.........هل الدهنا ممنوع دخولها على راعي الطير .........

[راعي طلاع]

السلام عليكم ورحمة الله

اكيد الجميع عنده خبر عن ان الدهنا حميت من اهل الدبش والحطب

وان القناص والكشات لا منع عليه ولكن تفاجأت من رجالن يجيب

العلم يقول ان الحمايه طردوه وقالو له حتى راعي الطير ممنوع

يدخل الدهنا السؤال هل الدهنا ممنوعه او ان الشخص اللي منع

خوينا يتفلسف وهل نص القرار بالمنع على الجميع او ان راعي

الطير والكشات مستثنى من هذا المنع ارجو ممن لديه المعرفه

الاكيده اعطائي الجواب الشافي خص ان مقناص الدهنا على

الابواب ولكم جميعا الشكر والتقدير وشكرا.......

[عنيد]

اعرف رجاجيل وقت القميري بالدهناء يمرهم الحماي ولايقول شيء لكم وقت الحباري غير :director: الهروب ؟؟؟؟؟؟؟

[@قرناص@]

وعليكم السلام ورحمة الله وبركااته ,,

متفلسف لا اقل ولا اكثر ,,

الدهنا منعة لرعي والاحتطآب .. اما الكشاته والقنوص ماانص قرار يمنعهم ,,

[البرًي]

ياساتر وش بقا لنا ياحسافة الدهناء

[صاحب نوماس]

بس على اهل الحلال والحطب

حنا عندنا اباعر ووديناها الرمحية اما راعي المقناص والكشات عادي

[الفااهم]

ابشر يا صاحب الموضوع بالعلم الي يبسطك انت والي معك
ولي البشاره منك ياغالي
يوم 2/12/1431هـ
باذن الله سيرفع الحما عن الدهنا
كلام يجمد عليه الشنب ورد العلم عني
ولوجود بعض المشرفين الذين لا يرغبون وجودي في هذا المنتدى
لم اكتب عن هذا الموضوع والمصدر لدي وموثوق به

[mish3al-]

الله يستر كل شي ولا الدهنا

[ابوعزيز2007]

والله الظاهر بعد عشر سنين مالك الا الملواح باقرب براحه فاضيه

[عتيج الصوف]

:D:D:D:D
والله الظاهر بعد عشر سنين مالك الا الملواح باقرب براحه فاضيه

:D:D:D:D

[قرناس شماالي]

وعليكم السلام ورحمة الله وبركااته ,,



متفلسف لا اقل ولا اكثر ,,


الدهنا منعة لرعي والاحتطآب .. اما الكشاته والقنوص ماانص قرار يمنعهم ,,


كلام اخوي صحيح
الكشات والقناص موممنوع
بس الي يحطبون وراعين الدبش
وتقبل تحياتي

[راعي طلاع]

شكرا لكل من رد ولا هنتو....

[راعي طلاع]

ابشر يا صاحب الموضوع بالعلم الي يبسطك انت والي معك

ولي البشاره منك ياغالي
يوم 2/12/1431هـ
باذن الله سيرفع الحما عن الدهنا
كلام يجمد عليه الشنب ورد العلم عني
ولوجود بعض المشرفين الذين لا يرغبون وجودي في هذا المنتدى
لم اكتب عن هذا الموضوع والمصدر لدي وموثوق به

مرحبا ومسهلا يالغالي وان كان به احد ما يبيك فاعلم انه موجود ايضا من يقول

هذا محلك كلامك وانا اخوك مطمئن لكن تعليق بسيط وش قصدك بيفتحون الحمى

من التاريخ اللي ذكرته هل تقصد على الجميع او القناص والكشات ارجو التوضيح

يا كحيلان ولك مني انت والاخوان جزيل الشكر ........

[طفران بس بطران]

قرار غبي اتحما الخير للي انزل الخير بسببهم وتحطه لللي ماياكلونه مثل البهم

[ضب نجد]

قرار غبي اتحما الخير للي انزل الخير بسببهم وتحطه لللي ماياكلونه مثل البهم




:good::good:

كلام سليم ...

تحياتي
ضب نجد

[الفااهم]

مرحبا ومسهلا يالغالي وان كان به احد ما يبيك فاعلم انه موجود ايضا من يقول

هذا محلك كلامك وانا اخوك مطمئن لكن تعليق بسيط وش قصدك بيفتحون الحمى

من التاريخ اللي ذكرته هل تقصد على الجميع او القناص والكشات ارجو التوضيح

يا كحيلان ولك مني انت والاخوان جزيل الشكر ........


يسلمك ربي
ويخليك
ويهنيك
ويرضيك
وبادلك الشعور ياغالي

سوف تفتح الحما عن الدهنا للكل وسوف ترعاها كل الادباش (الابل والاغنام)
باذن الله وسوف يصدر امر من ولآة الامر بذلك

[راعي طلاع]

اشكرك يالفاهم على الرد والله يسمع منك ياخوك واعتذر على التاخير بسبب

اني كنت قانص والله يسمع منك ماقول احد قالي انا قنصت هاليومين اللي

راحت الدهنا وجونا الحمايه وقالو لنا لاهنتو عودو وراكم وقالو المنع عالجميع

دون استثناء راعي حلال او قناص او كشات وسلامتكم وانا اقول الله لا يحرمنا

من الدهنا والله ييسر الامور.....

[قناص ابن غنام]

الكلام كثر فالحمى ولا ندري وش الصحيح يقولون فيه قرار جديد انهاا بتمنع حتى من راعي الطير ويوم الخميس هذاا ممنوعه الامير اخمد كان فيهاا وكان اخوي على طريق الملك وجاي من الصمان وطلع من لخط بيدعي وجوه الحمايه وخذو بطاقته وقال ارجع الامير احمد جاي والدوريات على طول الخط وقال ممنوع وتوكل على الله ويقوله هذا القرار الجديد بس مدري علشان الامير احمد او ممنوعه هذا الي صار يوم الخميس ان صدق راعي الحمايه تقبلوا مروري

[دحومي10]

الله على ايام الدهنآ .. لا يحرمنآ منهآ يآرب

[طوريش]

الدهنا ممنوع دخولها حتى لو تمشي على رجليك منعا باتا انا جاييها اليوم قانص وطارديني منها 13 _12_1431

[ااالعتيبي]

ااااالله يووسع على ااالمسلمين

[راعي الاحمر]

السلام عليكم الدهناء ممنوع ممنوع تقنص

[الواثق 7]

السلام عليكم
العلم الوكاد ان القنوص طردو من الدهنا وانا اولهم وعدة مرات بعد وحسب كلام الحماية انها ممنوعه حتى الطيور ما تمر من فوقها الله يدفع البلا . اما القرار ما شفناه وسمعنا انها بتفتح للقنص مع بدأ الموسم (السماح ) والله اعلم

[جبار1]

ياربع أنتم فاهمين غلط الدهنا ممنوعه على اهل الحلال والحطاب فقط

والمنع من جهة الرمحيه مانعها الأمير أحمد بن عبدالعزيز الغرض من

المنع يبي يقنصها

اما باقي النفود ماهي ممنوعه على القناص وانا قانص فيها لي ثلاث ايام ماجيت غير اليوم 13 /12
يمكن يعارض شخص من الحمايه بس ماعنده سالف وانا سئلة واحد في

امارة المجمعه قال التعميم واضح

المنع فقط على راعي الحلال والحطاب فقط ::

يعني توكل على الله ورح لها ..

وبالتوفيق .

[عروق الدهنا]

موضوع حمى الدهنا صار فيه الكثير من الجدل


يوم الخميس اللي راح كنت في الصمان قانص وانا راجع دخلت خبة البرج ونصيت مخيم الحماية وقلطت عندهم ونشدت عن كل شي
عن القنص والمكشات
قالوا محمية عن كل شي وحتى العبور من طريق الصمان -العتش إلى الطريق الدولي


ومراكزهم
عريق التنهاة_خبة الكناسية_خبة ود_خبة البرج


وخذ العلم من وانا اخوك
محمية من كل شي



تحياتي

[راعي طلاع]

لاهنتم جميع على التفاعل.....