيبنا وقال له هل تضع شيئ في القهوة غير الهيل فرد الشايب لا وبعد فترة أخبرنا الأخ العربي بأنه بدأ يحس بمثل الحرقان في المعدة ثم سأل الشايب مرة أخرى فتبين أنه لا يضع في الماء غير الهيل ولا يضع قهوة أصلا وشايبنا ظن حين سأله بأنه لا يضع غير الهيل شيئ آخر أنه الأخ العربي يعلم بأنه من البديهى وضع القهوة وإلا لما سميت قهوة أصلا ........

وعلى طاري الدله والقهوة جاءتني رساله من أخ عزيز تحمل هذه الأبيات التي لا اعلم من قائلها :

أشرب من دلتك ولو كلها سم
والله ما أهز فنجالك ولا أقول كافي
ما دام من يمناك وتقولي سم
تراك يا صويحبي كل سمك عوافي

وسلامتكم

[عاشق المزون]

شف اخوي باختصار شديد:
1) القهوة من حمستها. اذا انت راعي كيف احمس على قد طبخك يعني احمسها واطحنها طازه على قد الى تبي تشربه .
2) عليك بالمسمار (العويدي) يعطيها رايحة وطعم.
3) اضف قليل من الزنجبيل المبشور عليها.
4) طبخها مثل ماقالو الشباب.

[جواد الفجر]

مشكورين ياخوان وماقصرتوا وانا في انتظار المزيد

[محمد السبيعي]

ياللي تدور القهوه الزينه

اسمع شوري وانا اخوك

احمس القهوه زين وركب غوريك المتوسط وحط فنجالين قهوه وخلها تفور مرتين الى ثلاث وحط معها زنجبيل توك طاحنه وخلها تفور بعد

وان كان معك دله حط فيها هيل ملعقةً كبيره وعويدي ربع ملعقه وذره من زعفران وزل الغوري في الدله وخلها تفور فورتين

الى ثلاث

وللمعلوميه العويدي يخفي عيوب القهوه اذا ابتلشت ههههه

[طشي وامطري]

القهوة معها هيل وزعفران ولا يزيد <<<<< في نظري
لكن لاتخلي الماء يفوح بالحيل حط القهوة لسخن الماء لأن القهوة تعربد(( مالقيت تعبير غيره )) ، والأفضل القهوة مع الماء وهو بارد.
وأهم شيء وترى كثير من الناس يغفلون عنه وهو اللي يغير القهوة بعض الناس ما ينظف الدلة و الملقمة إذا زين به قهوة ، أو يترك الدلال فترة ثم تهجر .
وأفضل شيء اطحن القهوة والهيل قبل تزيين القهوة يعني من الطاحونة للملقمة والأفضل الحمسة بعد.
أما الحمسة خلها غويمقة شوي <<< قهوتنا يالقصمان.
هذا اللي عندي والباقي الشباب وفوا وكفوا.