استفسار عن الصوف

[المطنوخ 222]

السلام عليكم ورحمة الله وبركاته

عندي استفسار بسيط للجميع ولاصحاب الـ gxr خاصة

عندي الصوف اللي بين الدبل والقير والمكينة دائما تخرب

يعني تقريبا كل 6 شهور اغيرها

السيارة تماتيك وموديلها 2001



وماهو افضل مكان بالرياض ممكن يضبطها لي


والله يوفقكم

[المطنوخ 222]

للرفع رفع الله مقامكم

[ابوطاقية]

مشاكل الصوف من زيادة الزيت وشكل الي يركبلك مايشتغل بذمه والا مايعرف والا القطعه تقليد

[المطنوخ 222]

والله يا خوك ما ندري عنهم

يطلبون من الفلوس ونعطيهم والله ذممهم

الله لا يهينك على مرورك

[YUKON_GMC]

لاتركب اي قطعه الا من الوكاله اومن واحد يعطيك فواتير الوكاله ,,, ترى كل اللي بالسوق مضروب حتى الاصلي اللي يبيعونه اغلى من حق الوكاله تقليد او مجدد
مثال -
السيفون الاصلي اللي يباع عند محلات تغيير الزيوت
ويقولون انه اصلي وعليه طبعة الوكاله لو تشتري من الوكاله وتقارنه معه تشوف فيه اختلافات كثيره وحتى الرقم يختلف والمشكله انه اغلى من حق الوكاله

[مؤشرات]

انصحك اخي:

تأكد من الزيت لا يكون زايد
لا تأخذ الصوف الا من الوكالة لضمان انة اصلي
لا تركب الصوف الا عند احد يفهم لأن الصوف يعتمد على التركيب
لو اني من بالرياض كان افيدك اكثر
تبي بالقصيم حاضرين:good2:

[عبدالله المطيري]

أخوي حياك الله الصوف اذا تندي بسيط خلها ماعليه الا اذا تصب الزيت هنا المشكلة

عموما اضغط على الرابط هذا ممكن يفيدك


اضغط هنا (http://www.mekshat.com/vb/showthread.php?t=326809&page=2)

[المطنوخ 222]

بارك الله فيكم جميعا

انا الزيت عندي مرة يصب . .

يعني ما صرت ادخل السيارة الحوش راح كله زيت

احد يعرف ورشة ابو عادل اللي بالصناعية القديمة