اللي يعرفون جبال طويق والعارض ادخلو

[أسير المساري]

مساكم الله بالخير يالنشاما

ودي اعرف هل جبال طويق يوجد بها شياهين جبليات او وكارى

انا والله ودي بوكري او جبلية وهل طرحها سهل بالشبكه اللي يعرفون بالله تفيدوني الله لايهينكم

وتسلمون على كل حال

[هوايتي مكشات]

الله يرزقك ياغاااالي

[عنيد]

اذا لك خاطر بالطرح فعليك بالساحل الغربي وخل منك اللي كلاه الدهر
نصيحه ..................والله ماوراها الا التعب طويق والعارض
الساحل كل يوم وحش وعابر
الله يرزقنا وياك

[هبوب]

فعلا الساحل وبس

[ابوعزيز2007]

افادوك الاخوان

[قرناس شماالي]

اخوي اذ لك رغبه رح وقنص طيور
ولاكن المنطقه الي تعجبك بطيور الساحل
لاكن لاتفوت الجبليات ولوكار اطرح
والله يرزقك

[أسير المساري]

بيض الله وجيهكم على ردودكم لكن يالربع الساحل يبي اجازه والدوام رابطني ولالي الا طويق والعارض والله مدري عنه لكن قلت هالخشوم يمكن ماتخلى من الشويهينات الجبليه

[حبراي]

الطرح وفقه جهز در بيلك والشبك وتمش عقب الدوام وعليك بألار ض البياح اللي بجانب الجبال عسى الله يرز قك من الصقور المهاجرة في هذه الا يام مع بداية هجرتهن هاليومين وانس المساري وعليك بالبكور فهي البر كة
وبعد العصر ومسيان ومدة الدر بيل
الله يرزقنا واياك تقبل ودي واحترامي

[abo_m3n]

لو فيه شمس بانت من امس

كلهم قناصين و صقارين

مايخلون فيها شي وراهم و الله يوفق الجميع

بس انشدني عنها اعرفها من كثر ما وطيتها

[أبوفرحان]

الله يرزقك

[قنيص غير]

الله يرزقك اخوي

[مدهـوش]

حياك الله

جبال طويق لا يوجد بها اي شئ غير العقبان اي العقاب


او قد يكون طيور ضايعه متواجده هناك



والله ولي التوفيق

[الشاطر ماطر]

نادره وانا اخوك مالك الا الساحل هو افضل مكان والرزق في كل مكان