المساعد الشخصي الرقمي

مشاهدة النسخة كاملة : رصاص الخرازه يالربع


فتى شنه
12/10/2010, 09:21 AM
صبحتو بالخير يالمكشاتيين
ابي اعرف الفرق بين النوعين وايهما اقوى واطول مسافة وقوه تفجير بينما النوع الاول السنجر جربته وهو قوي لكن نادر تلقاه خاصه النوع القديم الاول
بالنسبه للفشق الثاني مدري وشو ولا عندي خلفيه عنه ابي اعرف وش اسمه عندنا بالرياض وهل هو متوفر وما الافضل بين النوعيين .
http://www.alganasah.com/uploader/2010/17059/31286858507.jpg



http://www.alganasah.com/uploader/2010/17059/11286858507.jpg
سعودأبوفهد
12/10/2010, 06:06 PM
هلا ولله اخوي



هذا ترا ما يصح الا للامانيه بس اما البرنو ترا تخربه
فتى شنه
16/10/2010, 08:29 AM
يالربع مشكورين لا هنتوا

ماحصلنا جوابكم من ناحيه الفرق بين النوعين
سهم قحطان
16/10/2010, 09:07 AM
حياك الله أخوي فتى شنه,,,
بالنسبه للنوعين فهم منتجين من شركه وحده وهي شركة (cci) الأمريكيه وفيه حوالي خمسين موديل من الرصاص لكن بخصوص النوعين اللي انت تسأل عنها فالفرق طال عمرك في مواصفات العبرود وسرعته ومسافة دقة الإصابه


بالنسبه للستنجر فوزن العبرود 32 غرام وسرعته 1292 قدم في الثانيه عند 50 يارده,,, 1162 قدم في الثانيه عند 75 يارده ,,, 1066 قدم في الثانيه عند 100 يارده ,,, وينصح بإستعماله للبنادق ذات الماصوره الخاضعه للمواصفات الأمريكيه ( موضوع معقد شوي ) لكن المقصود من هذا إن الستنجر رصاص مداه بعيد لكنه يؤثر على الماصوره لبعض البنادق.


النوع الثاني (SRG) فوزن العبرود 21 غرام وسرعته 1128 قدم في الثانيه عند 50 يارده,,,, 988 قدم في الثانيه عند 75 يارده,,,, و912 قدم في الثانيه عند 100 يارده,,, ودقة الإصابه لهذا النوع عند 50 يارده وهو أبرد على الساكتون من الستنجر لكن مداه مثل ما ذكرت أقل ,,,


طبعا هذي المعلومات أخذتها من الموقع الأساسي للشركه وأتمنى إني أفدتك ,,, وتقبل تحياتي.
فتى شنه
16/10/2010, 09:16 AM
بيض الله وجهك اخوي سهم قحطان

طبعا اللي ودي اعرفه هل يوجد نوع مثل السنجر او اقوى منه حاليا

لاهنت
سهم قحطان
16/10/2010, 10:01 AM
والله ياخوي حسب خبرتي المتواضعه بالرصاص فإن الستنجر هو أقوى نوع عرفته وغيره فيه نوع ألماني قديم علبته سوده وعليها خط أخضر والله ناسي اسمه ومقطوع من فتره عن السوق رصاص قوي وراكد,,, وفيه طال البليزر من نفس شركة الستنجر رصاص قوي لكن عيبه ان بعضه يشكل في الرمي,,, وفيه طال عمرك الليزر من شركة وينشستر رصاص مضبوط ما عليه كلام أبد وأنا أفضله شخصيا على الستنجر ولي فتره أستعمله وعلومه تسر ,, وفيه أبو أرنب ,, والإنجليزي إسمه إيلي ,,, و المكسيكي Aguila أبو علبه صفرا كل هالرصاص قوي وغيره كثير مر على لكن مو بقوة هالأنواع المذكوره ,,, هذا علمي وسلامتك
فتى شنه
16/10/2010, 11:55 PM
شكرا لك ياسهم